Пачаліся канікулы, але для многіх вучняў наведванне школы прыносіць вялікае задавальненне. Так, 27 кастрычніка, пачаткоўцы наведалі КТС «Падарожжа па Беларусі». Пабываўшы разам з настаўніцай І. Р. Бяляевай ва ўсіх абластных цэнтрах краіны, вучні вярнуліся з набытымі аб гэтых мясцінах ведамі дадому.

  Педагог-арганізатар А. Г. Каляда запрасіла школьнікаў паўдзельнічаць у гульні «Інтэлектуальны аўкцыён». Дзеці з захапленнем адказвалі на пытанні, шукалі выйсце з пэўных сітуацый, даведваліся шмат цікавага.

     Суботні дзень, 25 кастрычніка, быў накіраваны на прафарыентацыйнае выхаванне падрастаючага пакалення.

     Для вучняў 1 — 4 класаў праводзілася пазнавальная гульня «Кухарская справа — не рамяство, а мастацтва». І. М. Коверзнева прапанавала вучням  паглядзець відэазапіс, у якім расказвалася пра прафесію кухара.

      На працягу мерапрыемства вучні адгадвалі загадкі, прымалі ўдзел у гульнях «Партрэт», «Адгадай на смак», «Чацвёрты лішні». У рубрыцы «А ці ведаеце вы, што…» пазнаёміліся з гісторыяй узнікнення сталовых прыбораў і некаторых страў.

  Вучні сярэдняга звяна наведалі  гадзіну разважання «Твая будучая прафесія». Г. А. Менжынская пазнаёміла падлеткаў з прафесіямі, найбольш запатрабаванымі ў нашым раёне. Таксама вучні даведаліся пра ўстановы адукацыі, у якіх можна атрымаць гэтыя прафесіі.

    Дапамогу ў рашэнні задач па матэматыцы аказала вучням 4 класа І. Р. Бяляева.

      Днямі старшакласнікі школы правялі круглы стол «А можа, не было вайны?»  У ходзе пасяджэння былі абмеркаваны пытанні, якія маюць неадназначныя адказы. Разабрацца ў складаных сітуацыях дзецям дапамагаў «эксперт», у ролі якога выступіла настаўніца гісторыі Н. В. Жабрун. Вядучая круглага стала А. Г. Каляда прапанавала для абмеркавання тэмы, якія дапамаглі вучням зразумець вытокі мужнасці беларускага народа, усвядоміць простую і вечную ісціну: мір — гэта вялікае шчасце.

      Пашырыць кругагляд, развіць інтарэс да навучання дапамагаюць прадметныя тыдні.

З 20 па 24 кастрычніка ў школе прайшоў тыдзень нямецкай мовы. Школьнікі змаглі паўдзельнічаць у віктарынах і конкурсах, КТС, падрыхтавалі калажы аб нямецкамоўных краінах.

Аднак найбольшую цікавасць вучняў выклікаў лінгвістычны КВЗ, конкурсная праграма па краіназнаўстве, у якой прынялі ўдзел старшакласнікі, і віртуальнае падарожжа па Германіі.

      З мэтай выхавання экалагічнай культуры падрастаючага пакалення ў суботу, 18 кастрычніка, вучняў запрасілі на мерапрыемствы экалагічнай накіраванасці. Вучні пазнаёміліся з прадстаўнікамі флоры і фаўны Беларусі, паўдзельнічалі ў экалагічным лато.

      18 кастрычніка ў школе прайшоў бацькоўскі сход на тэму «Узаемадзеянне сям’і, школы і грамадскасці па прафілактыцы злачынстваў, правапарушэнняў, табакакурэння, ужывання алкаголю і наркатычных рэчываў». Перад прысутнымі выступілі адміністрацыя школы, прадстаўнікі ўстановы аховы здароўя, класныя кіраўнікі. Вельмі востра абмяркоўвалася пытанне ўжывання «спайсаў»  моладдзю і іх наступствы.

      З 8 па 14 кастрычніка ў школе праходзіў Тыдзень маці. На працягу тыдня праводзілася шмат цікавых і пазнавальных мерапрыемстваў. Члены атрада «Міласэрнасць» пад кіраўніцтвам педагога-арганізатара Каляды А. Г.  наведалі шматдзетныя сем’і і павіншавалі са святам мам. Члены гуртка «Юны рэпарцёр» выпусцілі святочны нумар газеты «Дзень маці — свята ўсіх свят».

      У суботу, 11 кастрычніка, каманда вучняў школы ўдзельнічала ў раённых спаборніцтвах па лёгкай атлетыцы. У выніку пераможцамі ў штурханні ядра, кіданні кап’я і кіданні мяча сталі Стагніеў Павел, вучань 11 класа, і Мазуркевіч Кірыл, вучань 7 класа.  Два другія месцы ў бегу на розныя дыстанцыі заваявала Тунчык Настасся, вучаніца 8 класа.

      На дзень здароўя, як звычайна, у школе шматлюдна. Пачаткоўцы ўдзельнічалі ў спартландыі «У здаровым целе — здаровы дух». Барацьба была сур’ёзная. У выніку, пасля цяжкіх спаборніцтваў, перамагло сяброўства.

      Пасля іх запрасілі на  літаратурна-музычную кампазіцыю «Мілай матулі», якая праходзіць у рамках Тыдня маці. Дзеці падрыхтавалі вершы і песні для мам, расказалі, як яны дапамагаюць сваім матулям. А ў канцы мерапрыемства ўсе былі заняты творчай справай: стваралі асенні букет для самага дарагога ў свеце чалавека.

      Задорны імпэт спаборніцтва захапіў удзельнікаў спартыўнай віктарыны «Алімпійцы Беларусі». Зусім з нязначным разрывам каманда «Дружба» аказалася на вышыні.

      Тым часам педагог сацыяльны Чарэшка Г. У. правяла анкетаванне  па тэме «Мае заняткі ў вольны час» з вучнямі з сям’і Завадскай А. М. і Завадскага В. М. А настаўніца Семянчук В. М. аказала дапамогу вучаніцы 11 класа Парфянюк Ю. у атрыманні неабходных ведаў па фізіцы, правёўшы з ёй стымулюючыя заняткі.

      З 1 па 4 кастрычніка ў школе была арганізавана выстава «Самаадукацыя — шлях да прафесіяналізму». Наведаўшы яе, педагогі змаглі  пазнаёміцца з матэрыяламі вопытных калег, падзяліцца сваімі напрацоўкамі.