З мэтай развіцця патрыятызму, пачуцця спагады да болю савецкага народа ў гады Вялікай Айчыннай вайны для вучняў 6-8 класаў прайшоў урок Памяці «Нам гэты мір наканавана берагчы». Акцэнт быў зроблены на знаёмстве дзяцей з ходам і вынікамі аперацыі «Баграціён», якая прынесла Беларусі свабоду і вызваленне ад ворага. Усе былі аднолькавыя ў меркаванні, што вайна нам не патрэбна, гэта жах, здзекі і пакуты.
Пад такой назвай у школе прайшла гадзіна памяці, падчас якой школьнікі пазнаёміліся з гісторыяй кахання Зінаіды Тусналобавай і Іосіфа Марчанкі. Вучні з цікавасцю слухалі гісторыі ваенных подзвігаў герояў Вялікай Айчыннай вайны. Вельмі ўразіў слухачоў аповед кіраўніка ваенна-патрыятычнага выхавання аб подзвігах медыцынскай сястры, якая выратавала на полі бою 123 савецкіх воінаў. За гераізм і мужнасць З. Тусналобавай было прысвоена ганаровае званне Героя Савецкага Саюза.
Наша моладзь павінна браць прыклад з такіх герояў як Зінаіда Тусналобава.
Набліжаецца свята 9 мая. Вучні школы ўдзельнічаюць у мерапрыемствах, прысвечаных 77-й гадавіне з Дня Перамогі савецкага народа ў Вялікай Айчыннай вайне. З гэтай нагоды ў суботні дзень школьнікі прынялі ўдзел у спартыўным марафоне “77-й гадавіне Перамогі прысвячаем”, завочнай экскурсіі “Помнікі героям вайны”, літаратурнай кампазіцыі “Дарогамі вайны”, відэалекторыі “Уся праўда пра блакаду Ленінграда”, акцыі “Памяць жыве”.
У рамках абласной патрыятычнай акцыі ў ДУА «Шаняўская сярэдняя школа імя Міколы Засіма» кіраўніком ваенна-патрыятычнага выхавання праведзена дыялогавая пляцоўка з удзелам начальніка аддзела ідэалагічнай работы і па справах моладзі Пружанскага райвыканкама Момліка Аляксандра Канстанцінавіча. Падчас сустрэчы ўдзельнікі актыўна абмеркавалі інфармацыйныя матэрыялы аб даследаваннях малавядомых падзей і фактаў гісторыі свайго населенага пункта перыяду Вялікай Айчыннай вайны, аб даследаваннях Генеральнай пракуратурай крымінальнай справы па фактах здзяйснення нацыстамі генацыду беларускага народа, якая была ўзбуджана ў красавіку 2021 года, падзяліліся ўражаннямі аб важнасці праведзенай работы па даследаванні лёсаў землякоў — удзельнікаў, відавочцаў і ахвяр Вялікай Айчыннай вайны, успомнілі гістарычныя звесткі аб дзейнасці партызанскіх атрадаў і падпольных груп на тэрыторыі Пружанскага раёна, выказалі свае меркаванні аб важнасці правядзення работы па захаванні гістарычнай праўды пра падзеі Вялікай Айчыннай вайны з мэтай недапушчэння скажэння фактаў.
Дзень Перамогі – свяшчэнная дата для ўсіх нас. Асаблівае гучанне яна набывае ў Год гістарычнай памяці. Для вучняў 6 – 11 класаў нашай школы прайшлі ўрокі Памяці “Нам гэты мір наканавана берагчы”, прымеркаваныя да 77-й гадавіны Вялікай Перамогі. Гасцямі мерапрыемства сталі прадстаўнікі райвыканкама, раённага Савета дэпутатаў, сельвыканкама. Асаблівую цікавасць вучняў выклікалі выступленні намесніка старшыні Пружанскага райвыканкама Ханавец С.М., старшыні Шаняўскога сельсавета Лапукі С.І., дэпутата раённага Савета дэпутатаў Ярмашэвіч А.М., якія не толькі расказалі аб шматлікіх фактах генацыду беларускага народа ў гады Вялікай Айчыннай вайны, але і падзяліліся з вучнямі гісторыямі сваіх родных і землякоў, якія ваявалі супраць фашызму. Вучні яшчэ раз перагарнулі старонкі гісторыі вайны, паразважалі аб важнасці захавання гістарычнай памяці. Навучэнцы адзначылі ўклад у Перамогу беларускага народа, не засталіся абыякавыя да страшнай трагедыі знішчэння мірнага насельніцтва.
Пад такой назвай у 5 класе прайшла класная гадзіна, на якой прысутнічала дырэктар школы Ярашэвіч Алена Мікалаеўна. Падчас сустрэчы яна расказала аб баявым шляху і ўзнагародах свайго дзядулі, удзельніка Вялікай Айчыннай вайны. З вялікім задавальненнем дзеці слухалі аповед і разглядвалі медалі і ордэны.
Старшакласнікі прынялі ўдзел у аперацыі і добраўпарадкавалі тэрыторыі каля помнікаў на месцы гібелі генерала Бахарава, на месцы дыслакацыі партызанскага атрада імя Чкалава, у памятнага знака на радзіме Р.Р. Шырмы.
Да Міжнароднага дня вызвалення вязняў канцлагераў 11 красавіка прайшлі гадзіны Памяці для вучняў 5 — 9, 11 класаў. Настаўнікі расказалі школьнікам аб зверствах фашысцкай Германіі, і да якіх наступстваў могуць прывесці войны на нашай планеце.
7 красавіка вучні 9 класа сабраліся на чарговы занятак школы актыўнага грамадзяніна «ШАГ». Тэма: «Савецкі тыл у гады вайны».
Савецкі тыл стаў падмуркам для байцоў фронту, умовай, пры якой Чырвоная Армія паспяхова вяла баявыя дзеянні, фактарам набліжэння доўгачаканай Перамогі. Пры вывучэнні тэмы, дзяцей вельмі ўзрушылі факты працоўных подзвігаў савецкіх людзей, іх мужнасць пры выкананні сваіх цяжкіх абавязкаў і гераічная самаадданасць вярхоўнай ідэі свабоды.
6 красавіка вучні 6 — 7 класаў наведалі музей-сядзібу «Пружанскі палацык». Акрамя асноўных экспанатаў, дзеці ўбачылі фотавыставу «Генацыд на Пружаншчыне: па матэрыялах раследавання», таксама школьнікаў пазнаёмілі з выставай работ Машэ Бернштэйна «Детский взгляд из вечности».
Завяршылася экскурсія паходам да помніка «Спаленым вёскам».
