Прэзентацыя кнігі «Генацыд беларускага народа ў гады Вялікай Айчыннай вайны»
Кіраўнік па ваенна-патрыятычным выхаванні Пекун Н.А. правяла для вучняў 5-6 класаў прэзентацыю кнігі «Генацыд беларускага народа ў гады Вялікай Айчыннай вайны». У кнізе сабраны ўспаміны дзяцей, чыё дзяцінства прыйшлося на ваенныя гады, архіўныя фатаграфіі. Асаблівая ўвага надаецца дзяржаўнай палітыцы ў галіне захавання гістарычнай памяці аб тых страшных падзеях. На старонках выдання навучэнцы пазнаёміліся з актуальнымі звесткамі, атрыманымі ў ходзе расследавання Генеральнай пракуратурай Рэспублікі Беларусь крымінальнай справы аб генацыдзе беларускага народа. Дзеці прыйшлі да высновы, што гэты вучэбны дапаможнік з’яўляецца крышталёва чыстай крыніцай гістарычнай праўды, якая фарміруе культурную і нацыянальную ідэнтычнасць беларусаў.
Школа Актыўнага Грамадзяніна «Маладосць — час выбару. Што можа БРСМ?»
Вучні ўспомнілі гісторыю стварэння, мэты і задачы, якія стаяць перад ГА «БРСМ», пагаварылі аб магчымасцях развіцця і самарэалізацыі членаў арганізацыі, дзейнасці Рэспубліканскага савета працоўнай моладзі і пераканаліся: лёс нашай краіны, развіццё Беларусі залежыць ад кожнага з нас. ГА «БРСМ» прадастаўляе магчымасці маладым людзям для самарэалізацыі і для рэалізацыі ініцыятыў , накіраваных на ўдасканаленне розных сфер жыццядзейнасці беларускага грамадства.
Анонс суботы 30 лістапада
30 лістапада для вас прапануюцца наступныя мерапрыемствы:
Дзень школьных традыцый
9.00-9.45 Творчы бум «Чароўная казка на вокнах» (1-4 класы)
Месца правядзення — кабінет №4
Адказны Коверзнева І.М.
9.55 -10.40 Конкурсна-гульнёвая праграма «Давайце жыць дружна!» (5-7 класы)
Месца правядзення — кабінет №7
Адказны Семянчук В.М.
9.55 — 10.40 Студыя творчых спраў «Выцінанкі на вокнах» (8-9 класы)
Месца правядзення — школа
Адказны Каляда А.Г.
МНС нагадвае:
✅ не пакідаць дзяцей без нагляду!
✅ схавайце запалкі і іншыя запальныя прадметы ў недаступнае для дзяцей месца;
✅ растлумачце базавыя правілы бяспекі і, да чаго можа прывесці свавольства з агнём;
✅ раскажыце правілы паводзін пры пажары (не панікаваць, не хавацца, не спрабаваць выратаваць свае цацкі, а адразу выбягаць з хаты на вуліцу і клікаць на дапамогу дарослых) і як карыстацца тэлефонам;
✅ вывучыце з дзіцём тэлефоны МНС — 101 і 112.
Насустрач выбарам-2025
26 лістапада 2024 года ў ДУА «Шаняўская сярэдняя школа імя Міколы Засіма» для вучняў 6-10 класаў была праведзена інфармацыйная гадзіна на тэму «Выбары Прэзідэнта Рэспублікі Беларусь: будучыня залежыць ад нас» Старшыня Шаняўского сельвыканкама І.Г. Бяляева абмеркавала з навучэнцамі парадак правядзення выбараў, выбарчай кампаніі. Ірына Рыгораўна адзначыла, што для кожнага беларуса вельмі важна прыняць удзел у выбарах, тым самым прадэманстраваць згуртаванасць беларускага народа і вернасць палітычным традыцыям.
Задумайся!
Можна колькі заўгодна глядзець відэа і думаць, што гэта «не пра мяне», «я не такі», а потым зваліцца ў гэтую чорную яму, з якой няма выйсця, а ёсць толькі ўваход — у месцы пазбаўлення волі.
Проста думай пра гэта!
Падумай пра гэта тады, калі будзеш шукаць хуткую працу, спадзеючыся на «авось». Проста падумай пра гэта тады, калі сыходзячы з хаты, каб кінуць закладку ў лесе, ты ўсміхнешся маці. Бо гэтая ўсмешка для яе можа быць апошняй у доўгай чарадзе трагедыі і гора, якія могуць яе чакаць.
Выбар твой і толькі твой.
14 лістапада 2024 года запушчаны рэспубліканскі сацыяльны праект па падтрымцы спорту і здаровага ладу жыцця «Супер лібера»
Мэта праекта- уцягванне як мага большай колькасці дзяцей, падлеткаў і моладзі ў рэгулярныя фізкультурна-спартыўныя заняткі, папулярызацыя здаровага ладу жыцця і актыўнага адпачынку. Арганізатарам конкурсу з’яўляецца рэспубліканскае дзяржаўна-грамадскае аб’яднанне «Прэзідэнцкі спартыўны клуб» пры садзейнічанні грамадскага аб’яднання «Беларуская федэрацыя валейбола», Міністэрства спорту і турызму Рэспублікі Беларусь і Міністэрства адукацыі Рэспублікі Беларусь. Правілы аб рэалізацыі праекта і забеспячэння ўдзелу ў ім навучэнцаў і студэнтаў, афішы праекта для размяшчэння ў сацыяльных сетках даступныя на сайце Прэзідэнцкага спартыўнага клуба www.sportclub.by у раздзеле Праекты-Супер лібера-Дакументы-Банеры.
