З мэтай прыцягнення моладзі да алімпійскага руху, далучэння да ідэалаў і каштоўнасцей алімпізму, прапаганды алімпійскага руху праводзіўся раённы конкурс вымпелаў на тэму «Зімовыя Алімпійскія гульні «Сочы-2014» і «Чэмпіянат свету па хакеі «Мінск-2014». У намінацыі  «Чэмпіянат свету па хакеі «Мінск-2014»  перамог  вучань нашай школы Бяляеў Яўгеній.

              Віншуем!

              31  снежня  вучні і педагогі школы сталі ўдзельнікамі святочнай навагодняй праграмы ў сельскім клубе.

             Казачныя героі ў выкананні Н. Радзіончык, І. Бяляевай, вядучая М. Вашчук парадавалі шматлікіх  гасцей свята.  Песні ў выкананні юных спевакоў  успрымаліся на «ўра».

Дарагія вучні, настаўнікі, паважаныя бацькі і госці нашага сайта!

       Апошнія дні года заўсёды напоўнены светлымі надзеямі і чаканнямі. Няхай жа Новы год ажыццявіць вашы запаветныя мары, прынясе толькі радасныя і шчаслівыя дні. Няхай удача і поспех заўсёды будуць вашымі спадарожнікамі. Моцнага вам здароўя, душэўнага спакою, дабрабыту, светлага і радаснага свята.

            Вясёлым і захапляльным быў ранішнік «Чароўны Новы год». Малодшыя школьнікі сустрэліся не толькі з Дзедам Марозам і Снягуркай, але і з Ноччу, Месяцам, Ветрам, Снегавіком і іншымі казачнымі героямі. Танцы, гульні, карагоды… Для суму не было месца.

           Навагодні вечар, падрыхтаваны ўдзельнікамі драматычнага гуртка, стаў сапраўдным святам для старшакласнікаў. Яркія інтэрмедыі, розыгрышы, конкурсы захапілі ўсіх. Свята стварылі самі.

             Напярэдадні Новага года ў школе праведзена КТС «Майстэрня Дзеда  Мароза». Вынік яе работы — святочнае ўбранне вокнаў школы.

                Днямі завяршыўся школьны конкурс «Малады настаўнік», у якім прынялі ўдзел 4 маладыя педагогі школы.

             Пераможцай конкурсу стала настаўніца фізічнай культуры Капіца Ірына Cяргееўна.

                                                      Віншуем з перамогай !!!

             Завяршыўся другі этап  рэспубліканскай алімпіяды па вучэбных прадметах, у якім прынялі ўдзел 10 вучняў школы.

           Вучаніца 11 класа  Радзіончык Наталля заваявала Дыплом 1 ступені па грамадазнаўстве (настаўнік С. А. Якімавец) і Дыплом 2 ступені па беларускай мове (настаўнік А. М. Ярмашэвіч).

        Дыпломам 3 ступені ўзнагароджана вучаніца 10 класа Макарук Ганна, якая ўдала выступіла на алімпіядзе па абслугоўваючай працы (настаўнік  В. С. Ханіла).

Віншуем!!!

            26 кастрычніка прайшла аперацыя «Чысты двор». Дружная і зладжаная праца вучняў і настаўнікаў —  і школьны двор сапраўды стаў чыстым…

           20 кастрычніка група вучняў школы наведала Мірскі і Нясвіжскі замкі.  Архітэктурныя комплексы ўразілі школьнікаў сваёй веліччу і прыгажосцю, а   праведзеныя экскурсіі былі надзвычай цікавымі і пазнавальнымі.  Перапоўненыя эмоцыямі, вучні вярнуліся ў школу.   Сваімі ўражаннямі яны дзяліліся з астатнімі вучнямі.  Па просьбе навучэнцаў арганізуецца яшчэ адна экскурсія ў Мір і Несвіж, якая будзе праведзена сумесна з вучнямі  Шчарчоўскай СШ. Дата правядзення экскурсіі — 03.11.2012 г. Ад’езд ад будынка школы ў 06.30.