Фарміраванне грамадзяніна сваёй дзяржавы – пачэсная справа. У школе вялікая ўвага надаецца грамадзянскаму і ваенна-патрыятычнаму выхаванню.  Гэта і экскурсіі, паходы па месцах баявой славы, конкурс інсцэніраванай ваеннай песні, агляд строю і песні, Вахта Памяці да 9 Мая, ШАГ, сустрэчы з цікавымі людзьмі. Выбары Прэзідэнта Рэспублікі Беларусь – значная палітычная падзея для ўсіх грамадзян краіны. Як адбываецца галасаванне, дзе знайсці інфармацыю пра кандыдатаў, як правільна запоўніць бюлетэнь – з гэтымі пытаннямі вучні 5-10 класаў  завіталі на Шаняўскі выбрачы ўчастак №21, дзе старшыня Шаняўскога сельскага савета Бяляева І.Р. у даступнай форме дала на іх адказы. Будзем разам палітычна адукаванымі!

З 13 па 18 студзеня ў школе праходзіў  тыдзень беларускай мовы і літаратуры пад дэвізам “Мова родная – мова модная”. Пачаўся тыдзень агульнашкольнай лінейкай, на якой вучні былі пазнаёмлены з планам  правядзення тыдня. У гэты ж дзень вучні пачатковых класаў прынялі ўдзел у конкурсе па беларускай мове “Пішам прыгожа”,  а вучні старэйшых класаў даведаліся пра традыцыі святкавання Каляд у пазнавальнай гадзіне “Добры вечар, шчодры вечар!” У аўторак вучні 1-4 класаў наведалі відэасалон “Мультфільмы па-беларуску”. Гледачы атрымалі многа добрых і захапляльных эмоцый.  А для вучняў 5-6 класаў была праведзена займальная інтэрактыўная гульня “Знаўцы беларускай мовы”, дзе вучні  з захапленнем і запалам  разгадвалі рэбусы, шарады, анаграмы.  Усе  жадаючыя змаглі наведаць выставу ў бібліятэцы “Пісьменнікам-юбілярам прысвячаецца”.  У сераду вучні школы змаглі паказаць свае таленты ў конкурсе чытальнікаў вершаў “Расцём беларусамі” і конкурсе песень “Спяваем па-беларуску”. Цікава прайшла гульня-падарожжа “Гучы, маё роднае слова!”  для вучняў пачатковых класаў.   Дэманстравалі сваю эрудыцыю вучні 7-8 класаў у інтэлектуальнай гульні “У родным слове – цэлы свет”. Турнір-віктарына “Па краіне гукаў і літар”  прайшоў у пятніцу. Дзякуючы мерапрыемству вучні замацавалі і пашырылі веды па беларускай мове. У акцыі “Далучыся да народнай мудрасці” ахвотна прымалі ўдзел і вучні, і настаўнікі. Успаміналі прыказкі, фразеалагізмы, загадкі, народныя прыкметы. А літаратурны вечар “Вобразная, вольная, пявучая…” быў арганізаваны для 7-10 класаў і ўключаў у сябе чытанне вершаў, разгадванне рэбусаў, запіс самых прыгожых выразаў на беларускай мове, нават танцы пад гукі беларускіх мелодый.

Для вучняў 1-4 класаў была арганізавана экскурсія ў сельскую бібліятэку “Кніжнае царства запрашае”. Загадчык Шаняўскога сельскага клуба-бібліятэкі Кабрынец Т.Ф. правяла інтэрактыўны занятак, пазнаёміла з дзіцячымі выданнямі, якія маюцца ў сельскай бібліятэцы,  і арганізавала выставу да 85-годдзя Пружанскага раёна, з якой дзеці мелі магчымасць пазнаёміцца. Такая форма работа з вучнямі спрыяе развіццю цікавасці да кнігі, духоўна-маральнаму развіццю дзяцей.