Для вучняў 1-4 і 5-7 класаў прайшоў адзіны ўрок, прысвечаны Канстытуцыі Рэспублікі Беларусь
Вучні 1-4 і 5-7 класаў 15 сакавіка на адзіным уроку, прысвечаным Канстытуцыі Рэспублікі Беларусь, успомнілі асноўныя паняцці “закон”, “права”, “абавязак”, а яшчэ правы і абавязкі грамадзян, якімі яны павінны валодаць. Веды асноўных прынцыпаў і законаў дзяржавы дазваляюць нам быць адказнымі грамадзянамі, якія паважаюць сваю краіну. З цікавасцю дзеці адказвалі на пытанні, прымалі ўдзел у віктарыне, складалі гексы, што мела вялікае выхаваўчае ўздзеянне.
З 11 па 15 сакавіка 2024 года ва ўстанове адукацыі прайшоў тыдзень педагагічнага майстэрства
З 11 па 15 сакавіка 2024 года ва ўстанове адукацыі прайшоў тыдзень педагагічнага майстэрства, у ходзе якога вопытныя педагогі правялі для калег урокі па розных прадметах. Настаўнік вышэйшай кваліфікацыйнай катэгорыі Семянчук В.М. прапанавала ўвазе педагогаў урок у 6 класе па матэматыцы, настаўнік вышэйшай кваліфікацыйнай катэгорыі Тарасава М.Б. – урок у 3 класе па беларускай літаратуры, настаўнік вышэйшай кваліфікацыйнай катэгорыі Жырыкава Н.І. – урок у 4 класе па нямецкай мове, а настаўнік вышэйшай кваліфікацыйнай катэгорыі Коверзнева І.М. падзялілася вопытам правядзення ўрока матэматыкі ў 2 класе. Урокі атрымаліся яркімі, запамінальнымі, змяшчалі шмат нагляднага матэрыялу і даступныя для вучняў заданні. Прысутныя адзначылі прафесіяналізм і метадычную граматнасць у пабудове ўрокаў, даступнасць і разнастайныя формы і метады работы калег.
Адзіны ўрок, прысвечаны Дню Канстытуцыі Рэспублікі Беларусь, быў праведзены з вучнямі 8,9,11 класаў
З мэтай фарміравання ў вучняў 8,9,11 класаў прававой культуры, актыўнай грамадзянскай пазіцыі, разумення сутнасці і значэння Канстытуцыі Беларусі, павагі і выканання законаў нашай краіны 15 сакавіка ва ўстанове адукацыі быў праведзены адзіны ўрок, прысвечаны Дню Канстытуцыі Рэспублікі Беларусь. Старшыня Шаняўскога сельскага савета Бяляева І.Р., якая была госцем на адзіным уроку, у святочнай абстаноўцы ўручыла вучням, якім споўнілася 14 гадоў, падарункавае выданне “Я – грамадзянін Рэспублікі Беларусь”.
Национальный поисковый проект «Беларусь помнит. Помним каждого» реализуется в нашей стране
Прошли десятилетия, как закончилась Великая Отечественная война, но ее эхо до сих пор не затихает в людских душах. Мы не имеем права забывать ужасы этой войны, чтоб она не повторилась вновь. Мы не имеем права забывать тех солдат, которые погибли ради того, чтобы мы сейчас жили. С той военной поры и до сегодняшних дней до нас доходят истории о жизни людей в годы войны, о подвигах дедов и прадедов, детей войны. Люди передают их из уст в уста. Точные факты, даты, имена теряются, искажаются, забываются, а иногда просто не так формулируются. Но мы обязаны все помнить, чтобы эта беда не вернулась к нам вновь. Беларусь помнит и чтит подвиг павших и живых, известных и безымянных белорусов — солдат Великой Отечественной, партизан и подпольщиков.
Беларусь помнит миллионы граждан, угнанных в фашистское рабство, замученных в концлагерях и гетто, помнит тех, кто ковал Победу в тылу врага у станков и освобождал страну от немецко-фашистских захватчиков. Беларусь помнит и ценит Великую Победу, которая объединила и всегда будет объединять людей разных поколений от мала до велика, сколько бы времени ни прошло, помнит каждого без исключения защитника Отечества. Мы верны этой памяти, белорусы хранят ее в каждом доме, каждой семье. И молодое поколение не позволит переписать правдивую историю о той страшной войне и героизме наших прадедов, дедов и отцов.
Общественное объединение «Белорусская республиканская пионерская организация совместно с Учреждением Администрации Президента Республики Беларусь «Издательский дом «Беларусь сегодня» реализуют Национальный поисковый проект «Беларусь помнит. Помним каждого», который посвящен родным, близким и односельчанам, принявшим участие в Великой Отечественной войне 1941 −1945 годов, событиям и фактам о войне.
Цель проекта: восстановление и сохранение исторической памяти о героических подвигах, истории и судьбы каждого белоруса, внесшего свой вклад в освобождение страны и Великую Победу.
Задачи проекта:
- создать информационную базу историй и воспоминаний об участниках и событиях Великой Отечественной войны;
- развивать и совершенствовать поисково-исследовательскую деятельность в пионерских дружинах ОО «БРПО», организовать архивно-исследовательскую, поисковую работу по установлению и уточнению сведений о погибших в годы Великой Отечественной войны советских воинах, поиск родственников погибших;
- распространять лучшие практики патриотического воспитания, направленные на противодействие и фальсификации истории и признание ведущей роли советского народа в Великой Победе на основе собранных материалов;
- содействовать укреплению и развитию общенационального сознания, а также воспитанию у детей и подростков гордости за исторические достижения Беларуси и ее народа.
