30 мая ў школе праводзілася агульнашкольнае спартыўнае свята  Дзень алімпійца. У ім прымалі ўдзел вучні 1-10 класаў. Пастраенне ўсіх класаў адбылося на пляцоўцы перад школай, затым настаўнік фізкультуры Ціхановіч Я. Д. далажыў дырэктару аб гатоўнасці школы да ўдзелу ў спаборніцтвах. Лепшымі спартсменамі нашай школы на лінейку былі вынесены алімпійскі сцяг і агонь. Пад гімн Рэспублікі Беларусь і гімн школы былі падняты Дзяржаўны і алімпійскі сцягі, затым усе адправіліся на стадыён.

Спаборніцтвы праводзіліся па ўзроставых групах. Змагацца было вельмі цяжка, але як заўсёды самае прыемнае — гэта калі  ўзнагароджваюць пераможцаў. А пераможцаў было шмат.

28 мая вучні 5 класа разам са сваім класным кіраўніком Граб В. М. і бацькамі наведалі сядзібна-паркавы комплекс, які быў узведзены шляхціцамі Дзяконскімі ў XIX стагоддзі ў в.Каштанаўка. Вучні даведаліся аб тым, што комплекс складаецца з трох збудаванняў, якія маюць статус гісторыка-культурнай каштоўнасці і інш.

30 мая для навучэнцаў школы празвінеў апошні званок, які абвясціў аб заканчэнні навучальнага года.

Апошняя лінейка школьнага года заўсёды асаблівая, бо асаблівыя пачуцці, якія перапаўняюць і вучняў, і настаўнікаў, і бацькоў.

Лепшым вучням ад гаспадаркі былі ўручаны грашовыя прэміі, шматлікія граматы атрымалі вучні і педагогі за ўдзел у інтэлектуальных і творчых конкурсах, за перамогі ў спартыўных спаборніцтвах, а таксама пісьмы падзякі самым актыўным бацькам і настаўнікам.

Прачулым і пачуццёвым стала выступленне выпускнікоў 9 класа.

У школе арганізавана выстава творчых работ навучэнцаў.

У адпаведнасці з арт. 158 Кодэкса Рэспублікі Беларусь аб адукацыі працягласць навучальнага года ўстанаўліваецца з 1 верасня па 1 чэрвеня.

Загадам Міністэрства адукацыі Рэспублікі Беларусь ад 12.04.2016 № 134 «Аб правядзенні ў 2016 годзе ўрачыстых мерапрыемстваў «Апошні званок» і «Выпускны вечар» вызначана дата правядзення дадзеных мерапрыемстваў — 30 мая для навучэнцаў IX і XI класаў. Апошні дзень вучэбных заняткаў — 31 мая для навучэнцаў I — XI класаў.

20 мая 2016 года ў вялікай зале пасяджэнняў Пружанскага райвыканкама  адбыўся раённы сход упаўнаважаных па вылучэнні кандыдатур і абранні ўдзельнікаў V Усебеларускага сходу.

Ад Пружаншчыны на ўсебеларускі форум, які адбудзецца 22-23 чэрвеня, у Мінск паедуць 13 прадстаўнікоў, у тым ліку і наш дырэктар Ярмашэвіч Алена Мікалаеўна.

З 23 па 28 мая ў школе праводзіцца тыдзень барацьбы з пажарамі ад дзіцячага свавольства з агнём. Запрашаем вучняў прыняць удзел у правядзенні конкурсаў, віктарын, сустрэч з прадстаўнікамі Пружанскага РАНС, раённых грамадскіх аб’яднанняў.

21 мая актыў піянерскай дружыны нашай школы прыняў удзел у VII раённым злёце прадстаўнікоў ГА «БРПА». Злёт быў прысвечаны Дню піянерскай дружбы і прымеркаваны 25-годдзю БРПА, 75-годдзю з дня ўтварэння цімураўскага руху, выхаду на экран мастацкага фільма «Цімур і яго каманда».