У суботу, 28 сакавіка, вучні пачатковых класаў адправіліся ў падарожжа па старонках Дэкларацыі правоў дзіцяці. Спачатку яны пазнаёміліся з Канстытуцыяй Рэспублікі Беларусь, Канвенцыяй аб правах дзіцяці, Законам Рэспублікі Беларусь «Аб правах дзіцяці», а пасля з артыкуламі Дэкларацыі. Навучэнцы даведаліся, якія правы маюць дзеці ў Рэспубліцы Беларусь, але не забылі ўспомніць і аб сваіх абавязках.

   Таксама ў суботу працавалі спартыўныя секцыі і гурткі.

   Згодна з планам мерапрыемстваў, прысвечаных святкаванню 70-годдзя Перамогі над нямецка-фашысцкімі захопнікамі, вучні 3 — 6 класаў разам з настаўнікам Бяляевай І. Р. і бацькамі 26 сакавіка наведалі мемарыяльны комплекс «Брэсцкая крэпасць-герой». Дзеці пазнаёміліся з планам Цытадэлі, асноўнымі манументамі комплексу, з назвамі гарадоў, якім прысвоена ганаровае званне «горад-герой», успомнілі прозвішчы абаронцаў крэпасці, пабылі ля Вечнага агню, ушанавалі памяць герояў хвілінай маўчання.

   На вясенніх канікулах вучні 5 — 7 класаў прынялі ўдзел у аперацыі «Абеліскі». Падчас яе правядзення школьнікі прыбралі помнік ахвярам Вялікай Айчыннай вайны ў аграгарадку Шані.

   Падведзены вынікі раённага конкурсу “Лепшая шпакоўня”. У намінацыі “Аптымальны варыянт” вучні  7 класа атрымалі дыплом 3 ступені. Віншуем!

   Дзень Зямлі — назва, якая выкарыстоўваецца ў дачыненні да розных мерапрыемстваў, якія праводзяцца ўвесну і закліканы заахвоціць людзей быць больш уважлівымі да  навакольнага асяроддзя на планеце Зямля.

   21 сакавіка вучні разам з настаўніцай Дзенісюк В.М. правялі працоўную акцыю “Квітней, родная Беларусь!” і назбіралі вельмі шмат смецця ў лесе і на яго ўскрайку.  Вучням праца спадабалася і яны прапанавалі рабіць такія акцыі як мага часцей.

   Таксама вучні пачатковых класаў пабывалі на сваёй гульні «Экалагічны серпанцін». Яны даведаліся аб рэдкіх птушках і жывёлах, занесеных у Чырвоную кнігу, пападарожнічалі па прыродных згуртаваннях роднага краю, паказалі добрыя веды аб прыродзе Беларусі.

   Рэспубліканскі конкурс «Вянок славы» праводзіцца з мэтай грамадзянска-патрыятычнага і духоўнага выхавання падрастаючага пакалення, развіцця дзіцячай мастацкай творчасці.

      Вучні нашай школы таксама прынялі ўдзел у раённым этапе конкурсу і падрыхтавалі свае работы.

   Пад такой назвай 19 сакавіка для вучняў пачатковых класаў была праведзена конкурсная праграма. Яна дапамагла вучням успомніць правілы знаходжання ў прыродзе, назвы птушак і жывёл Беларусі, даведацца аб лекавых раслінах, якія дапамагаюць пры розных хваробах. У праграме спаборнічала каманда хлопчыкаў супраць каманды дзяўчынак, але перамагло сяброўства.

   Дню Канстытуцыі Рэспублікі Беларусь былі прысвечаны тэматычныя інфармацыйныя гадзіны, якія прайшлі ў школе 16 сакавіка. Вучні яшчэ раз звярнулі ўвагу на тое, на якіх трох кампанентах грунтуецца асноўны закон  Рэспублікі Беларусь, якія правы і свабоды мае беларускі народ.

   У суботні дзень вучняў запрасілі на мерапрыемствы, прысвечаныя асноўнаму закону Рэспублікі Беларусь. Вучні пачатковых класаў пазнаёміліся з Канстытуцыяй РБ, яе артыкуламі. Вучні старэйшых класаў даведаліся аб тым, што ў Рэспубліцы Беларусь дзейнічае Канстытуцыя 1994 года са змяненнямі і дапаўненнямі, прынятымі на рэспубліканскіх рэферэндумах 24 лістапада 1996 года і 17 кастрычніка 2004 года, што яна была прынята 15 сакавіка 1994 года на 13-й сесіі Вярхоўнага Савета Рэспублікі Беларусь 12-га склікання і з’яўляецца першай у гісторыі суверэннай рэспублікі і пятай Канстытуцыяй Беларусі, прынятай пасля Кастрычніцкай рэвалюцыі 1917 года.

   У суботу, 14 сакавіка, вучні школы сабраліся на вясёлыя спаборніцтвы па скачках. У цікавых эстафетах прымалі ўдзел каманды «Сонейка» і «Ракета». Барацьба была напружаная. Уперад вырывалася то адна, то другая каманда. У выніку перамагло сяброўства.