Забяспечваючы рэалізацыю рэспубліканскай акцыі «Лета на карысць», калектыў школы зыходзіць з таго, што лепшы адпачынак вучняў — гэта перш за ўсё іх занятак, таму ў вёсках, дзе пражываюць вучні школы, створаны рознаўзроставыя атрады. А рэй у іх вядуць лідары дзіцячых і маладзёжных аб’яднанняў.
23 чэрвеня вучні 5 – 6 класаў пабывалі ля помнікаў Вялікай Айчыннай вайны горада Пружаны. Яны даведаліся, што ў Пружанскім раёне было спалена 58 вёсак, з якіх 7 так і не былі адноўлены. А таксама яшчэ раз успомнілі пра подзвіг Гудзімава Сцяпана Мітрафанавіча, які раніцай 22 чэрвеня 1941 года каля Пружан збіў 2 варожых бамбардзіроўшчыкі, адзін з іх тараніў. Ён сам загінуў у гэтым баі.
20 чэрвеня скончылася змена ў аздараўленчым летніку «Дружба». На развітанне педагогі лагера наладзілі для дзяцей свята. Усе гульні і конкурсы былі накіраваны на фарміраванне разумнай, творчай і самастойнай асобы выхаванцаў.
У жывапісным куточку непадалёку ад г. Кобрына размешчана ферма, на якой разводзяць экзатычную для нашых мясцін птушку — страусаў.
17 чэрвеня вучні, якія наведваюць аздараўленчы лагер «Дружба», пабывалі на ферме. Яны пазнаёміліся з умовамі ўтрымання птушкі, паназіралі за працэсам кармлення, наведалі іншых пітомцаў фермы.
З 10 чэрвеня па 10 верасня 2015 года ў Брэсцкай вобласці праводзіцца акцыя «Брестчина – за здоровый образ жизни!»
Да Дня прафілактыкі алкагалізму з 29 чэрвеня па 2 ліпеня 2015 года ў Брэсцкай вобласці будзе праводзіцца абласная інфармацыйна-адукацыйная акцыя «Брестчина – за трезвый образ жизни!»
Запрашаем усіх жадаючых прыняць удзел у акцыях.
Цікава і весела бавяць час наведвальнікі аздараўленчага лагера «Дружба». Разнастайныя конкурсы, гульні, віктарыны, святы і спартыўныя мерапрыемствы спрыяюць стварэнню добрага настрою, даюць магчымасць адпачыць з карысцю для здароўя.
12 чэрвеня пасведчанне аб агульнай базавай адукацыі атрымалі 13 вучняў 9 класа. Жадаем поспехаў!
Адзвінеў апошні званок. Вучні 11 класа здалі дзяржаўныя экзамены.
5 выпускнікоў сёлета развіталіся са сваёй роднай школай 11 чэрвеня, атрымаўшы ва ўрачыстай абстаноўцы з рук дырэктара атэстаты аб сярэдняй адукацыі. Сур’ёзныя юнакі і вясёлыя дзяўчаты дзякавалі школе за веды, атрыманыя тут, за дапамогу і падтрымку сваіх настаўнікаў.
У добры шлях, паважаныя выпускнікі!
Дзякуючы цікавым і захапляльным мерапрыемствам, арганізаваным педагагічным калектывам школы, кожны дзень жыцця ў летнім аздараўленчым лагеры “Дружба” прыносіць выхаванцам станоўчыя эмоцыі і цудоўны настрой.
