На падставе ліста ўпраўлення адукацыі ад 06.04.2016 №16/04 і ў мэтах правядзення інфармацыйна — тлумачальных мерапрыемстваў з вучнямі і іх законнымі прадстаўнікамі па правілах бяспечных паводзін, выхаванню культуры бяспекі жыццядзейнасці, прафілактыцы дзіцячага траўматызму Беларускае рэспубліканскае ўнітарнае страхавое прадпрыемства «Белдзяржстрах» сумесна з Міністэрствам адукацыі Рэспублікі Беларусь у перыяд з красавіка 2016 па чэрвень 2016 праводзіць чарговую штогадовую акцыю «Белдзяржстрах – дзецям».
   Мэта акцыі – давядзенне інфармацыі аб страхаванні да грамадзян і забеспячэнне максімальнага ахопу добраахвотным страхаваннем як дзяцей, так і дарослых.

   Страхаванне не зберажэ ад непрыемнасцяў і не пазбавіць ад іх наступстваў, але стаць рэальнай матэрыяльнай падтрымкай або проста дадатковым прыбыткам, які можна накіраваць на падтрыманне здароўя, можа. Застрахаваць можна дзяцей, сябе і сваіх блізкіх ад удараў і траўмаў, пераломаў і раненняў, апекаў і адмаражэнняў, атручванняў хімічнымі рэчывамі і саставамі, лекамі і грыбамі, ядамі насякомых і змей з прычыны іх укусаў і іншых няшчасных выпадкаў. Страхавым выпадкам з’яўляецца прычыненне шкоды жыццю і здароўю ў выніку ўпершыню выяўленага ў перыяд дзеяння дагавору страхавання захворвання.
   Дзіцячы страхавы поліс тэрмінам дзеяння адзін год пры страхавой суме 20, 0 мільенаў рублеў каштуе ад 150 да 250 тысяч рублеў. Акрамя таго, Белдзяржстрахам прадугледжаны шэраг зніжак.

З 29 чэрвеня па 02 ліпеня 2016 года ў Брэсце будзе праходзіць МІЖНАРОДНЫ ФЕСТЫВАЛЬ—КОНКУРС ДЗІЦЯЧАЙ І МАЛАДЗЕЖНАЙ ТВОРЧАСЦІ «ДЗЕЦІ ПЛАНЕТЫ». Разам збіраюцца творчыя і неабыякавыя людзі з мэтай дапамагчы юным артыстам праявіць сябе, павысіць свой выканальніцкі ўзровень, атрымаць каштоўныя парады вопытных выкладчыкаў, музыкаў, кампазітараў, вакалістаў, паэтаў, харэографаў, пачуць і ўбачыць выступленні сваіх аднагодкаў з розных гарадоў і краін.

ЗАСНАВАЛЬНІКІ І АРГАНІЗАТАРЫ ФЕСТЫВАЛЮ:
Міжнароднае Грамадскае Аб’яднанне «Дабрачыннасць дзецям», Брэст, Беларусь. Брэсцкі гарвыканкам. ГУ Брэсцкі гарадскі цэнтр культуры, Брэст, Беларусь. Брэсцкі акадэмічны тэатр драмы імя Ленінскага камсамола Беларусі. Турыстычнае агенцтва «ATIR», Брэст, Беларусь. Брэсцкі дзяржаўны універсітэт імя А. С. Пушкіна.

НАМІНАЦЫІ ФЕСТЫВАЛЮ-КОНКУРСУ:
• Харэаграфія
• Вакал
• Інструментальная музыка
• Мастацкае чытанне.
• Ансамблі песні і танца.
• Тэатры эстраднага майстэрства.

