Двойчы ў тыдзень па серадах і пятніцах вучні школы змогуць наведаць заняткі па плаванні. Першы заезд старшакласнікаў у гэтым навучальным годзе у Водны палац г. Пружаны адбыўся 11 кастрычніка.

      У школе прайшоў педагагічны кансіліум па тэме «Пераемнасць у навучанні паміж пачатковай школай і сярэднім звяном». Настаўнікамі былі выпрацаваны рэкамендацыі па рабоце з вучнямі 5 класа.

     5 кастрычніка група педагогаў школы была запрошана на раённае свята, прысвечанае Дню настаўніка. На свяце ўшаноўваліся лепшыя педагогі раёна. Цёплыя і шчырыя словы прагучалі пра педагагічныя дынастыі, сярод якіх  дынастыя Якімавец — Грышкевіч — Пасько. Прыемным сюрпрызам стала ўзнагароджанне школы ў намінацыі «Школа — наш утульны дом» акустычнай мультымедыйнай сістэмай, сродкі на якую выдаткавалі нашы шэфы — ААТ «Шані-аграпрадукт».

     Напярэдадні Дня настаўніка члены атрада «Міласэрнасць» павіншавалі са святам былых настаўнікаў пенсіянераў Салапура Я. М., Сцяпанаву М. М., Петруковіч Т. У. і Петруковіча М. М.

      А школьнае свята, прысвечанае Дню настаўніка, было падрыхтавана сумеснымі намаганнямі работнікаў сельскага клуба і школьных гурткоў творчай накіраванасці. На свяце гучалі цудоўныя словы падзякі настаўнікам, душэўныя песні ў выкананні Таццяны Кабрынец, Наталлі Чэчка і вучняў школы. 

      Настаўніца нямецкай мовы Н. І. Жырыкава атрымала Ганаровую грамату аддзела адукацыі за шматгадовую добрасумленную працу.

      Вучні старэйшых класаў удзельнічалі ў працоўным дэсанце па нарыхтоўцы бульбы для школьнай сталоўкі.

      Бульба нарыхтавана і для патрэб сталовай ААТ “Шані-аграпрадукт”, а таксама адзінокіх жыхароў сельсавета. 

      Да Дня састарэлых людзей праводзілася акцыя “Дабрыня”. Піянеры, члены атрада “Міласэрнасць” наведалі адзінока пражываючых былую настаўніцу – пенсіянерку Сцяпанаву М. М. і Бабрук Н. А., якая з’яўляецца малалетнім вязнем фашызму.

Поздравим всех учителей
Мы с праздником сегодня.
Призвание – учить детей,
Нет дела благородней.
Ваш выбор жизненный таков,
И вы не можете иначе,
Хороших вам учеников,
Здоровья, счастья и удачи!

      Свята “Пасвячэнне ў вучні” прайшло ў першакласнікаў. Да іх у госці завітаў сам Доктар Айбаліт, які даў вучням слушныя парады.

      Свята прайшло ў форме падарожжа па школьных прадметах. Кожны ўдзельнік свята атрымаў невялікі падарунак.

28 верасня для вас прапануюцца наступныя мерапрыемствы:

Дзень правазнаўства

10.00 — 11.00  

Конкурсная праграма “Прававы эрудыт” (1 — 4 кл.)

10.00 — 11.00  

Прававы  конкурс “Юны дэтэктыў” (5 — 7 кл.) 

10.00 — 11.00

Літаратурная гадзіна “Непрыдуманыя  гісторыі аб прыгажосці чалавечых учынкаў”  

(8 — 11 кл.)

13.00 — 14.00  

Прававы клуб гульні “У свеце правоў чалавека” (5 — 11 кл.)

      23 верасня ў школе праводзіўся адзіны дзень інфармавання, прысвечаны 70-годдзю вызвалення Беларусі ад нямецка-фашысцкіх захопнікаў. Члены лектарскай групы сумесна з настаўнікам гісторыі Якімавец С. А. падрыхтавалі для вучняў шмат цікавай і пазнавальнай інфармацыі.