Не сакрэт, што канікулы лепшы час для сумесных вандровак. Гэтым разам вучні школы пад кіраўніцтвам Дзенісюк В.М. і Зорко І.А. здзейснілі экскурсію ў музей народнага майстра Беларусі Тарасюка М.В. у вёску Стойлы. Дзеці былі па-сапраўднаму ўражаныя экспазіцыяй музея, які носіць сімвалічную назву “Успаміны Бацькаўшчыны”. У працах майстра проста і ў той жа час вытанчана адлюстраваны пейзажы роднай вёскі і рэаліі сялянскага жыцця.

   Пасля знаёмства з творамі майстра вучні скарысталіся выдатнай магчымасцю сфатаграфавацца ў цудоўных капелюшах, зробленых Мікалаем Васільевічам. Экскурсія атрымалася насычанай і не пакінула нікога раўнадушным. Дзеці з задавальненнем напісалі свае водгукі ў кнізе пажаданняў. 

      З мэтай папярэджання дзіцячага дарожна-транспартнага траўматызму і скарачэння колькасці ДТЗ з удзелам непаўналетніх з 21 кастрычніка па 13 снежня 2013 года ў школе праводзіцца  дзіцячы конкурс «На дорогах нет каникул!».

      У рамках конкурсу навучэнцам 5 — 9 класаў парапануецца напісаць «пісьмо-зварот» да вадзіцеляў транспартных сродкаў, у якім заклікаць вадзіцеляў выконваць Правілы дарожнага руху, праяўляць узаемаразуменне і ўзаемаветлівасць на дарогах.

      Калі вас цікавіць інфармацыя, накіраваная на супрацьдзеянне злоўжыванню і распаўсюджанню наркотыкаў сярод моладзі, звяртайцеся  на Інтэрнэт-старонку  http://uvd.brest.by/struktura-ovd/19/

       З мэтай выканання рашэння педагагічнага савета «Аб сучасных падыходах да кантрольна-ацэначнай дзейнасці» 18 кастрычніка на свой адкрыты ўрок у 5 класе педагогаў школы запрасіла І. М. Коверзнева.

      Настаўніца падзялілася вопытам выкарыстання розных форм і відаў кантрольна-ацэначнай дзейнасці.

      Урок атрымаў высокую ацэнку калег, асабліва каштоўны ён для пачынаючых педагогаў.

      Месячнік па навядзенні парадку на зямлі ў разгары. Апошні раз у сезоне праведзена абкошванне тэрыторыі, паступова ўбіраецца прышкольна-вопытны ўчастак, ускопваюцца клумбы.

      Штодзённа вядзецца ўборка тэрыторыі ад апалага лісця.

      15, 16 кастрыніка вучні школы прынялі ўдзел ў восеньскім першынстве раёна па лёгкай атлетыцы.

      Найбольш парадавалі  сваімі выступленнямі  С. Гержый (ІІІ месца ў бегу), Я. Несцяровіч (ІІ і ІІІ месцы ў кіданні кап’я і дыска),  А. Варажбіцкая (два ІІ месцы ў бегу), А. Тунчык (ІІ месца ў бегу).

      А самым удалым было выступленне вучня 10 класа П. Ануфрыенкі, які заваяваў І і ІІ месцы на дыстанцыях 1000 і 800 метраў.

Віншуем і жадаем новых удалых стартаў!

    Шчырая размова «Радасць мацярынства: як яе не азмрочыць?» з удзелам дзяўчынак старшых класаў адбылася ў Дзень маці. Яна прайшла пад дэвізам «Самая прекрасная из женщин — женщина с ребёнком на руках».

      Мэтай мерапрыемства было выхаванне павагі да жанчыны-маці. Дзяўчаты разам са сваімі педагогамі адкрыта выказваліся аб праблемах палавога выхавання, аб складаемых шчасця мацярынства, аб тым, як жанчыне падрыхтавацца да нараджэння здаровага дзіцяці.

      Члены гуртка «Эколагі-краязнаўцы» прынялі ўдзел у акцыі «Наш чысты лес», аб’яўленай Пружанскім лясгасам.

      Гурткоўцамі прыбрана бытавое смецце на ўчастку лесу, які прылягае да вёскі Шані.

      Двойчы ў тыдзень па серадах і пятніцах вучні школы змогуць наведаць заняткі па плаванні. Першы заезд старшакласнікаў у гэтым навучальным годзе у Водны палац г. Пружаны адбыўся 11 кастрычніка.

      У школе прайшоў педагагічны кансіліум па тэме «Пераемнасць у навучанні паміж пачатковай школай і сярэднім звяном». Настаўнікамі былі выпрацаваны рэкамендацыі па рабоце з вучнямі 5 класа.