У правядзенне традыцыйнага месячніка па добраўпарадкаванні  актыўна ўключыліся вучні, настаўнікі і тэхперсанал школы.

      Прыбрана тэрыторыя плошчай больш за 4 га.

      Устаноўлены тэрміны і месцы правядзення цэнтралізаванага тэсціравання ў 2013 годзе.

      Усю неабходную інфармацыю аб правядзенні ЦТ у Брэсце вы зможаце знайсці, адкрыўшы дакументы Рэгістрацыя,  Графік і пункты правядзення ЦТ.

      Перамогу ў  алімпіядзе па гісторыі святкавала вучаніца 7 класа Вярэніч Кацярына, якую падрыхтавала настаўніца гісторыі і грамадазнаўства Якімавец Святлана Аляксандраўна.

       З дыпломамі ІІІ ступені вярнуліся Вашчук Кірыл (6 клас) і Несцяровіч Ксенія (4 клас), якія ўдала выступілі на алімпіядах па гісторыі і рускай мове адпаведна.

      5 красавіка вучні 10 — 11 класаў прынялі ўдзел у кірмашы «Скарбы роднага краю», які завяршыў тыдзень геаграфіі.

      Нацыянальны каларыт мерапрыемства быў дасягнуты не толькі пры дапамозе адмысловага ўпрыгожання залы ручнікамі і выцінанкамі, але і пры дапамозе непадробнай акцёрскай гульні вядучых. Змітрок, Васіль і Несцерка на працягу ўсяго мерапрыемства запальвалі цікавасць абедзвюх каманд. Вучні мелі магчымасць не толькі праверыць свае веды па геаграфіі, адгадаць загадкі, успомніць беларускія песні, але і самі дэкламавалі вершы пра родны край. Па выніках гульні абедзве каманды былі ўзнагароджаны дыпломамі адпаведнай ступені.

      2 красавіка вучні 7 — 8 класаў здзейснілі «Геаграфічны круіз». Яны наведалі востраў Прыказак і прымавак, Аўтамабіляў, Кулінарыі і інш. На кожным з астравоў выконвалі разнастайныя геаграфічныя заданні: складзі геаграфічную анаграму, адгадай геаграфічны тэрмін, назаві адным словам геаграфічныя аб’екты, складзі прыказку з геаграфічнымі назвамі і інш. Абедзве каманды набралі аднолькавую колькасць балаў. У выніку перамагла дружба! Віншуем!

      З 1 па 6 красавіка ў школе праходзіць тыдзень геаграфіі, які пачаўся з агульнашкольнай лінейкі.

Вучні 9 — 11 класаў удзельнічалі ў абмеркаванні прэзентыцыі «Глабальныя праблемы чалавецтва».

      З 27 па 29 сакавіка для вучняў школы была арганізавана экскурсія ў Полацк.

      Школьнікам, настаўнікам і бацькам, якія суправаджалі дзяцей, была прапанавана разнастайная і цікавая экскурсійная праграма па памятных мясцінах славутага горада.

      У Спасаўскім храме вучні змаглі ўбачыць фрэскі XII стагоддзя, пакланіцца абразу Еўфрасінні Полацкай, пазнаёміцца з гісторыяй жыцця асветніцы.

      З 10 студзеня па 22 сакавіка вучні школы ўдзельнічалі ў раённай акцыі «Дапаможам крылатаму сябру».

      У ходзе акцыі вучнямі школы было выраблена і развешана на тэрыторыі школы 29 новых кармушак. На працягу ўсяго зімовага перыяду ажыццяўляліся падкормка птушак  і назіранне за імі. Праведзены шматлікія інфармацыйна-массавыя мерапрыемствы: конкурс кармушак, конкурс міні-сачыненняў, конкурс фотаздымкаў,  пазнавальная гадзіна «Птушкі вакол нас» і інш.  А закончылася акцыя святкаваннем Міжнароднага дня птушак. Удзельнікамі гуртка «Эколагі-краязнаўцы» пад кіраўніцтвам Дзенісюк В. М. падрыхтаваны фотарэпартаж аб правядзенні акцыі, які накіраваны для ўдзелу ў раённым конкурсе.

      З дыпломам 2 ступені вярнулася з раённай канферэнцыі вучэбна-даследчых работ «З навукай — у будучае» вучніца 10 класа нашай школы Бармута Вераніка, якая падрыхтавала работу па беларускай філалогіі.

      Віншуем Вераніку і яе кіраўніка Зорко І. А. з паспяховым выступленнем!

      З 11 па 15 сакавіка ў школе праходзіў фестываль метадычных аб’яднанняў.

      У першы дзень метадычнага фестывалю прадстаўнікамі школьных метадычных фарміраванняў была прапанавана панарама ўрокаў пад дэвізам «Вучу вучыцца», у ходзе якой яны паказалі фрагменты ўрокаў па фарміраванні  агульнавучэбных уменняў і навыкаў.