Бавім час цікава
6 лютага пачаткоўцы прынялі ўдзел у гадзіне мужнасці “Агеньчык памяці”. Вучні 5, 6 класаў узгадалі імёны землякоў, якія загінулі падчас Вялікай Айчыннай вайны, наведаўшы гадзіну памяці “Я вам жить завещаю”. Урок мужнасці “Подзвігу народа жыць у вяках” сабраў вучняў 7 – 9 класаў.
Матэматыка — гэта цікава і карысна
5 лютага настаўнік матэматыкі Менжынская Г.А. запрасіла педагогаў школы на адкрыты ўрок па тэме «Законы складання рацыянальных лікаў» у 6 класе, дзе падзялілася з калегамі вопытам выкарыстання дыферэнцыраванага падыходу пры вывучэнні матэматыкі.
Мы памятаем, мы ганарымся
Традыцыйным у школе з’яўляецца Месячнік патрыятычнага выхавання, які заўсёды праходзіць у лютым. На зборы піянерскага атрада імя Зіны Партновай “Вялікая Айчынная вайна ў лічбах” у 7 класе вучні яшчэ раз нагадалі асноўныя факты, падзеі, людскія страты, помнікі-сведкі Вялікай Айчыннай вайны. Вучні 9 класа падчас правядзення класнай гадзіны «Вайна ў памяці народа» і вучні 6 класа пры наведванні ўрока мужнасці «Мы помнім» прадставілі інфармацыю аб трагічных старонках гісторыі беларускага народа, узгадалі імёны нашых землякоў-ветэранаў Вялікай Айчыннай вайны і абмеркавалі прэзентацыю «Незабыўныя подзвігі нашых землякоў».
Умела працуюць «Умелыя ручкі»
Вучні пачатковых класаў з задавальненнем наведваюць гурток дэкаратыўна-прыкладной творчасці, кіраўніком якога з’яўляецца Тарасава М.Б. Работы дзяцей не аднаразова былі адзначаны дыпломамі і граматамі на раённых этапах рэспубліканскіх і абласных конкурсаў дзіцячай творчасці.
Кожную суботу разам
30 студзеня, у суботу, пачаткоўцы прынялі ўдзел у літаратурнай гадзіне “У свеце паэзіі” або «Поэзия, гостья небесная, летит навстречу тебе». Вучні 5 — 7 класаў спаборнічалі ў брэйн-рынгу “Ведай вершы сваіх землякоў”. Інтэлектуальны марафон “Прыйдзі да фінішу” запрасіў вучняў 8, 9 класаў. Таксама ў гэты дзень школьнікі ўдзельнічалі ў конкурсе зімовых скульптур “Снежная казка” і лыжных гонках “Здаровы я — здаровая краіна”.
Святкуем 100-годдзе з Дня нараджэння Івана Шамякіна
29 студзеня для вучняў старэйшых класаў прайшла літаратурная вечарына, прысвечаная 100-гадоваму юбілею вядомага беларускага пісьменніка І. Шамякіна. Вучні мелі магчымасць пазнаёміцца з жыццёвым і творчым шляхам пісьменніка, праглядзець відэаролік, прыняць ўдзел у літаратурным турніры. Шмат карыснага і цікавага ўзялі для сябе ўдзельнікі мерапрыемства.
Удзельнічаем у фотаконкурсе
Вучні 10 класа Варажбіцкі Валерый і 7 класа Курыльчук Аліна ўдзельнічаюць у фотаконкурсе «Созидая, не разрушай».