З 10 па 14 сакавіка ў школе праводзіўся метадычны тыдзень “Майстэрства і пошук”. Настаўнікі абмяняліся вопытам па тэме “Стварэнне псіхалагічнага камфорту: праблемы і знаходкі”.

   Са сваімі напрацоўкамі па тэме “Выкарыстанне Інтэрнэт-рэсурсаў у адукацыйным працэсе” падзяліліся з калегамі ў ходзе семінару Жырыкава Н.І., Дзенісюк В.М., Бяляева І.Р.

  Настаўнікі школы мелі магчымасць пазнаёміцца з навінкамі метадычнай літаратуры “Вучоныя — педагогам”, наведаць адкрытыя ўрокі ў сваіх калег Арабей А.Я. і Коверзневай І.М.

   Заключным мерапрыемствам тыдня была прэзентацыя педагагічных знаходак “Маё педагагічнае крэда”. 

     Напярэдадні Дня Канстытуцыі Рэспублікі Беларусь у школе прайшлі шматлікія мерапрыемствы, прысвечаныя гэтай знамянальнай даце.

     Гасцямі школы ў гэтыя дні сталі прадстаўнікі мясцовай улады, члены выбарчай камісіі па выбарах дэпутатаў мясцовых Саветаў, прадстаўнікі ААТ “Шані-аграпрадукт”.

       Інфармацыйныя гадзіны, сустрэчы, гадзіны-роздумы, выставы і прэзентацыі былі аб’яднаны адзінай тэмай.

     На ўсіх мерапрыемствах вялася сур’ёзная размова аб дасягненнях не толькі Беларусі ў цэлым, а найперш нашага раёна. Тэматычныя блокі “Наш край – наш гонар”, “Пружаншчына развіваецца”, “Сённяшні дзень “Шані-аграпрадукт” прадставілі як самі вучні, так і прадстаўнік планава-эканамічнай службы ААТ “Шані-аграпрадукт” І. Б. Страдомская.

     Цікавай і змястоўнай была сустрэча старшакласнікаў з кандыдатам у дэпутаты Шаняўскога сельскага Савета, эканамістам ААТ “Шані-аграпрадукт”, выпускніцай школы Талакнянік А. Я.

     Аб асаблівасцях правядзення выбарчай кампаніі расказала член выбарчай камісіі А. М. Ярмашэвіч.

     З цікавасцю вучні пазнаёміліся з выставай “Чым можа ганарыцца Пружаншчына”.

   Пяцікласнікі пад кіраўніцтвам А. В. Вашчук паразважалі над пытаннем “Колькі каштуе бясплатна?”

     У гонар свята будынак школы расквеціў Дзяржаўны Сцяг Рэспублікі Беларусь.

Святкуем Дзень Канстытуцыі разам!

      Святочны настрой панаваў у школе 7 сакавіка. Для сваіх настаўнікаў, матуль, бабуль, сястрычак, сябровак  вучні падрыхтавалі святочны канцэрт.  У выкананні вучняў пачатковых класаў гучалі песні, вершы. Удзельнікамі драматычнага гуртка арганізавана пастаноўка казкі «Сказка о мёртвой царевне и о семи богатырях». 

      Згодна з планам пасяджэння МА класных кіраўнікоў 6 сакавіка было праведзена пасяджэнне клуба «Здаравічок». Пры правядзенні мерапрыемства класны кіраўнік Тарасава М. Б. пазнаёміла навучэнцаў з асноўнымі фактарамі, якія ўздейнічаюць на арганізм чалавека. Займальныя заданні, фізічныя практыкаванні і інш. садзейнічалі далучэнню пачаткоўцаў да здаровага ладу жыцця.

      На мінулым тыдні вучні нашай школы прымалі актыўны ўдзел у конкурсе дзіцячых малюнкаў «Адпачынак у вёсцы». Імі падрыхтаваны работы «Сонейка ў акенцы» і «Лета на любы густ». Чакаем падвядзення вынікаў конкурсу!

      Падведзены вынікі раённага этапу конкурсу «Выратавальнікі вачыма дзяцей». Сярод пераможцаў у намінацыі «малюнак» вучаніца 8 класа нашай школы Бова Кацярына.

Віншуем, Каця!

Далейшых табе поспехаў!

    З 24 лютага па 01 сакавіка ў школе прайшоў тыдзень матэматыкі. Пачаўся ён з агульнашкольнай лінейкі, на якой настаўнікі матэматыкі пазнаёмілі з планам тыдня, вучні праінсцэніравалі матэматычныя міні-сцэнкі, прачыталі вершы.

      На працягу тыдня вучні ўдзельнічалі ў разнастайных мерапрыемствах.

    Вучні 5, 6, 7  класаў прынялі ўдзел у гульні «Брэйн-рынг» і конкурснай праграме «Матэматычнае кафэ».

      Старшакласнікі спаборнічалі і ў інтэлектуальнай гульні «Свая гульня».

      Вучняў пачатковых класаў запрасілі на гульнёвую праграму «Востраў скарбаў» і «Свята першага дзясятка».

      Пярвічная арганізацыя ГА «БРСМ» нашай школы ў гэтым годзе папоўнілася 7 новымі членамі.

          На сходзе пярвічнай арганізацыі членскія білеты ім уручылі дырэктар школы А. М. Ярмашэвіч і сакратар пярвічкі В. Бармута.

        У адрас «навічкоў» прагучалі словы віншаванняў і пажаданняў поспехаў у вучобе і актыўнай грамадзянскай дзейнасці.

      26 лютага ў школе праводзіліся мерапрыемствы, прысвечаныя алімпійцам-2014.

      Вучні кожнага класа ўдзельнічалі ў конкурсе сачыненняў «Маё пісьмо алімпійцу».

      У конкурсе дзіцячых вырабаў «Мой падарунак алімпійцу» удзельнічалі як самыя старэйшыя вучні, так і пачаткоўцы.

  Імі падрыхтаваны работы ў тэхніцы «дэкупаж», жывапіс, аплікацыя, бісерапляценне, арыгамі, работы з пластыліну.

       У час веснавых канікул у школе дзейнічае працоўны атрад, у склад якога ўвайшлі вучні 10 класа. Пяцёра хлопчыкаў і дзяўчынак працуюць па добраўпарадкаванні прышкольнай тэрыторыі.

   Членамі працоўнага атрада будзе высаджана каля сотні дэкаратыўных кустарнікаў, расада шматгадовых і аднагадовых кветак.