З 20 лютага па 1 сакавіка 2021 года праходзіць першы этап Адзінага рэспубліканскага дня бяспекі.

22 лютага вучні 5-7 класаў прынялі ўдзел у інтэлектуальнай гульні «Родная мова — матчына мова, ззяе вясёлкай кожнае слова», прысвечанай Дню роднай мовы. Падчас правядзення мерапрыемства школьнікі змаглі ўбачыць і адчуць наколькі багатая, мудрая і самабытная беларуская мова. У гульнёвай форме вучні здолелі паказаць свае веды і моўную эрудыцыю.

У ходзе Месячніка патрыятычнага выхавання для вучняў пачатковых класаў была праведзена інтэрактыўная гульня “Падарожжа па лабірынце Памяці”. Вучні прайшлі па пяці станцыях, на якіх называлі песні аб Вялікай Айчыннай вайне, супастаўлялі лічбы і даты ваенных часоў, чыталі вершы аб вайне, знаёміліся з літаратурай аб вайне.

Некалькі месяцаў на перапынках шасцікласнікі збіралі мазаіку, якая цяпер упрыгожвае іх кабінет.

Cёння у свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забывацца на сваю мову, не шануе яе. 21 лютага адзначаецца Дзень роднай мовы. З нагоды гэтага свята для вучняў пачатковых класаў была праведзена гульня-падарожжа “Вольная, пявучая мова беларуская”, дзе   вучні разгадвалі крыжаванку, складалі беларускія прыказкі і прымаўкі, займаліся перакладам. А вучні 5 — 9 класаў спаборнічалі ў конкурсе знаўцаў «З любоўю да роднай мовы».

18 лютага прайшоў адзіны дзень ведаў Правілаў дарожнага руху пад дэвізам “Бяспечны пераход”. У рамках дня ва ўсіх класах прайшлі мерапрыемствы па прафілактыцы дарожна-транспартнага траўматызму.