• Драматычны тэатр
• Мюзікл
• Тэатр мімікі і жэсту
• Тэатр мод
• Лялечны тэатр
• Прэм’ера дзіцячай песні

Больш інфармацыі можна атрымаць на сайце www.chtoch.org

   У суботу, 16 красавіка, у школе прайшоў дзень навукі. Вучні пачатковых класаў былі запрошаны ў клуб вясёлых матэматыкаў. У літаратурным турніры змагаліся вучні 5 — 7 класаў. А старшакласнікі паказалі свае добрыя веды ў фізічнай гульні “Знаўцы фізікі”.

    У школе працягваецца акцыя па збору металалому. Прыемна, што вучні і іх бацькі ўсё ахвотней далучаюцца да ўдзелу ў гэтай акцыі.

   Вучні 8 класа арганізавалі і правялі ў школе дабрачынную акцыю «Дапаможам птушкам». У школьным садзе былі развешаны шпакоўні.

   З 4 па 9 красавіка ў школе прайшоў тыдзень краязнаўства, у рамках якога адбыліся мерапрыемствы, накіраваныя на азнаямленне навучэнцаў з гісторыка-культурнай спадчынай Пружаншчыны, яе славутымі і таленавітымі людзьмі. Асаблівая ўвага надавалася гісторыі музея-сядзібы «Пружанскі палацык» і палацава-паркавага ансамблю «Ружанскі палац Сапегаў».

   8 красавіка на базе нашай школы прайшло вучэбна-метадычнае пасяджэнне настаўнікаў эстэтычнага цыклу. Сваім вопытам арганізацыі ўрокаў музыкі з вучнямі 2 і 4 класаў падзялілася настаўніца вышэйшай катэгорыі Коверзнева І. М.

   5 красавіка вучні пачатковай школы наведалі Свята-Мікалаеўскую царкву ў в. Засімавічы. Іярэй Міхаіл пазнаёміў навучэнцаў з правіламі паводзін у святым храме, асноўнымі праваслаўнымі святамі і інш.

   Для павышэння ўзроўню бяспекі насельніцтва, актывізацыі пажарна-прафілактычнай работы, аналізу яе эфектыўнасці і ацэнкі гатоўнасці тэрыторый да вясенне-летняга пажаранебяспечнага перыяду з 4 па 29 красавіка 2016 года праводзіцца рэспубліканская акцыя па папярэджанні пажараў і гібелі людзей ад іх у жыллёвым фондзе.

   Мэта: зніжэнне колькасці пажараў, якія адбываюцца па прычыне невыканання грамадзянамі правілаў пажарнай бяспекі ў жылых будынках і збудаваннях, павышэнне інфармаванасці насельніцтва аб магчымасцях дзяржаўных арганізацый па аказанні паслуг па забеспячэнні іх бяспекі, умацаванне правапарадку, папярэджанне правапарушэнняў, учыненых грамадзянамі, якія знаходзяцца ў стане алкагольнага ап’янення.

Задачы:

1. Інфармаваць насельніцтва аб стане пажарнай бяспекі, растлумачыць грамадзянам наступствы невыканання правілаў пажарнай бяспекі.
2. Аказаць дапамогу рэспубліканскім органам дзяржаўнага кіравання, мясцовым выканаўчым і распарадчым органам, іншым арганізацыям, у навучанні грамадзян мерам пажарнай бяспекі ў побыце і на вытворчасці, аказаць дапамогу пазаштатным пажарным фарміраванням ў арганізацыі пажарна-прафілактычнай работы.
3. Акцэнтаваць увагу мясцовых выканаўчых і распарадчых органаў на неабходнасць правядзення рэгулярнай і мэтанакіраванай работы па забеспячэнню пажарнай бяспекі на адпаведнай тэрыторыі.
4. Растлумачыць грамадзянам наступствы злоўжывання спіртнымі напоямі.

   Даведачна: жыллёвы фонд (па СТБ 1154-99) — сукупнасць усіх жылых памяшканняў, размешчаных на пэўнай тэрыторыі, якая ўключае жылыя дамы грамадскага тыпу, спецыяльныя жылыя дамы, службовыя i iншыя жылыя памяшканнi, незалежна ад форм уласнасці.