Усе навуковыя адкрыцці пачынаюцца з самых неверагодных фантазій. Менавіта таму навучэнцы нашай школы прымаюць актыўны ўдзел у конкурсах  рознага маштабу.

     Члены гуртка «Умелыя ручкі» (кіраўнік Тарасава М. Б.) падрыхтавалі калектыўную работу «Каб у хату не прыйшла бяда», а Бова Кацярына, навучэнка 8 класа, падрыхтавала індывідуальную работу «Згарэць не дадзім» (кіраўнік Ханіла В. С.) на раённы этап рэспубліканскага конкурсу «Выратавальнікі вачамі дзяцей».

     Ніпарка Ганна, навучэнка 3 класа, падрыхтавала работу «Мары будучыні» (кіраўнік Бяляева І. Р.) для ўдзелу ў конкурсе малюнкаў «Навука вачамі дзяцей», які праводзіцца Паркам высокіх тэхналогій і Мінскім абласным інстытутам развіцця адукацыі пры падтрымцы кампаніі Hewlett-Packard.

      У бягучым навучальным годзе ў школе абагульняецца вопыт настаўніка фізікі Семянчук В. М. па тэме «Развіццё пазнавальнай актыўнасці вучняў на ўроках фізікі даследчым метадам». Валянціна Мікалаеўна неаднаразова дзялілася вопытам сваёй работы на пасяджэннях метадычнага аб’яднання настаўнікаў фізіка-матэматычнага цыкла, на педагагічным савеце, нарадах пры дырэктару. А 18 лютага педагогі школы мелі магчымасць  пазнаёміцца з вопытам Валянціны Мікалаеўны па дадзенай тэме, наведаўшы ўрок фізікі ў 9 класе па тэме «Віды сіл трэння. Сілы супраціўлення асяроддзя».

    12 лютага на базе школы адбылося пасяджэнне раённага метадычнага аб’яднання настаўнікаў біялогіі па тэме «Мадэліраванне сучаснага ўрока біялогіі на аснове спалучэння тлумачальна-ілюстратыўных, эўрыстычных метадаў навучання і самастойнай работы вучняў, прымяненне даследчых падыходаў і праблемнага выкладання матэрыялу».

   У ходзе семінара-практыкуму былі разгледжаны пытанні: арганізацыя самастойнай работы вучняў на ўроках біялогіі, развіццё пазнавальнай актыўнасці школьнікаў у працэсе праблемнага навучання біялогіі, арганізацыя праектнай дзейнасці ў выкладанні біялогіі і рэфлексія педагагічнай дзейнасці настаўніка біялогіі.

     Адкрыты ўрок па біялогіі ў 7 класе па тэме «Сфагнавыя імхі. Значэнне імхоў» правяла настаўніца біялогіі і геаграфіі ІІ кваліфікацыйнай катэгорыі Дзенісюк В. М.

     12 лютага вучэбны дзень у школе пачаўся з урачыстай лінейкі, прысвечанай перамозе беларускай біятланісткі Дар’і Домрачавай на Алімпійскіх гульнях у Сочы. 

    Настаўнікі і вучні школы выказалі словы захаплення і павагі да вялікай спартсменкі.

          Пачуццё гонару і вялікую радасць прысутныя раздзялілі з усёй краінай.

      Да дня юнага героя-антыфашыста ў школе штогод праводзіцца збор піянерскай дружыны.

    У гэтым годзе збор праходзіў пад назвай «Мы будзем памятаць». У ходзе мерапрыемства піянерам была прадстаўлена прэзентацыя «Дзеці ў гады Вялікай Айчыннай вайны». 

      Кожны піянерскі атрад падрыхтаваў выступленне аб піянерах-героях Беларусі.

      10 лютага для вучняў 8 — 11 класаў адчыніла дзверы літаратурная гасцёўня «Без чалавечнасці не будзе вечнасці», прысвечаная 100-гадоваму юбілею А. Куляшова. Назва мерапрыемства найлепшым чынам адлюстроўвае яго змест. Прагучалі ўзоры грамадзянска-патрыятычнай, інтымнай і пейзажнай лірыкі паэта. Падчас гасцёўні былі закрануты асноўныя этапы жыцця і станаўлення творчай асобы выдатнага беларускага паэта.

      5 лютага адбылася сустрэча 8 — 11 класаў з начальнікам РАНС А. А. Ганчаровым на тэму «Навучальныя ўстановы МНС запрашаюць». У ходзе гутаркі Андрэй Аляксандравіч расказаў старшакласнікам аб сучасных умовах навучання прафесіі выратавальніка ў сярэдніх і вышэйшых навучальных установах Рэспублікі Беларусь, назваў асноўныя патрабаванні да людзей гэтай прафесіі. Вучні атрымалі буклеты, у якіх можна больш падрабязна пазнаёміцца з навучальнымі ўстановамі дадзенага профілю.

    А з вучнямі 5 — 7 класаў была праведзена гутарка аб пажарнай бяспецы, прадстаўлена статыстыка аб загінуўшых у час пажараў. Вучні яшчэ раз успомнілі правілы паводзін пры пажары.

    Зіма — гэта перыяд абвастрэння ЛОР-захворванняў – хвароб вуха, носа і насаглоткі, поласці рота і верхніх дыхальных шляхоў. Звязана гэта з вельмі шырокім распаўсюджваннем хвароб гэтай групы сярод дарослых і дзяцей.

      30 студзеня вучні 8 і 9 класаў разам са сваімі класнымі кіраўнікамі           Менжынскай Г. А. і Дзенісюк В. М. наведалі выставу «Афганістан — наша памяць і наш боль», якая днямі адкрылася ў адным з класаў ДТСААФ.

     На выставе сабрана каля 150 экспанатаў, сярод якіх зброя савецкіх воінаў і талібаў. Вучні паглядзелі цікавыя відэафрагменты пра афганскую вайну, а таксама патрымалі ў руках некаторыя з экспанатаў.

Паважаныя выпускнікі!

1 лютага 2014 года ў Шаняўскім сельскім клубе

адбудзецца вечар сустрэчы. 

Пачатак у 18.00