З 11 па 15 сакавіка ў школе праходзіў фестываль метадычных аб’яднанняў.

      У першы дзень метадычнага фестывалю прадстаўнікамі школьных метадычных фарміраванняў была прапанавана панарама ўрокаў пад дэвізам «Вучу вучыцца», у ходзе якой яны паказалі фрагменты ўрокаў па фарміраванні  агульнавучэбных уменняў і навыкаў.

      Адзін з дзён быў прысвечаны абмену вопытам метадычных аб’яднанняў у плане пошукаў аптымальных форм і відаў правядзення пасяджэнняў.

      Метадычным аб’яднаннем пачатковых класаў паказана правядзенне семінара, метадычным аб’яднаннем фізіка-матэматычнага цыкла — самааналіз і абмеркаванне наведанага ўрока, метадычным аб’яднаннем гуманітарнага цыкла — практыкум па распрацоўцы інтэграванага ўрока, метадычнае аб’яднанне класных кіраўнікоў падзялілася вопытам стварэння станоўчага эмацыянальнага фону на пасяджэнні, рэфлексіўнай дзейнасці.

      Вядома, не абышлося і без паказу адкрытых урокаў.

      А падрыхтаваныя прэзентацыі метадычных аб’яднанняў сталі яшчэ  адным пацверджаннем вялікага творчага патэнцыялу педагогаў школы.