У суботу, 3 снежня, пачаткоўцы прынялі ўдзел у гульні-віктарыне «Наша Беларусь». Каманды 5 — 9 класаў спаборнічалі ў квэст-гульні «Да абароны Айчыны гатовы».

Таксама ў гэты дзень у ДУА «Ліноўская сярэдняя школа» прайшла квэст-гульня «Гартаючы старонкі мінулага», у якой прынялі ўдзел і вучні 5 — 7 класаў нашай установы. Вынікам спаборніцтваў стала ІІ месца. Акрамя гэтага, школьнікі наведалі музей вылічальнай тэхнікі «Ад абака да камп’ютара», дзе ўбачылі больш 200 цікавых экспанатаў, якія дапамагаюць прасачыць сучасную гісторыю айчыннай вылічальнай тэхнікі.

У суботні дзень пачаткоўцы адправіліся ў гістарычны экскурс па памятных мясцінах Пружаншчыны. Віртуальная экскурсія «Незабыўныя подзвігі нашых землякоў» сабрала вучняў 5 – 7 класаў. Праглядзець і абмеркаваць фільм “Пісьмо” прапанавана старшакласнікам. А самыя актыўныя члены ГА «БРПА», «БРСМ» прынялі ўдзел у валанцёрскай акцыі «У будучыню з дабрынёй у сэрцы».

Таксама ў суботу вучні з задавальненнем наведваюць гурткі.

4 лістапада Кобрынскі ваенна-гістарычны музей імя А. Суворава прапанаваў вучням наведаць абзорную экскурсію па ўсіх залах музея, экспазіцыю «Сем стагоддзяў Кобрына», выставу «Славутыя старонкі гісторыі”, прысвечаную 100-годдзю БССР, дзе прадстаўлены больш 200 эспанатаў савецкай эпохі. Падчас экскурсіі школьнікі змаглі прасачыць асноўныя вехі векавой гісторыі беларускай дзяржавы.

Таксама вучні наведалі «Музей народнага ткацтва», дзе даведаліся, што такое церніца, андарак, наймітка. Дзеці вучыліся карыстацца кроснамі 19 стагоддзя, прасаваць ручнікі, з цікавасцю слухалі, як можна зашыфраваць пры дапамозе сімвалаў вышыўкі свой дабрабыт, свае мары і спадзяванні на ручніку або на посцілцы.

Падчас канікулаў вучні 8 — 10 класаў пабывалі ў мемарыяльным комплексе “Брэсцкая  крэпасць — герой, музеі “5 форт”, дзе ўзгадалі яшчэ раз падзеі жорсткай барацьбы савецкіх воінаў — абаронцаў Брэсцкай крэпасці з ворагам у чэрвені 1941 года. Прыгажосць прыроднага свету прывабіла вока навучэнцаў у музеі прыродазнаўства БрДУ імя А.С Пушкіна. Асабліва захапляльным было наведванне 38 асобнай дэсантна — штурмавой  брыгады, дзе старшакласнікі пазнаёміліся з гісторыяй яе стварэння, ваеннай тэхнікай, патрымалі ў руках сапраўдную зброю.

Найлепшы адпачынак у час канікул — гэта экскурсіі. Вучні пачатковых класаў мелі магчымасць пападарожнічаць па родным краі. З вялікай цікавасцю дзеці наведалі мемарыяльны комплекс «Драмлёва», на месцы спаленай фашыстамі вёскі, дзе ў страшных муках загінулі 196 мірных жыхароў. Пабывалі школьнікі на радзіме Т. Касцюшкі ў в. Малыя Сяхновічы, дзе наведалі Жабінкоўскі гісторыка-краязнаўчы музей, пазнаёміліся з жыццёвым шляхам ваеннага і палітычнага дзеяча, наведалі залу, экспанаты якой расказалі аб жорсткасці ворага ў адносінах да беларускага народа ў гады Вялікай Айчыннай вайны. Незабыўным для вучняў стала наведванне вядомага ў вобласці Спаса-Праабражэнскага мужчынскага манастыра ў в. Хмелева. Шмат гістарычных звестак атрымалі навучэнцы аб храме святога Архангела Міхаіла, які знаходзіцца ў аграгарадку Сцяпанкі,  дзе айцец Рыгор паведаміў аб тым, што першае ўпамінанне аб існаванні царквы адносіцца да 1619 года. Па дарозе дадому пачаткоўцы спыніліся ля помніка-танка ў в. Пелішча і ўшанавалі памяць воінаў 19-й механізаванай брыгады, якія 22 ліпеня 1944 года вызвалілі вёску ад нямецка-фашысцкіх захопнікаў.

У школе адбылася дыялогавая пляцоўка з начальнікам аддзела ідэалагічнай работы і па справах моладзі Пружанскага райвыканкама Момлікам Аляксандрам Канстанцінавічам, які пазнаёміў рабят з матэрыяламі аб расследаванні малавядомых падзей і фактаў гісторыі Брэсцкай вобласці перыяду Вялікай Айчыннай вайны. Старшакласнікі дзяліліся сваімі меркаваннямі аб важнасці работы, якая праводзіцца па захаванні гістарычнай праўды аб Вялікай Айчыннай вайне, задавалі госцю хвалюючыя іх пытанні.

Пад такой назвай у рамках шостага школьнага дня педагогі нашай установы арганізавалі і правялі для вучняў інтэрактыўную гульню на базе ДУА «Ліноўская сярэдняя школа». У гульні прынялі ўдзел вучні з трох устаноў адукацыі раёна. Удзельнікам было прапанавана выкананне розных заданняў на наступных інтэрактыўных пляцоўках: «На прывале», «Партызанская аптэка», «Гістарычная», «Майстэрня памяць». Вучні ўсіх устаноў паказалі высокі ўзровень ведаў.

1 месца — каманда ДУА «Слабадская сярэдняя школа»

2 месца — каманда ДУА «Шаняўская сярэдняя школа імя Міколы Засіма»

3 месца — каманда ДУА «Ліноўская сярэдняя школа»

Фінальным акордам гульні стала ўзнагароджанне пераможцаў і сумеснае выкананне песні.