Навучэнцы 8,9, 11 класаў ДУА «Шаняўская сярэдняя школа імя Міколы Засіма» прынялі ўдзел у прафарыентацыйным мерапрыемстве ва УА «Пружанскі дзяржаўны аграрна-тэхнічны каледж» у рамках абласнога конкурсу «Аграмастэрства». Выкладчыкі правялі для дзяцей экскурсію па каледжы, пазнаёмілі з матэрыяльна-тэхнічнай базай, умовамі навучання, распавялі цікавыя факты аб умовах арганізацыі вытворчага навучання. Захапленне ў хлапчукоў і дзяўчынак выклікалі майстар-класы па прафесіях, дзе яны мелі магчымасць паспрабаваць сябе ў якасці вадзіцеляў і трактарыстаў на практыцы.
