12 лютага на базе школы адбылося пасяджэнне раённага метадычнага аб’яднання настаўнікаў біялогіі па тэме «Мадэліраванне сучаснага ўрока біялогіі на аснове спалучэння тлумачальна-ілюстратыўных, эўрыстычных метадаў навучання і самастойнай работы вучняў, прымяненне даследчых падыходаў і праблемнага выкладання матэрыялу».

   У ходзе семінара-практыкуму былі разгледжаны пытанні: арганізацыя самастойнай работы вучняў на ўроках біялогіі, развіццё пазнавальнай актыўнасці школьнікаў у працэсе праблемнага навучання біялогіі, арганізацыя праектнай дзейнасці ў выкладанні біялогіі і рэфлексія педагагічнай дзейнасці настаўніка біялогіі.

     Адкрыты ўрок па біялогіі ў 7 класе па тэме «Сфагнавыя імхі. Значэнне імхоў» правяла настаўніца біялогіі і геаграфіі ІІ кваліфікацыйнай катэгорыі Дзенісюк В. М.

     12 лютага вучэбны дзень у школе пачаўся з урачыстай лінейкі, прысвечанай перамозе беларускай біятланісткі Дар’і Домрачавай на Алімпійскіх гульнях у Сочы. 

    Настаўнікі і вучні школы выказалі словы захаплення і павагі да вялікай спартсменкі.

          Пачуццё гонару і вялікую радасць прысутныя раздзялілі з усёй краінай.

      Да дня юнага героя-антыфашыста ў школе штогод праводзіцца збор піянерскай дружыны.

    У гэтым годзе збор праходзіў пад назвай «Мы будзем памятаць». У ходзе мерапрыемства піянерам была прадстаўлена прэзентацыя «Дзеці ў гады Вялікай Айчыннай вайны». 

      Кожны піянерскі атрад падрыхтаваў выступленне аб піянерах-героях Беларусі.

      10 лютага для вучняў 8 — 11 класаў адчыніла дзверы літаратурная гасцёўня «Без чалавечнасці не будзе вечнасці», прысвечаная 100-гадоваму юбілею А. Куляшова. Назва мерапрыемства найлепшым чынам адлюстроўвае яго змест. Прагучалі ўзоры грамадзянска-патрыятычнай, інтымнай і пейзажнай лірыкі паэта. Падчас гасцёўні былі закрануты асноўныя этапы жыцця і станаўлення творчай асобы выдатнага беларускага паэта.

      5 лютага адбылася сустрэча 8 — 11 класаў з начальнікам РАНС А. А. Ганчаровым на тэму «Навучальныя ўстановы МНС запрашаюць». У ходзе гутаркі Андрэй Аляксандравіч расказаў старшакласнікам аб сучасных умовах навучання прафесіі выратавальніка ў сярэдніх і вышэйшых навучальных установах Рэспублікі Беларусь, назваў асноўныя патрабаванні да людзей гэтай прафесіі. Вучні атрымалі буклеты, у якіх можна больш падрабязна пазнаёміцца з навучальнымі ўстановамі дадзенага профілю.

    А з вучнямі 5 — 7 класаў была праведзена гутарка аб пажарнай бяспецы, прадстаўлена статыстыка аб загінуўшых у час пажараў. Вучні яшчэ раз успомнілі правілы паводзін пры пажары.

    Зіма — гэта перыяд абвастрэння ЛОР-захворванняў – хвароб вуха, носа і насаглоткі, поласці рота і верхніх дыхальных шляхоў. Звязана гэта з вельмі шырокім распаўсюджваннем хвароб гэтай групы сярод дарослых і дзяцей.

      30 студзеня вучні 8 і 9 класаў разам са сваімі класнымі кіраўнікамі           Менжынскай Г. А. і Дзенісюк В. М. наведалі выставу «Афганістан — наша памяць і наш боль», якая днямі адкрылася ў адным з класаў ДТСААФ.

     На выставе сабрана каля 150 экспанатаў, сярод якіх зброя савецкіх воінаў і талібаў. Вучні паглядзелі цікавыя відэафрагменты пра афганскую вайну, а таксама патрымалі ў руках некаторыя з экспанатаў.

Паважаныя выпускнікі!

1 лютага 2014 года ў Шаняўскім сельскім клубе

адбудзецца вечар сустрэчы. 

Пачатак у 18.00

     21 студзеня для бацькоў праводзіўся дзень адчыненых дзвярэй, у ходзе якога яны мелі магчымасць наведаць урокі і пазакласныя мерапрыемствы. Для бацькоў былі арганізаваны разнастайныя выставы: выстава творчых работ гуртка “Гаспадынька”,  выстава дзённікаў “Дзённік – твар вучня” і выстава сшыткаў “ Бяры прыклад з лепшых”.

      17 студзеня — дзень нараджэння Мікалая Гойшыка. Вучні 5 — 8 класаў прынялі ўдзел у падрыхтоўцы і правядзенні мерапрыемства, прысвечанага подзвігу гэтага героя. Яны чыталі вершы, прысвечаныя Вялікай Айчыннай вайне, успаміналі подзвігі піянераў-герояў. Асноўная частка мерапрыемства была прысвечана жыццю і подзвігу Мікалая. Школьнікі даведаліся, што хлопчык — ураджэнец Івацэвіцкай зямлі, што ў горадзе Івацэвічы ў гісторыка-краязнаўчым музеі ёсць экспазіцыя, прысвечаная Мікалаю Гойшыку, што пахаваны ён у брацкай магіле, што адна з вуліц г. Івацэвічы носіць яго імя.