Канікулы з карысцю
На вясенніх канікулах вучні школы цікава праводзяць свой вольны час: наведваюць мерапрыемствы, аб’яднанні па інтарэсах, удзельнічаюць у экскурсіях, актыўна рыхтуюцца да прадметных алімпіяд. Для кожнага жадаючага адчынены дзверы бібліятэкі, гімнастычнай залы, камп’ютарнага класа.
Таксама на канікулах працягваецца акцыя па зборы макулатуры “Здай макулатуру – захавай дрэва”.
У першы дзень канікулаў школьнікі паказалі свае веды ў піянерскім квізе “Юныя інтэлектуалы”, спаборнічалі ў экалагічным турніры “Таямніцы беларускай прыроды”, наведалі бібліякафэ “У меню: “Салата з казак”.
Віншуем!
У абласным этапе выставы дзіцячай творчасці «Усе дзеці таленавітыя» ў намінацыі «Сюжэтная кампазіцыя на тэму казкі» пераможцам стала вучаніца 11 класа Куртава Аліна (кіраўнік Семянчук В.М.)
Да ўвагі!
З 25 сакавіка па 3 красавіка на тэрыторыі Рэспублікі Беларусь ДАІ праводзіцца рэспубліканская прафілактычная акцыя па папярэджанню дарожна-транспартных здарэнняў з удзелам мотатранспарту.
Кожную суботу разам
У дзень юнага чытальніка пачаткоўцы прынялі ўдзел у літаратурнай гульні “Вместе весело читать”. Эрудыцыён “Літаратурны рынг” сабраў вучняў сярэдняга звяна. Вучні 8, 9 класаў спаборнічалі ў інтэрактыўнай гульні “Падарожжа па краіне вершаў”.
Лідары ГА «БРПА» прынялі ўдзел у раённай школе піянерскага актыву «Майстар ідэй».
У кожнага часу свае героі
Пад такой назвай прайшоў раённы этап рэспубліканскага конкурсу, у якім у намінацыі «Відэаролік» работа вучаніцы 11 класа Ніпарка Ганны адзначана дыпломам ІІ ступені (кіраўнік Семянчук В.М.)
Памяць і боль Пружаншчыны
Вучні ўстановы наведалі помнік спаленым вёскам Пружаншчыны. Кіраўнік па ваенна-патрыятычных выхаванні Арабей А.Я. расказала вучням аб зверствах фашыстаў у гады вайны на тэрыторыі раёна. 57 вогненных шрамаў засталося на целе Пружанскага раёна, 57 спаленых вёсак, 6 з якіх так і не адрадзіліся. Аб гэтым трэба памятаць!
