Сакратар сельскай участковай камісіі Шаняўскага ўчастка №21 Талакнянік А.Я. сустрэлася з працоўным калектывам ДУА “Шаняўская СШ імя М.Засіма” з мэтай інфармавання аб зменах у рэжыме працы камісій у перыяд датэрміновага галасавання, аб колькасці бюлетэней кажнаму выбаршчыку, магчымасцях выезду камісіі на дом. Алена Яўгеньеўна акцэнтавала ўвагу прысутных аб забароне фота- і відэаздымання падчас галасавання.

Настаяцель Свята-Мікалаеўскай царквы в.Засімавічы айцец Сергій правёў сустрэчу з вучнямі 1-4 класаў, на якой шла размова аб значэнні праваслаўных свят у жыцці чалавека. Дзеці пазнаёміліся з некаторымі абрадамі, традыцыямі святкавання. Айцец Сергій нагадаў школьнікам, што вера павінна ісці ад самога чалавека, яго справы і дзеянні павінны ісці па царкоўных канонах, неабходна прытрымлівацца запаведзяў Божых. Рабята пазнаёміліся з жыццём і дзейнасцю Ефрасінні Полацкай, якая вельмі шмат зрабіла для сваёй Бацькаўшчыны.

Вучні 8 і 9 класаў наведалі Шаняўскі выбарчы ўчастак №21, дзе выконваючая абавязкі старшыні Шаняўскога сельскага савета Бяляева І.Р. пазнаёміла прысутных з ходам электаральнай кампаніі, алгарытмам работы сельскай і ўчастковай выбарчай камісій, перыядам датэрміновага галасавання, змяненнямі ў Выбарчым кодэксе Рэспублікі Беларусь. Будучым выбаршчыкам, якім праз некалькі гадоў споўніцца 18 і можна прымаць удзел у такіх важных для краіны мерапрыемствах, інфармацыя аб выбарах патрэбная, карысная і неабходная.

Вясёлыя школьныя гады ў кампаніі былых аднакласнікаў адзначаюць у першую суботу лютага. 3 лютага школа гасцінна адчыніла свае дзверы для ўсіх жадаючых. Выпускнікі школы сабраліся ў шумнай кампаніі, каб зноў успомніць свае школьныя будні. Сустрэчы з класнымі кіраўнікамі, былымі аднакласнікамі, успаміны пра гарэзлівыя перапынкі, карысныя і цікавыя паходы і экскурсіі, наведванне родных кабінетаў, дзе праляцелі гады дзяцінства і юнацтва – усё гэта было на вечары сустрэчы. Для выпускнікоў была арганізавана ўрачыстая праграма, дзе гучалі песні, танцы, нумары мастацкай самадзейнасці ў выкананні выпускнікоў-юбіляраў. Успаміны пра гады ў сценах роднай школы надоўга застануцца ў памяці кожнага.