У рамках Года якасці і месячніка па добраўпарадкаванні і навядзенні парадку на зямлі, праводзяцца работы па азеляненні школьнай тэрыторыі. Кветкавыя кампазіцыі спаборнічаюць у арыгінальнасці выканання, складанасці кампазіцыйнага рашэння, эстэтычнасці афармлення. Пры гэтым усе яны сімвалічныя. Навучэнцы нашай школы прапануюць любавацца прыгажосцю кветак. Клумбы — галоўнае ўпрыгажэнне тэрыторыі.
Штогод, 1 красавіка ўся планета адзначае Міжнародны дзень птушак. Гэты месяц быў абраны невыпадкова, бо менавіта ў красавіку крылатыя вандроўнікі, пераадольваючы ўсе перашкоды, накіроўваюцца дадому. «Птушыны калейдаскоп»- пад гэтай назвай прайшла інтэрактыўная гульня для вучняў 1-4 класаў. Навучэнцы тлумачылі прыказкі, адгадвалі загадкі, прымалі актыўны ўдзел у віктарыне «Пазнай птушку па апісанні», чыталі і аналізавалі апавяданні пра птушак.
У рамках Года якасці і месячніка па добраўпарадкаванні і навядзенні парадку на зямлі працоўныя калектывы ААТ «Шані-аграпрадукт», сельвыканкама, сельскага клуба-бібліятэкі, мясцовыя жыхары і проста неабыякавыя людзі выйшлі 30 сакавіка на ўсеагульны суботнік па навядзенні парадку ў аг.Шані. Навучэнцы і педагогі ДУА «Шаняўская сярэдняя школа імя Міколы Засіма» прынялі актыўны ўдзел у суботніку. Разам мы робім нашу малую радзіму чысцейшай, святлейшай і прыгажэйшай.
У рамках рэалізацыі праекта «Зялёныя школы» вучні 4, 7, 8 класаў дзейснілі адукацыйную экскурсію ў біялагічны заказнік «Міхалінска-Бярозаўскі». Вучні наведалі музей Пружанскага лясгаса ў в.Бярозаўка, пазнаёміліся з экспанатамі музея, пабывалі на штогадовым аглядзе гатоўнасці дзяржаўнай лясной абароны.
З мэтай выхавання ў малодшых школьнікаў экалагічнай культуры і любові да прыроды для вучняў 2 класа падчас дадатковых канікул прайшла творчая майстэрня «Экакармушкі для птушак». Рабяты з вялікай ахвотай і задавальненнем майстравалі экакармушкі, выкарыстоўваючы карысны корм для пярнатых. Колькі замілавання і зачарання вызваў у дзяцей працэс развешвання сваіх твораў у школьным садзе!
З мэтай прыцягнення ўвагі да праблем зімуючых відаў птушак, захавання іх колькасці і падтрымання відавой разнастайнасці, прыцягнення ў практычную дзейнасць па ахове прыроды, выхавання адказных адносін падрастаючага пакалення да праблем захавання птушак з 29 лістапада па 30 снежня 2023 года праводзіўся раённы этап абласной экалагічнай акцыі «Падтрымаем птушак!». Журы, разгледзеўшы конкурсныя работы ў адпаведнасці з Палажэннем, вызначыла пераможцаў у намінацыі «Кармушка дабра»: Дыплом I ступені — Кот Яўгеній, Пекун Данііл, Рамановіч Анастасія, Бабей Ягор, навучэнцы дзяржаўнай установы адукацыі «Шаняўская сярэдняя школа імя Міколы Засіма».
Вучні ДУА «Шаняўская сярэдняя школа імя Міколы Засіма» прымаюць актыўны ўдзел у абласной экалагічнай акцыі «Падтрымаем птушак». У перыяд зімовых канікул члены аб’яднання па інтарэсах «Юны біёлаг» пад кіраўніцтвам Коверзневай І.М. не толькі кармілі птушак, але і асвойвалі азы бердвотчынга. Дзеці актыўна назіралі за птушкамі, здымалі фота і відэа.
Нашы навучэнцы прымаюць актыўны ўдзел у абласной экалагічнай акцыі «Падтрымаем птушак». Пад кіраўніцтвам настаўніка біялогіі Жедзік Г.М дзеці змайстравалі «кармушкі дабра» і падрыхтавалі корм для птушак. Пекун Д., Кот Я., Рамановіч А. і Ханіла Я. разам з намеснікам дырэктара па ВВР Граб В.М. правялі цікавае мерапрыемства «У коле сяброў» для выхаванцаў ДУА «Сацыяльна-педагагічны цэнтр Пружанскага раёна». Разам развесілі кармушкі на тэрыторыі цэнтра і напоўнілі іх кормам, а таксама весела і з карысцю правялі час. Кожны ўдзельнік мерапрыемства атрымаў невялікі салодкі прыз.
Навучэнцы 5-7 класаў наведалі на канікулах Бярозаўскае лясніцтва Пружанскага раёна. Дзеці з вялікай цікавасцю паназіралі за працай у шышкасушылцы, прагуляліся па дэндрапарку. Але самыя вялікія ўражанні атрымалі ад наведвання музея, створанага на тэрыторыі лясніцтва. Увагу дзяцей прыцягнулі шматлікія экспанаты і залы, прысвечанай прыродзе роднага краю, этнаграфічнай залы.
У рамках абласной акцыі «Падтрымаем птушак!» для вучняў 8 класа праведзена пазнавальная гадзіна «Зімуючыя птушкі». Дзеці пазнаёміліся з відамі птушак, якія зімуюць у Беларусі, даведаліся, чым можна падкормліваць птушак, якія зімуюць у нас.
