Навучэнцы 5,7,8,9 класаў здзейснілі экскурсію ў горад Пружаны
З мэтай фарміравання цікавасці да гісторыі, геаграфіі і культуры сваёй краіны навучэнцы 5,7,8,9 класаў здзейснілі экскурсію ў горад Пружаны. Рабяты наведалі музей-сядзібу «Пружанскі палацык». Увазе дзяцей была прадстаўлена выстава карт XV-XVIII стагоддзяў з калекцыі Беларускага геаграфічнага таварыства. Экспазіцыя прымеркавана да 70-годдзя Беларускага геаграфічнага таварыства, 90-годдзя факультэта геаграфіі і геаінфарматыкі і 55-годдзя кафедры геадэзіі і касмааэракартаграфіі Беларускага геаграфічнага таварыства. Таксама навучэнцы пабывалі ў зале, дзе азнаёміліся з матэрыяламі па генацыдзе беларускага народа. Каля помніка «Спаленым вёскам» ушанавалі памяць загінулых у гады Вялікай Айчыннай вайны хвілінай маўчання.
18 верасня ў ДУА «Шаняўская сярэдняя школа імя Міколы Засіма» адбылася сустрэча навучэнцаў 5 класа з настаяцелем Свята-Мікалаеўскай царквы в.Засімавічы
Айцец Сергій распавёў дзецям пра значэнне святаў у жыцці праваслаўных хрысціян і пра сэнс святкуемых падзей для ўсяго чалавецтва. На канкрэтных прыкладах айцец Сергій растлумачыў, наколькі важная вера ў жыцці чалавека і што ўчынкі не павінны ісці насуперак з запаведзямі Божымі. Патлумачыў навучэнцам праваслаўнае разуменне адвечных пытанняў чалавечага быцця: што ёсць дабро і зло, што такое сумленне, якую ролю адыгрывае ў жыцці кожнага чалавека. Гутарка плаўна перайшла ў дыялог, падчас якога навучэнцы мелі магчымасць атрымаць адказы на пытанні. Завяршаючы сустрэчу, святар пажадаў дзецям быць добрымі і сумленнымі ў сваіх учынках, міласэрнымі і праўдзівымі ва ўсім, наведваць храм.
16 верасня на Пружаншчыне стартавала рэспубліканская інфармацыйна-прапагандысцкая акцыя «З клопатам аб бяспецы малой радзімы»
Яе галоўная мэта – папярэджанне пажараў з-за неасцярожнага абыходжання з агнём і гібелі на іх людзей пажылога ўзросту. «З клопатам аб бяспецы малой радзімы» – гэта не проста слоган, а сапраўдны комплекс мерапрыемстваў, накіраваных на навучанне насельніцтва правілам пажарнай бяспекі.
Міранюк Анастасія была ўзнагароджана заахвочвальным дыпломам у раённым этапе рэспубліканскай экалагічнай акцыі «Хто, калі не мы?»
У раённым этапе рэспубліканскай экалагічнай акцыі «Хто, калі не мы?» Міранюк Анастасія была ўзнагароджана заахвочвальным дыпломам. Віншуем Анастасію і педагога Жэдзік Галіну Мікалаеўну!
17 верасня 2024 года ў ДУА «Шаняўская сярэдняя школа імя Міколы Засіма» прайшла ўрачыстая лінейка, прысвечаная Дню народнага адзінства
Навучэнцы яшчэ раз успомнілі слаўныя старонкі гісторыі нашай краіны. Гонар за нашу квітнеючую і незалежную Рэспубліку Беларусь гучаў у кожным слове.
Сёння наша краіна адзначае дзяржаўнае свята- Дзень народнага адзінства!
Урокі мінулага паказваюць, што мы- моцная краіна. Вера ў свае сілы, самаадданасць, патрыятызм беларускага народа з’яўляюцца трывалым фундаментам для далейшага развіцця нашай Айчыны. Ва ўсе часы беларусы былі адзіныя ў любові да Радзімы і яе гісторыі — гэта сімвалізуе сапраўднае яднанне народа і пераемнасць пакаленняў. Сёння Дзень народнага адзінства ўвасабляе нашы галоўныя маральныя каштоўнасці: даніна глыбокай павагі нашых продкаў, згуртаванасць, імкненне да дабра, узаемную падтрымку і дапамогу. У гэты святочны дзень шчыра жадаем пажадаць усім сілы духу, адзінства нацыі, свабоды, стабільнасці і працвітання! А галоўнае, мірнага неба над галавой, моцнага здароўя і поспехаў у рэалізацыі намечаных планаў!
У праекце Беларускай алімпійскай акадэміі «Алімпійскія маршруты» папаўненне!
Прапануем вашай увазе яшчэ больш спартыўна-культурных маршрутаў па гарадах Беларусі! У скарбонцы праекта з’явіўся маршрут па Пружанах! Цяпер у праекце вы знойдзеце маршруты па Мінску (2), Брэсце (2), Гродна (1), Віцебску (1), Магілёве (1) і Пружанах (1) Раздрукуйце карту маршруту або загрузіце на ваш смартфон, прагуляйцеся па горадзе, даведайцеся шмат новага аб спартыўных і культурных аб’ектах, відах спорту, беларускіх спартсменах і многае іншае. «Алімпійскія маршруты» — ваша гатовае, цікавае і незвычайнае мерапрыемства для шостага школьнага дня! Матэрыялы тут: http://olympic-academy.by/алімпійскія-маршруты/
