Прававая субота
У суботу, 5 снежня, пачаткоўцы прынялі ўдзел у брэйн-рынгу “Правы чалавека ў дзіцячых літаратурных творах”. Вучні 5 — 9 класаў спаборнічалі ў гульні-віктарыне “Я маю права”. Старшакласнікі ўдзельнічалі ў конкурснай гульні “Знаўцы права”.
Беражы сваё здароўе
У рамках Сусветнай кампаніі супраць СНІДу і Сусветнага дня прафілактыкі СНІДу з 30 лістапада па 5 снежня ў школе прайшоў тыдзень здаровага ладу жыцця. Пры правядзенні мерапрыемстваў вучні пазнаёміліся з хваробамі — ворагамі чалавецтва, прафілактычнымі мерамі, якія дапамогуць зберагчы сваё здароўе.
Вынікі падведзены
На раённым этапе рэспубліканскага конкурсу «Энергамарафон» лістоўка «Уходя, гасите свет!» вучаніцы 10 класа Радзіончык Настассі адзначана дыпломам ІІ ступені.
Дзень прафілактыкі шкодных звычак
У суботу, 28 лістапада, пачаткоўцы прынялі ўдзел у гульнёвай праграме “Больш ведаеш – здаравейшым будзеш”. Вучні 5 — 7 класаў выпусцілі лістоўкі на тэму “Быць здаровым, жыць актыўна – гэта стыльна, пазітыўна”. Старшакласнікі абмяркоўвалі важныя сітуацыі ў дыскусіі “Я, здароўе і мае звычкі”. Таксама вучні школы былі запрошаны да ўдзелу ў прафілактычным занятку “Карысная размова аб шкодных звычках”.
Лесаманія
Міжнародная экалагічная арганізацыя «ЭКА» ўзнагародзіла настаўніка біялогіі і геаграфіі Граб В. М. дыпломам за правядзенне, а ДУА «Шаняўская сярэдняя школа імя Міколы Засіма» падзякай за садзейнічанне ў правядзенні экаўрока «Лесаманія».
Выкарыстоўвайце эканомна і беражліва
Вучні школы прынялі актыўны ўдзел у раённым этапе рэспубліканского конкурсу «Энергамарафон-2020». Чакаем вынікаў.
Дзень здароўя. Дзень спартыўнай гульні (Дзень рэкордаў)
У суботу, 14 лістапада, вучні школы прынялі ўдзел у спартыўных гульнях футбол (1 – 5 кл.) і піянербол (6 – 9 кл.). Таксама пачаткоўцы ўдзельнічалі ў спартыўных спаборніцтвах “Стартуюць усе” сабралі. Вучні 5 — 9 класаў праявілі свае ўменні і навыкі ў інтэлектуальных спаборніцтвах “Ці ведаеце вы?”
