У  суботу, 11 сакавіка, вучняў школы ў чарговы раз паклікаў дзень здароўя. Пачаткоўцы прынялі ўдзел у спартыўнай гульні “Заалагічныя забегі” і спаборніцтвах па скачках. Вучні 5 — 7 класаў спаборнічалі ў спартландыі “Самыя спрытныя і хуткія”. Старшакласнікі ўдзельнічалі ў спартыўна-гульнёвай праграме  “На  шляху да здароўя”.

Святочны настрой панаваў у сельскім клубе 7 сакавіка. Работнікі клуба сумесна з настаўнікамі і вучнямі школы падрыхтавалі святочны канцэрт.  У праграме былі песні, вершы, танцы, інсцэніроўкі.

У цікавае віртуальнае падарожжа “Знакамітыя жанчыны Беларусі” адправіліся вучні пачатковых класаў разам з настаўнікам Тарасавай М. Б. Знаёмства з матэматыкамі, спартсменамі, акцёрамі, асветнікамі дало магчымасць акунуцца ў гістарычнае мінулае і сучаснае краіны.

У суботу, 4 сакавіка, вучні школы наведалі КТС “Са святам!” У ходзе мерапрыемства былі падрыхтаваны віншавальныя паштоўкі для матуль і бабуль.

Завяршыўся тыдзень працоўнага навучання, у ходзе якога вучні мелі магчымасць паказаць свае ўменні, праявіць сваю творчую фантазію, павучыцца новаму. За гэты час вучні паўдзельнічалі ў разгадванні крыжаванак, конкурсе юных майстроў “Зрабілі самі, сваімі рукамі”, творчай майстэрні “Разам сябруем – разам працуем”, выпуску віншавальных паштовак і выставах творчых работ. Таксама яны пазнаёміліся з многімі карыснымі прафесіямі, праглядзеўшы і абмеркаваўшы прэзентацыю «Фестываль прафесій”.

Шмат цікавага і пазнавальнага даведаліся пачаткоўцы, прыняўшы ўдзел у суботняй конкурснай праграме для дзяўчынак “Зорная гадзіна”, на якую ўсіх запрасіла Тарасава М. Б.

У сераду, 1 сакавіка, вучні школы сустрэліся з настаяцелем Свята-Мікалаеўскай царквы айцом Сергіем. Тэмай для абмеркавання стала пытанне ўжывання падлеткамі наркатычных рэчываў.

28 лютага класныя кіраўнікі школы наведалі інфармацыйную гадзіну на тэму «Падзеі  ў Рэспубліцы Беларусь», на якую ўсіх запрасіла класны кіраўнік 11 класа Менжынская Г. А.

З 27 лютага ў школе пачаўся тыдзень працоўнага навучання. Адкрыўся ён запрашэннем вучняў школы да ўдзелу ў конкурсах, гульнях, конкурсных праграмах, літаратурна-музычных кампазіцыях.

У першыя дні ўсіх запрасілі наведаць літаратурна-музычную кампазіцыю “Труд – дело чести, будь в труде на первом месте“,  выставу літаратуры “Свет прафесій”, конкурсныя праграмы “Беларускія гаспадынькі“ і “Супердзеткі”.

25 лютага ў СШ № 4 г. Пружаны прайшоў раённы этап рэспубліканскага конкурсу «Суперважаты» сярод важатых піянерскіх дружын. Дзякуючы падтрымцы агітбрыгады вучняў школы, пераможцам конкурсу ў намінацыі «Вопыт і майстэрства» стала Каляда А. Г.