З мэтай папулярызацыі сярод моладзі дзяржаўнай сімволікі праходзіў раённы фотаконкурс «Сцяг Перамогі – радасці сцяг!», прымеркаваны да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Віншуем Міранюк Насцю і Шаламіцкую Паліну з перамогай у конкурсе!
У рамках Года якасці з мэтай папулярызацыі прэстыжу рабочых прафесій навучэнцы 1,2,4 класаў наведалі ААТ «Пружанскі завод радыёдэталяў». Навучэнцы змаглі наведаць некалькі цэхаў, даведаліся, вытворчасцю якіх дэталей займаецца завод. Падобныя экскурсіі — выдатная магчымасць для школьнікаў убачыць, як арганізуецца прамысловая вытворчасць, якое абсталяванне выкарыстоўваецца, пазнаёміцца з прафесіямі і «прымерыць» іх на сябе.
Напярэдадні летніх канікул навучэнцы 1, 2, 4 класаў наведалі Пружанскі выратавальны пост зоны адпачынку па вул. Пушкіна. Старшыня АСВОД Амельянчук Юрый Міхайлавіч правёў з хлопцамі гутарку па правілах паводзін і мерах бяспекі пры адпачынку ля вады, таксама былі прадэманстраваны выратавальныя сродкі і ўручаны буклеты па асновах бяспечных паводзін на вадзе.
Напярэдадні летніх канікул у рамках акцыі «Увага — дзеці!» ва ўсіх класах прайшлі прафілактычныя мерапрыемствы. Мерапрыемствы, праведзеныя ў рамках акцыі, паслужылі асновай для далейшай матывацыі вучняў да вывучэння правілаў бяспечных паводзін. Разнастайнасць форм, выкарыстанне пазнавальнага і займальнага матэрыялу дало магчымасць дзецям праявіць сваю актыўнасць і творчасць. Усё гэта дазволіла пашырыць уяўленні дзяцей і выпрацаваць у іх цвёрдыя навыкі правіл бяспечных і культурных паводзін на вуліцах і дарогах, у грамадскім і асабістым транспарце.
Навучэнцы школы прынялі ўдзел у Дні адчыненых дзвярэй, які прайшоў ў Пружанскім РАНС. Валодзькіна Вераніка прыняла актыўны ўдзел у раённым аглядзе-конкурсе дзіцячай творчасці «Выратавальнікі вачыма дзяцей» і была ўзнагароджана дыпломам 1 ступені.
З 22 па 24 мая праводзіўся раённы этап Рэспубліканскага творчага конкурсу юных чытальнікаў «Жывая класіка», у якім прыняў удзел 21 навучэнец. Дыпломам 3 ступені ўзнагароджваецца навучэнка 7 класа Сіліна Сняжана. Віншуем Сняжану і настаўніка беларускай мовы і літаратуры Сунік Алену Мікалаеўну!
Лета — гэта самая доўгачаканая і любімая пара года для ўсіх дзяцей. У школьнікаў пачынаецца пара канікул, калі шчаслівыя дзеткі цешацца бесклапотнаму баўленню часу, гарэзуе на свежым паветры, грэецца пад цёплымі сонечнымі прамянямі. 28 мая навучэнцы 4 класа адправіліся ў захапляльнае падарожжа па маршруце «Бяспечнае лета», дзе іх пільнавалі розныя выпрабаванні. Дзеці пазнаёміліся з правіламі бяспечных паводзін на дзіцячых пляцоўках, у лесе, на пляжы, ля вадаёма, на дарогах. Рабяты паўтарылі агульныя правілы паводзін дома, на вуліцы, з незнаёмцамі – яны аднолькава значныя ў любую пару года і выконваць іх трэба няўхільна.
25 мая для навучэнцаў 9,11 класаў прайшла ўрачыстая лінейка «Апошні званок», прысвечаная заканчэнню навучальнага года. Заканчэнне школы — незабыўны, хвалюючы момант у жыцці кожнага чалавека. Школьны двор напоўніўся водарам кветак, прыгожымі выпускнікамі, гукамі школьнага вальса. Атмасфера панавала адначасова радасная і крыху сумная. Бо менавіта тут нашы выпускнікі развітваліся з дзяцінствам. Са словамі на дарогу да выпускнікоў звярнуліся дырэктар школы Ярмашэвіч А.М. і старшыня Шаняўскога сельскага выканаўчага камітэта Бяляева І.Р. Выпускнікі, прыгожыя і сумныя, на развітанне сказалі трапяткія словы сваім настаўнікам, бацькам, пацешыўшы ўсіх прысутных выдатным танцам і песнямі. Свята атрымалася вельмі добрым і кранальным. Усім нашым выпускнікам мы жадаем удачы ў будучыні. У добры шлях, выпуск-2024!
