Яшчэ адна ўзнагарода ў Анатолія Хоміча!
У кіданні дыска сапернікамі яму былі 10 дыскаболаў з шасці краін. Сярод юнакоў Анатолій з вынікам 46,88 саступіў толькі спартсмену з Расіі і быў узнагароджаны сярэбраным медалём. Віншуем і ганарымся!
Анатолій Хоміч — чэмпіён ІІ гульняў краін СНД
Сёння Анатолій штурхнуў ядро на 18 метраў 75 см і паказаў лепшы вынік у спаборніцтвах гэтай дысцыпліны. Разам з Пружаншчынай радуюцца педагогі і навучэнцы нашай установы, дзе Анатоль вучыўся да пераходу ў вучылішча алімпійскага рэзерву.
Віншуем Анатолія і яго трэнера з перамогай!
Дапамагаем роднай гаспадарцы
У разгары апошні месяц летніх канікул, а ў аграрыяў зараз гарачая пара. Нашы старшакласнікі працягваюць працаваць у ААТ «Шані — аграпрадукт» і дапамагаюць роднай гаспадарцы ў захаванні ўраджаю. Дзеці працуюць зладжана і дружна. Спадзяемся, што некаторыя з іх у будучыні звяжуць сваё жыццё з сельскай гаспадаркай. Ну, а пра свае першыя працоўныя будні у ААТ «Шані-аграпрадукт» яны будуць успамінаць толькі па-добраму.
Віншуем!
Сёння святкуе свой 100-гадовы юбілей ветэран Вялікай Айчыннай вайны Бабрук Марыя Аляксандраўна. Навучэнцы школы сумесна з прадстаўнікамі ААТ «Шані-аграпрадукт», Шаняўскога сельвыканкама, Савета ветэранаў Пружанскага райвыканкама, Шаняўскога клуба-бібліятэкі павіншавалі Марыю Аляксандраўну з такой знамянальнай датай.
Белорусская федерация легкой атлетики объявила состав участников на II Игры стран СНГ. Легкоатлетические состязания пройдут в четыре дня, с 5 по 8 августа. Бороться за 31 комплект наград будет подрастающее поколение — спортсмены 2009-го года рождения и моложе. В соревнованиях примут участие представители Беларуси, Азербайджана, Армении, Казахстана, Кыргызстана, России, Таджикистана, Туркменистана и Узбекистана. Среди участников Хомич Анатолий (метание диска 1 кг и толкание ядра 3 кг ) и Литвинович Андрей (бег 300 и 600 метров). Болеем за наших ребят!!!
Сустрэча з радзімаю
У Шаняўскім сельскім клубе-бібліятэцы прайшла творчая сустрэча з паэтэсай-зямлячкай Худавец Т.Д. Падчас сустрэчы Таісія Дзмітрыеўна ў вершаванай форме падзялілася з гледачамі цікавымі момантамі свайго жыцця, успамінамі з дзяцінства, з задавальненнем чытала свае вершы з новага зборніка паэзіі «Вясёлка часу», успамінала гісторыі, якія натхнялі яе на стварэнне кожнага новага твора, выконвала свае песні.
Летнімі вечарамі праходзяць не толькі спартыўныя мерапрыемствы. Сёння навучэнцы прынялі ўдзел у пазнавальным экспрэсе «Сімвалы смутку і жалю». На мерапрыемстве прагучалі страшныя лічбы аб колькасці загінуўшых у выніку генацыду на тэрыторыі БССР, аб тым, колькі населеных пунктаў было знішчана разам з жыхарамі, аб самай вялікай трагедыі Вялікай Айчыннай вайны — аб Хатыні, гісторыю якой забываць нельга.
Хатынь-гэта адно з найбольш шанаваных месцаў Беларусі, сімвал трагедыі беларускага народа. Многія з дзяцей былі на экскурсіі ў гэтым гістарычным месцы. Вучні прыйшлі да высновы, што неабходна памятаць пра трагічныя падзеі, пра гора тых дзён, пра жахі фашызму, таму што толькі памяць пра вайну заклікае да адказнасці за мір на зямлі.
Каля помніка ахвярам фашызму дзеці ўспомнілі прозвішчы загінуўшых аднавяскоўцаў, усклалі кветкі і ўшанавалі памяць хвілінай маўчання.
Мы — сябры прыроды!
З мэтай арганізацыі актыўнага адпачынку і развіцця экалагічнай культуры навучэнцы з рознаўзроставага атрада в. Кацёлкі прынялі ўдзел у экалагічным марафоне. У ходзе мерапрыемства дзеці пазнаёміліся з асноўнымі правіламі паводзін у прыродзе, даведаліся пра ўзаемасувязь жывых арганізмаў. Заключным этапам мерапрыемства было стварэнне малюнкаў. Самае галоўнае тое, што дзеці зразумелі: трэба любіць і паважаць прыроду, быць ёй сябрам!
Гуляем і адпачываем разам
Летнія канікулы працягваюць радаваць школьнікаў сонцам і радаснымі момантамі. Сустрэцца з сябрамі, весела і карысна правесці час далі магчымасць «Дваровыя гульні», якія ў чарговы раз сабралі рабят. Заняткі на трэнажорах, рухомыя гульні, валейбол, конкурсы, музыка і танцы, жывыя зносіны — выдатныя складнікі добрага летняга вечара. А сюрпрызы, салодкія прызы і ўсмешкі — узнагарода самым актыўным!
Фарбы лета
Пад такой назвай для школьнікаў на дзіцячай пляцоўцы прайшоў квэст, дзе дзеці падарожнічалі па станцыях і выконвалі розныя заданні: удзельнічалі ў гульнях, спявалі песні і танцавалі, з задавальненнем адгадвалі загадкі, рашалі рэбусы, збіралі казачныя кветкі. Усе ўдзельнікі атрымалі мора ўражанняў, станоўчых эмоцый, зарадзіліся добрым настроем на цэлы вечар!
