ІІІ этап рэпетыцыйнага тэсціравання (тэсціраванне абітурыентаў па вучэбных прадметах за курс агульнай сярэдняй адукацыі) у СШ № 3 г. Пружаны па матэрыялах Рэспубліканскага інстытута кантролю ведаў будзе праводзіцца ў адпаведнасці з наступнымі датамі:
31 сакавіка – матэматыка, біялогія, грамадазнаўства, геаграфія;
07 красавіка – руская мова, беларуская мова;
14 красавіка – фізіка, хімія, гісторыя Беларусі, сусветная гісторыя навейшага часу, замежныя мовы.
4 сакавіка сустрэчай з прадстаўнікамі УА «Івацэвіцкі дзяржаўны прафесіянальны ліцэй сельскагаспадарчай вытворчасці» ў школе пачаўся месячнік прафарыентацыі.
З 5 сакавіка пачынаецца запіс на прафесіянальна-псіхалагічнае тэсціраванне, якое пройдзе з 5 па 30 красавіка!
Зарэгістравацца на ЦТ можна на працягу мая. Час правядзення тэсціравання з 14 па 28 чэрвеня.
У гэтым годзе ўстаноўлены наступныя прахадныя балы для атрымання сертыфіката ЦТ:
10 – беларуская мова і руская мова;
15 – хімія, фізіка, матэматыка, біялогія;
20 – астатнія прадметы.
3 сакавіка група вучняў школы пабывала ў мемарыяльным комплексе «Брэсцкая крэпасць-герой».
1 сакавіка ў школе прайшоў адкрыты мікрафон «Роля класнага кіраўніка ў павышэнні матывацыі да навучання».
1 сакавіка — Міжнародны дзень барацьбы з наркаманіяй і наркабізнесам .
Праблема барацьбы з наркотыкамі з’яўляецца адной з найболей актуальных як для аховы здароўя, так і для грамадства ў цэлым. Гэта абумоўлена цяжкімі медыцынскімі і сацыяльнымі наступствамі злоўжывання псіхаактыўнымі рэчывамі.
Cамымі эфектыўнымі мадэлямі прафілактыкі лічацца розныя варыянты мадэлі фарміравання неабходных жыццёвых навыкаў. Адзначана, што некаторыя дзеці, нават калі яны падвяргаюцца шматлікім фактарам рызыкі, не ўжываюць наркотыкі і алкаголь. Даследаванні паказваюць, што ад гэтага іх утрымлівае цэлы шэраг ахоўных жыццёвых навыкаў і ўмоў: пачуццё гумару, унутраны самакантроль, мэтанакіраванасць, важнасць узаемаадносін, прыхільнасць да законаў і норм грамадства, школы, сямейных стандартаў, якія выключаюць ужыванне алкаголю і наркотыкаў.
3 сакавіка для вучняў школы арганізуецца экскурсія ў
музей абароны Брэсцкай крэпасці і 5 форт.
Ад’езд ад школы ў 08.00.
Конкурсам інсцэніраванай песні «Песня ў ваенным шынялі» ў школе завяршыўся месячнік патрыятычнага выхавання. Конкурс праводзіўся ў дзвюх узроставых групах: 3 — 6, 7 — 11 класы.
Усе класы надзвычай творча падышлі да падрыхтоўкі. Інсцэніраваліся як творы часоў Вялікай Айчыннай вайны, так і напісаныя ў наш час. Сур’ёзныя, драматычныя творы змяняліся вясёлымі і нават сатырычнымі песнямі.
Журы, у склад якога ўваходзілі работнікі сельскага клуба, былыя вайскоўцы, настаўнікі, лепшым назвала выступленне вучняў 4 класа з песняй «Балада аб партызанцы Галіне» (1 група), выступленне 10 класа з песняй «Барон фон дэр Пшык» (2 група).
21 лютага, у адзіны дзень прафілактыкі дарожна-транспартнага траўматызму адбылася прэзентацыя новага стэнда «Дарожная азбука», якую па ўласнай ініцыятыве падрыхтавалі вучні 11 класа.
Спадзяёмся, што цікавая інфармацыя, змешчаная на стэндзе, перасцеражэ вучняў ад неабачлівых паводзін на дарозе.
У рамках Міжнароднага дня роднай мовы ў школе прайшла гадзіна беларускай мовы «Любіце роднае слова», у якой прынялі ўдзел вучні 9 — 11 класаў. Старшакласнікі практыкаваліся ў красамоўстве, складалі гумарыстычныя гісторыі, спявалі песні, пазнавалі нязведанныя пласты багатай беларускай лексікі. Дзякуючы намаганням маладога настаўніка Зорко І. А. і актыўнаму ўдзелу вучняў, мерапрыемства атрымалася цікавым і захапляльным.
