У ходзе Адзінага ўрока, прысвечанага Дню Канстытуцыі,  вучні старэйшых класаў ўспомнілі артыкулы Канстытуцыі Рэспублікі Беларусь і паспрабавалі звязаць іх з уласным жыццёвым вопытам. На занятку дзецям  было прапанавана разгадаць тэматычную крыжаванку, прагледзець відэасюжэт «Канстытуцыя Рэспублікі Беларусь», створаны Нацыянальным цэнтрам заканадаўства і прававой інфармацыі. Асноўнымі змястоўнымі лініямі сталі структура і змест Канстытуцыі, правы і абавязкі грамадзян краіны, а таксама змяненні і дапаўненні Канстытуцыі, унесеныя па выніках рэспубліканскага рэферэндуму 2022 года. Разважаючы над гэтымі пытаннямі, дзеці прыйшлі да высновы пра важнасць Канстытуцыі для забеспячэння раўнапраўя грамадзян і ўсеагульнай неабходнасці яе захавання для забеспячэння парадку і законнасці ў дзяржаве.

Вучні пачатковых класаў сталі ўдзельнікамі Адзінага ўрока, прысвечанага Дню Канстытуцыі. Мэтай Адзінага ўрока з’яўляецца фарміраванне ў вучняў актыўнай грамадзянскай пазіцыі на аснове разумення сутнасці і значэння Канстытуцыі Беларусі, гатоўнасці свядома выконваць грамадзянскія абавязкі. Асноўны этап урока сканструяваны на аснове прэзентацыі «Канстытуцыя — асноўны закон Рэспублікі Беларусь». Вучні абмяркоўвалі правы і абавязкі грамадзян краіны, раздзелы Канстытуцыі. Урок спрыяў развіццю грамадзянскасці і патрыятызму ў вучняў, любові да Радзімы і яе сімвалам.

Да Дня Канстытуцыі традыцыйна арганізуецца ўсебеларуская акцыя «Мы — грамадзяне Беларусі!», да якой далучаецца кожны раён Беларусі. У акцыі, арганізаваным Пружанскім райвыканкамам 14 сакавіка, прыняла ўдзел вучаніца 9 класа Рамановіч Анастасія. Старшыня раённага Савета дэпутатаў Кудравец М.П. уручыў Анастасіі першы пашпарт грамадзянкі Беларусі з пажаданнямі пацведзіць урачыстасць такога мерапрыемства добрымі справамі на карысць краіны.

У рамках рэалізацыі плана праекта “Тэрыторыя лідараў” напярэдадні Дня Канстытуцыі РБ старшыня Савета піянерскай дружыны імя М.Казея ДУА “Шаняўская сярэдняя школа імя М.Засіма” Ганчарук Ангеліна правяла інфахвілінку “Нашы сімвалы – наш гонар”.  Канстытуцыя Рэспублікі Беларусь з’яўляецца асноўным законам краіны, замацоўвае духоўныя традыцыі і каштоўнасці дзяржавы.

Напярэдадні Дня Канстытуцыі ва ўстанове адукацыі прайшлі інфармацыйныя і класныя гадзіны, прысвечаныя гэтай падзеі. Канстытуцыя Рэспублікі Беларусь з’яўляецца ядром прававой сістэмы краіны, а таксама замацоўвае духоўныя традыцыі і каштоўнасці дзяржавы. Разнайстайныя па форме і змесце мерапрыемствы спрыялі развіццю грамадзянскасці і патрыятызму ў вучняў, любові да Радзімы і яе сімвалам.