Напярэдадні чарговай гадавіны аварыі на Чарнобыльскай атамнай электрастанцыі вучні школы мелі магчымасць паглядзець відэафільмы «Звериная зона Чернобыля» і «25 лет Чернобылю».

   Закончыўся вясенні  этап акцыі па збору макулатуры, які праходзіў пад дэвізам «Збяры макулатуру — зберажы дрэва». У ім прынялі удзел вучні ўсіх класаў.  Усяго было сабрана 1074 кг другаснай сыравіны. Самымі актыўнымі ўдзельнікамі акцыі сталі вучні 4 класа.

    У суботу, 4 красавіка, для вучняў школы праводзіліся мерапрыемствы па прафарыентацыі.

  Пачаткоўцы пазнаёміліся з прафесіямі, якія ахоўваюць, кормяць і вучаць людзей. Яны вучыліся адрозніваць прафесію ад пасады, адгадвалі загадкі, прафесіі па апісанні і інш.

  Вучням сярэдняга і старэйшага ўзростаў прапанаваліся анкеты, буклеты для азнаямлення з рознымі відамі прафесій. Таксама яны даведаліся аб найбольш запатрабаваных прафесіях у раёне і вобласці, наведаўшы стэнд па прафарыентацыі.

   Члены ГА «БРСМ» і ГА «БРПА» прынялі актыўны ўдзел у патрыятычнай акцыі «Пісьмо Пераможцу!»  У пісьмах удзельнікі акцыі асабіста дзякавалі блізкім, родным, удзельнікам і ветэранам Вялікай Айчыннай вайны за мірнае неба над галавой, за магчымасць жыць у свабоднай і незалежнай краіне, расказвалі пра сябе і сваю школу.

   З 30 сакавіка па 4 красавіка ў школе прайшоў тыдзень дзіцячай і юнацкай кнігі. Вучні мелі магчымасць прыняць удзел у розных мерапрыемствах, накіраваных на далучэнне дзяцей да чытання, на прывіццё любові да кнігі.

    У суботу, 28 сакавіка, вучні пачатковых класаў адправіліся ў падарожжа па старонках Дэкларацыі правоў дзіцяці. Спачатку яны пазнаёміліся з Канстытуцыяй Рэспублікі Беларусь, Канвенцыяй аб правах дзіцяці, Законам Рэспублікі Беларусь «Аб правах дзіцяці», а пасля з артыкуламі Дэкларацыі. Навучэнцы даведаліся, якія правы маюць дзеці ў Рэспубліцы Беларусь, але не забылі ўспомніць і аб сваіх абавязках.

   Таксама ў суботу працавалі спартыўныя секцыі і гурткі.

   Згодна з планам мерапрыемстваў, прысвечаных святкаванню 70-годдзя Перамогі над нямецка-фашысцкімі захопнікамі, вучні 3 — 6 класаў разам з настаўнікам Бяляевай І. Р. і бацькамі 26 сакавіка наведалі мемарыяльны комплекс «Брэсцкая крэпасць-герой». Дзеці пазнаёміліся з планам Цытадэлі, асноўнымі манументамі комплексу, з назвамі гарадоў, якім прысвоена ганаровае званне «горад-герой», успомнілі прозвішчы абаронцаў крэпасці, пабылі ля Вечнага агню, ушанавалі памяць герояў хвілінай маўчання.

   На вясенніх канікулах вучні 5 — 7 класаў прынялі ўдзел у аперацыі «Абеліскі». Падчас яе правядзення школьнікі прыбралі помнік ахвярам Вялікай Айчыннай вайны ў аграгарадку Шані.

   Падведзены вынікі раённага конкурсу “Лепшая шпакоўня”. У намінацыі “Аптымальны варыянт” вучні  7 класа атрымалі дыплом 3 ступені. Віншуем!

   Дзень Зямлі — назва, якая выкарыстоўваецца ў дачыненні да розных мерапрыемстваў, якія праводзяцца ўвесну і закліканы заахвоціць людзей быць больш уважлівымі да  навакольнага асяроддзя на планеце Зямля.

   21 сакавіка вучні разам з настаўніцай Дзенісюк В.М. правялі працоўную акцыю “Квітней, родная Беларусь!” і назбіралі вельмі шмат смецця ў лесе і на яго ўскрайку.  Вучням праца спадабалася і яны прапанавалі рабіць такія акцыі як мага часцей.

   Таксама вучні пачатковых класаў пабывалі на сваёй гульні «Экалагічны серпанцін». Яны даведаліся аб рэдкіх птушках і жывёлах, занесеных у Чырвоную кнігу, пападарожнічалі па прыродных згуртаваннях роднага краю, паказалі добрыя веды аб прыродзе Беларусі.