На первом этапе пионерские отряды будут проводить организацию архивно-исследовательской работы по установлению и уточнению сведений, фотографий о ветеранах Великой Отечественной войны, поиск их родственников, а также внесение этих данным в базу информационного портала.
https://storyofvictory.sb.by/startofwar
https://storyofvictory.sb.by/allsisters
https://storyofvictory.sb.by/childofwar
https://storyofvictory.sb.by/obeliski
Прафілактычная гутарка па прафілактыцы электрабяспекі ў школе і дома
Інспектар энерганадзора Сачко С.В. правёў для вучняў 4, 6 класаў прафілактычную гутарку па прафілактыцы электрабяспекі ў школе і дома. Інспектар нагадаў вучням правілы бяспечных паводзін пры сутыкненні з абарванымі правадамі на вуліцы, аказання першай медыцынскай дапамогі пры паражэнні электратокам, выкананне правіл пры надзвычайных сітуацыях.
Вучні 4,7, 8 класаў здзеснілі адукацыйную экскурсію ў “Ружанскі палацавы комплекс князёў Сапегаў”
У рамках вучэбных прадметаў “Чалавек і свет”, “Гісторыя Беларусі”, “Мастацтва” вучні 4,7, 8 класаў здзеснілі адукацыйную экскурсію ў “Ружанскі палацавы комплекс князёў Сапегаў”. Палацавы комплекс у Ружанах – адзін з унікальных куткоў Беларусі. На працягу стагоддзяў найпрыгажэйшы архітэктурны ансамбль, які называюць беларускім Версалем, належаў магутнай дынастыі Сапегаў. Ружанскі палац з’яўляецца адным з буйнейшых палацавых комплексаў Беларусі XVII—XVIII стст. Пабудаваны ў 1784—1786 гг. ў пераходным стылі ад барока да класіцызму. У адрэстаўраваным усходнім флігелі адчынены музей, прысвечаны гісторыі роду Сапегаў. Выстава паказвае дзейнасць Сапегаў, гісторыю мястэчка Ружанаў, помнікі архітэктуры таго часу. У заходнім флігелі знаходзіцца экспазіцыя прысвечаная гісторыі Ружан — галоўнай рэзідэнцыі рода Сапегаў, а таксама экспазіцыйны зал «Гасцёўня канцлера», дзе ў інтэр’ерах XVII—XVIII стагоддзяў праводзяцца тэатралізаваныя гістарычныя рэканструкцыі. Захапляюць і руіны Ружанскага палацу.
Віншуем пераможцаў абласнога конкурсу «Птушкі — нашы сябры»!
З мэтай прыцягнення ўвагі да праблем зімуючых відаў птушак, захавання іх колькасці і падтрымання відавай разнастайнасці, уключэння ў практычную дзейнасць па ахове прыроды, выхавання адказных адносін падрастаючага пакалення да праблем захавання птушак прайшоў абласны конкурс «Птушкі — нашы сябры», які праводзіцца ў рамках абласной акцыі «Падтрымаем птушак!». У намінацыі «Кармушка дабра» дыпломам ІІІ ступені галоўнага ўпраўлення па адукацыі Брэсцкага аблвыканкама ўзнагароджаны навучэнцы дзяржаўнай установы адукацыі «Шаняўская сярэдняя школа імя Міколы Засіма» Кот Яўгеній, Пекун Данііл, Раманавіч Анастасія і Бабей Ягор (кіраўнік Жэдзік Г.М.). Віншуем пераможцаў абласнога конкурсу «Птушкі — нашы сябры», які праводзіцца ў рамках абласной акцыі «Падтрымаем птушак!»
Са святам, паважаныя жанчыны!
Напярэдадні Міжнароднага жаночага дня традыцыйным у школе стаў канцэрт для настаўнікаў, работнікаў школы і дзяўчат. Сапраўдным падарункам да свята сталі песні, вершы, сцэнкі ў выкананні вучняў школы. Работнікі школы былі адзначаны Ганаровымі граматамі аддзела па адукацыі, а настаўнікі атрымалі сувеніры ў гонар жаночага дня. Увесь дзень у школе панаваў святочны настрой, які з самага ранку стварылі вучні і педагогі. Са святам, паважаныя жанчыны!
Дзень патрыятычнага, духоўна-маральнага выхавання
2 сакавіка прайшоў як дзень патрыятычнага, духоўна-маральнага выхавання. Гульнёвая праграма “З рога ўсяго многа” сабрала разам вучняў 1 – 4 класаў. Цікавыя конкурсы і гульні прынеслі малодшым школьнікам шмат задавальнення і руху. Вучні 5-7 класаў у рамках мерапрыемстваў занальнага цэнтра для вучняў Ліноўскай, Слабудскай і Шаняўской СШ прайшлі квэст «Цяжка ў вучэнні — лёгка ў баі». Каманды спаборнічалі ў спрытнасці, хуткасці і кемлівасці. А старшакласнікі прынялі ўдзел у квэст-гульні «Брэсцкая вобласць. Я тут жыву», у ходзе якой павінны былі скласці раёны Брэсцкай вобласці разам, выбраць прадукцыю прамысловых прадпрыемстваў, назваць помнікі архітэктуры і вядомых спартсменаў. Для некаторых інфармацыя была новай і пазнаваўчай.
