Віншуем ветэранаў!
У свята Вялікай Перамогі ветэран Вялікай Айчыннай вайны Бабрук Марыя Аляксандраўна і вязень Гарэйка Алена Леанідаўна прымаюць віншаванні. Словы бясконцай падзякі былі сказаны ў адрас ветэранаў, якія ветліва прымалі гасцей, дзякавалі за ўвагу. Нажаль, усё менш застаецца ветэранаў Вялікай Айчыннай вайны. Але з кожным годам мы ўсё больш шануем гэты бязмежны подзвіг і памятаем, што мы ў неаплатным абавязку перад людзьмі, якія коштам свайго жыцця прынеслі нам доўгачаканую Перамогу.
Мы не забудзем!
У 79-ую гадавіну Вялікай Перамогі ва ўсіх кутках Беларусі праходзяць мерапрыемствы эстафеты «Беларусь памятае. Памятаем кожнага». Жыхары краіны са сваімі сем’ямі ўскладаюць кветкі да мемарыяльных комплексаў, абеліскаў, помнікаў і брацкіх магіл. Лейтматыў эстафеты — сказаць дзякуй прадзедам і дзядам за 79 гадоў мірнага неба над нашай краінай, за тое, што мы, беларусы, можам вучыцца, працаваць, гадаваць дзяцей, спяваць, танцаваць і радавацца жыццю. Навучэнцы і педагагічны калектыў ДУА «Шаняўская сярэдняя школа імя Міколы Засіма» далучыліся да эстафеты, прынялі ўдзел у мітынгу і ўсклалі кветкі каля помніка ахвярам фашызму ў аг. Шані.
У 1-9,11 класах 7 мая быў праведзены адзіны ўрок, прысвечаны Дню Перамогі.
З мэтай выхавання ў вучняў грамадзянскасці і патрыятызму, гонару за гераічнае мінулае Радзімы, гатоўнасці служыць на карысць свайго народа, фарміравання разумення каштоўнасці свету на Зямлі ў 1-9,11 класах 7 мая быў праведзены адзіны ўрок, прысвечаны Дню Перамогі. Вучні ўспомнілі аб подзвігу нашага народа ў гады Вялікай Айчыннай вайны, аб тым, якой цаной была заваявана Перамога, генацыдзе беларускага народа ў гады ваеннага ліхалецця, аб тым, як народ змог выстаяць і перамагчы ў той страшнай вайне, якая мужнасць была праяўлена пры гэтым. Яны яшчэ раз дакрануліся да подзвігу землякоў, якія гераічна змагаліся на франтах Вялікай Айчыннай вайны, разважалі, што такое гераізм, і каго можна назваць героем, выказвалі прапановы, што трэба рабіць, каб памяць аб падзеях і героях вайны заставалася надоўга. Захаванне гістарычнай памяці і пакланенне перад подзвігам савецкага народу – наш маральны абавязак перад тымі, хто змагаўся і загінуў за Радзіму.
Удзел у акцыі «Абеліскі»
Напярэдадні святкавання 79-й гадавіны Вялікай Перамогі актывісты БРСМ і БРПА, педагогі ДУА «Шаняўской сярэдняй школы імя Міколы Засіма» сумесна са старшынёй Шаняўскога сельвыканкама Бяляевай І.Р. прынялі ўдзел у акцыі «Абеліскі».
Добраўпарадкаванне памятных месцаў — гэта тая малая частка нашых спраў, з дапамогай якіх мы выказваем сваю падзяку ўсім тым, хто аддаў сваё жыццё дзеля нас, дзеля мірнага неба над галавой. І наша галоўная задача — як мага даўжэй пранесці гэтую памяць.
Удзел у раённым конкурсе інсцэніроўкі ваенна-патрыятычнай песні «Мы памятаем Ваш подзвіг
З мэтай фарміравання ў моладзі грамадзянска-патрыятычнай пазіцыі, захавання гістарычнай памяці аб гераічным подзвігу беларускага народа ў гады Вялікай Айчыннай вайны прайшоў раённы конкурс інсцэніроўкі ваенна-патрыятычнай песні «Мы памятаем Ваш подзвіг». Члены аб’яднання па інтарэсах «Драматычны» ДУА «Шаняўская сярэдняя школа імя Засіма» пад кіраўніцтвам педагога Вашчук А.В. прынялі ўдзел у конкурсе і былі ўзнагароджаны дыплом 3 ступені і салодкім падарункам. Віншуем вучняў і Алёну Віктараўну з паспяховым выступленнем!
3 мая вучні 1-9 класаў напісалі Усебеларускі дыктант «Я раскажу аб Перамозе»
3 мая 2024 года ў рамках Усебеларускага патрыятычнага праекта «Памяць пакаленняў у імя будучыні» навучэнцы 1-9 класаў ДУА «Шаняўская сярэдняя школа імя Міколы Засіма» напісалі Усебеларускі дыктант «Я раскажу аб Перамозе», прысвечанага 80-й гадавіне вызвалення Рэспублікі Беларусь ад нямецка — фашысцкіх захопнікаў.
Дыктант праводзіўся з мэтай захавання памяці аб Вялікай Айчыннай вайне, павышэння гістарычнай пісьменнасці і патрыятычнага патэнцыялу дзяцей.
Віншуем!
У мэтах падтрымкі ініцыятывы дзяцей і навучэнскай моладзі ўстаноў адукацыі раёна па ўдасканаленні грамадзянска — патрыятычнага і ідэйна — маральнага выхавання навучэнцаў, захаванню і памнажэнню культурнай спадчыны свайго краю, у рамках абласнога праекта «Памяць аб героях у сэрцы захаваем» прайшоў раённы этап абласной выставы — конкурс «Перамогу памятае Беларусь». У намінацыі «Салдат-пераможца» дыпломам 2 ступені ўзнагароджаны навучэнец 4 класа Ханіла Яўгеній. Віншуем Яўгенія і педагога Ірыну Васільеўну!
Мы помнім!
Вучні 1,3 класаў наведалі школьную выставу «Генацыд беларускага народа». Кіраўнік па ваенна-патрыятычным выхаванні Чыбісава М.В. расказала дзецям аб стратах, якія панесла наша краіна ў гады Вялікай Айчыннай вайны, фактах генацыду на тэрыторыі Пружанскага раёна.
Удзел у рэспубліканскім суботніку
Добрай традыцыяй стаў удзел усяго калектыву ДУА «Шаняўская сярэдняя школа імя Міколы Засіма» у рэспубліканскім суботніку. Сумеснымі намаганнямі педагогі, тэхнічны персанал і вучні прыбралі школьны сквер, навялі парадак на дзіцячай пляцоўцы, а таксама каля помніка на месцы гібелі генерала Бахарава, на месцы дыслакацыі партызанскага атрада імя Чкалава, ля памятнага знака на радзіме Р.Шырмы. Добрыя справы на карысць людзям і малой радзіме прыносіць прыемнасць.
