Навучэнцы ДУА «Шаняўская сярэдняя школа імя Міколы Засіма» разам з настаўнікам хіміі і біялогіі Жэдзік Г.М. прынялі ўдзел у штогадовай урачыстай цырымоніі ўзнагароджання дзяцей Пружанскага раёна, якія з’яўляюцца прызёрамі абласных і рэспубліканскіх алімпіяд, конкурсаў і спаборніцтваў «Дарование 2024». Віншуем!
З самай раніцы ў школе панавала сапраўдная святочная атмасфера. Весела і забіяцка прайшоў навагодні ранішнік. Навучэнцы 1-6 класаў адправіліся разам з казачнымі героямі за навагоднімі прыгодамі ў Дзедамарозаўку. Дзед Мароз і Снягурка віншавалі ўсіх з Новым годам, гулялі з рабятамі ў вясёлыя гульні і дарылі прысмакі.
Навучэнцы 7-8 класаў прынялі ўдзел у гульні па беларускай мове. Шчаўкунова Ганна наведала прафілактычнае мерапрыемства ў Пружанскім РАУС і музей-сядзібу «Пружанскі палацык».
Члены драматычнага гуртка пад кіраўніцтвам Вашчук А.В. падрыхтавалі і правялі цікавую навагоднюю праграму. Усе атрымалі порцыю добрага настрою і пазітыву ад добрай музыкі, танцаў, вясёлых конкурсаў і гульняў. Весяліліся так, што школа звінела ад музыкі, весялосці, добрага настрою, пазітыву.
Выдатную паездку для навучэнцаў ДУА «Шаняўская сярэдняя школа імя Міколы Засіма» ў рамках акцыі «Нашы дзеці» арганізавала прафсаюзная арганізацыя ААТ «Шані-аграпрадукт». Рабяты наведалі неверагодна займальнае і цікавае навагодняе прадстаўленне «Чароўны сон Дзеда Мароза» ў Брэсцкім абласным Палацы культуры прафсаюзаў. Навучэнцы пагрузіліся ў неверагодную атмасферу святочнага чараўніцтва.
Віншаванне з Новым годам, пажаданні моцнага здароўя і падарункі атрымала Гац Кацярына, якая цяпер навучаецца дома. Школьнае свята запомніцца дзяўчынцы і іншым рабятам вясёлымі танцамі і гульнямі, выдатным настроем.
У мэтах зніжэння ўзроўню падлеткавай злачыннасці, фарміравання ў дзяцей і моладзі ўсвядомленых законапаслухмяных паводзін, арганізацыі занятасці і кантролю за непаўналетнімі, далучэння іх да асноў здаровага ладу жыцця з 25.12.2024 па 07.01.2025 у перыяд зімовых канікул на тэрыторыі Пружанскага раёна праводзіцца прафілактычная акцыя «Карысныя канікулы!».
24 снежня ў рамках акцыі прайшло свята ўшанавання лепшых вучняў школы, якія дабіліся ў 2024 годзе асаблівых поспехаў, удзельнічаючы ў алімпіядах, конкурсах, спаборніцтвах на раённым і абласным узроўнях. Без салодкіх падарункаў на свяце не застаўся ніхто. Фундатарам свята для школьнікаў стала ААТ “Шані-аграпрадукт”. Гэтую цудоўную традыцыю гаспадарка падтрымлівае ўжо шмат гадоў.
24 снежня ва ўстанове адукацыі прайшла ўрачыстая лінейка, прысвечаная заканчэнню 2 чвэрці 2024/2025 навучальнага года. Дырэктар школы нагадала рабятам пра правілы бяспечных паводзін у час зімовых канікул, навагодніх свят.
