У рамках рэалізацыі царкоўна-дзяржаўных мерапрыемстваў па ўвекавечанні памяці Першага Патрыяршага Экзарха ўсея Беларусі мітрапаліта Філарэта (Вахрамеева) для вучняў 5-7 класаў прайшла гадзіна памяці “На службе Богу и Отечеству». У мерапрыемстве прыняў удзел настаяцель Свята-Мікалаеўскай царквы айцец Сергій, які пазнаёміў вучняў з цікавымі звесткамі жыцця мітрапаліта Філарэта.
6 красавіка ў школе прайшлі інфармацыйныя гадзіны, прысвечаныя Дню яднання народаў Беларусі і Расіі. У ходзе мерапрыемстваў школьнікі ўспомнілі цікавыя факты гісторыі, культуры абедзвюх краін, цяжкія гады ваеннага ліхалецця, якія абрушыліся на долю нашых народаў у гады Вялікай Айчыннай вайны.
На вясенніх канікулах прайшлі раённыя алімпіяды па вучэбных прадметах сярод вучняў 4-8 класаў. Дыпломы другой ступені па беларускай мове заваявалі вучань 4 класа Лушчык Максім і вучаніца 7 класа Курыльчук Аліна. Вучаніца 8 класа Батура Ксенія ўзнагароджана дыпломам трэцяй ступені па ЗЛЖ. Віншуем дзяцей і іх педагогаў!
3 красавіка пачаткоўцы прынялі ўдзел у квэст-гульні “Экалагічнае асарці”. Вучні 5 — 7 класаў паказалі свае веды ў экалагічнай гульні “У свеце пярнатых сяброў». У экалагічнай акцыі “Хто, калі не мы” ўдзельнічалі старшакласнікі. Кніжны аўкцыён “Адкрываем кнігу – адкрываем свет” сабраў вучняў 5 – 9 класаў.
2 красавіка вучні школы наведалі экспазіцыю «Зімовы сад» у горадзе Брэсце. Падчас экскурсіі школьнікі даведаліся, што аб’екты экспазіцыі з’яўляюцца не толькі нагляднымі дапаможнікамі для вывучэння прадметаў эколага-прыродазнаўчага цыклу, але і садзейнічаюць пашырэнню кругагляда падрастаючага пакалення.
2 красавіка школьнікі былі запрошаны для абмеркавання пытання “Як не стаць удзельнікам ці ахвярай мобінгу?” Слушныя парады вучням, як захаваць у класе сяброўскія адносіны паміж вучнямі, дала педагог сацыяльны Арабей А.Я.
Гульнявая праграма «Когда мы едины — мы непобедимы» (у рамках дня яднання народаў Беларусі і Расіі), інфармацыйны веснік «Адкрываем багацце царства часопісаў» (у рамках тыдня дзіцячай кнігі), спартыўныя і інтэлектуальныя гульні захопліваюць наведвальнікаў аздараўленчага лагера і ўздымаюць цудоўны настрой.
Пад такой назвай з 25 сакавіка па 5 красавіка праводзіцца рэспубліканская акцыя па ўвекавечванню і захаванню памяці абаронцаў Айчыны і ахвяр войн у рамках 77-й гадавіны з дня спалення Хатыні — сімвала ўсіх спаленых беларускіх вёсак у гады Вялікай Айчыннай вайны.
Вучні і настаўнікі школы прынялі ўдзел у акцыі і ўсклалі кветкі да помніка ахвярам фашызму падчас удзелу ў мітынгу-рэквіему «Мы помним павших имена».
Вучнямі 9 — 10 класаў ускладзены кветкі ля помніка спаленым вёскам у г. Пружаны.
2 красавіка вучні 5 — 6 класаў наведалі Брэсцкую крэпасць — унікальны фартыфікацыйны будынак у Беларусі, найважнейшы помнік Другой сусветнай вайны, сімвал гераічнага супраціўлення і выдатнай мужнасці яе абаронцаў. Падчас экскурсіі школьнікі пабывалі ў музеі абароны Брэсцкай крэпасці, пазнаёміліся з планам размяшчэння крэпасці на 4 астравах, атрымалі інфармацыю аб святкаванні 20-годдзя Перамогі ў 1965 годзе, падчас якога ёй было прысвоена званне «крэпасці-героя», і часе, калі яна становіцца мемарыяльным комплексам. Таксама экскурсавод расказала дзецям вельмі шмат цікавых звестак пра самы галоўны абарончы вузел, якім была цытадэль-востраў з замкнёнай, двухпавярховай казармай і сценамі — два метры ў шырыню, і амаль два кіламетры ў даўжыню.
