Напярэдадні Дня маці адкрыла свае дзверы фальклорная гасцёўня «Беларускі ручнік — сімвал абрадаў і звычаяў». Вучні мелі магчымасць паглыбіць свае веды па этнаграфіі, пазнаёміцца з гісторыяй развіцця ручніковай вытворчасці Беларусі і відамі ручнікоў, іх роляю ў сямейнай абраднасці беларусаў.
Традыцыйна ў школе ў другую суботу месяца праводзяцца дні здароўя. 8 кастрычніка вучні мелі магчымасць паўдзельнічаць ў гульні-падарожжы ”Мы любім спорт і здаровы лад жыцця”, інтэлектуальнай гульні “Каб быць здаровым”, спартыўнай віктарыне “Знаўцы спорту”, выпусцілі буклет “Галоўныя складаемыя здароўя”.
7 і 8 кастрычніка ў г. Пружаны прайшлі раённыя спаборніцтвы па лёгкай атлетыцы. Вучні 10 класа Варажбіцкая А. і Вашчук К. узнагароджаны граматамі за 3 месца ў бегу на дыстанцыі 100 м і кіданні кап’я, а вучань 11 класа Удоўчанка Д. узнагароджаны граматай за 3 месца ў скачках у вышыню.
13 кастрычніка 2016 года ў Пружанскім Палацы культуры адбудзецца канцэрт «Залатыя галасы. Дзеці».
У канцэрце прымуць удзел юныя артысты (8 — 16 гадоў), якія з’яўляюцца пераможцамі міжнародных і рэспубліканскіх конкурсаў «Славянский базар», «Новая волна», «Детское Евровидение». У рамках канцэрта плануецца выступленне дыпламанта прэміі Прэзідэнта Рэспублікі Беларусь па падтрымцы таленавітай моладзі і салісткі эстраднай студыі «Мелодин» Пружанскага Палаца культуры Трус Наталлі.
Кошт білета — 4 рублі (40 000 тысяч).
1 кастрычніка вучні пачатковых класаў прынялі ўдзел у дабрачыннай акцыі “Без добрых спраў няма добрага імя”, прысвечанай Дню пажылых людзей. Разам з Тарасавай М. Б. яны наведалі ветэранаў педагагічнай працы Петруковіч Т. І., Вашчук Л. В. і Сцяпанаву М. М. і павіншавалі іх са святам настаўніка.
Вучні 5 — 7 класаў аказалі дапамогу Сцяпанавай М. М. ва ўборцы восеньскага ўраджаю, добраўпарадкавалі двор.
У пятніцу, 30 верасня, прайшла святочная праграма, прысвечаная Дню настаўніка. Падрыхтавалі яе вучні разам з работнікамі сельскага клуба. Шмат слоў падзякі прагучала ў адрас настаўнікаў і ветэранаў педагагічнай працы.
Днём музыкі завяршыўся Тыдзень творчасці ў школе. Усіх сабраў музычны калейдаскоп «Мы спяваем».
Вучні 7 класа сустрэліся з дэлегатам V Усебеларускага народнага сходу, дырэктарам школы Ярмашэвіч А. М. Алена Мікалаеўна даступна раскрыла асноўныя палажэнні Праграмы сацыяльна-эканамічнага развіцця краіны на 2016-2020 гады, расказала аб тым, што яна накіравана ў будучае і прадугледжвае канкрэтныя дзеянні. Таксама быў паказаны відэаролік аб Беларусі.
У дзень калектыўных творчых спраў праявілі сваю фантазію ў стварэнні віншавальнай газеты-калажа, прысвечанай Дню настаўніка, не толькі вучні, але і бацькі, якія падрыхтавалі са сваімі дзецьмі выставу вырабаў з прыроднага матэрыялу.
29 верасня з нагоды 85-годдзя Ніла Гілевіча ў школе прайшла гадзіна паэзіі «Роднага слова верны абаронца». Старшакласнікі пазнаёміліся з аўтабіяграфічнымі звесткамі беларускага пісьменніка і яго творамі,
