У рамках прафілактычнага праекта «Здаровыя гарады і пасёлкі » фельчар Шаняўского ФАПа Рыбачок Я. Р. правяла з вучнямі  валанцёрскага атрада «ДОМ» «урок здароўя». Кожны павінен цвёрда ведаць, як здароўе захоўваць. Вынікам мерапрыемства стала выснова: трэба задумвацца над сваімі дзеяннямі і разумець, што жыццё складаецца з дробязяў і нават маленькая дробязь можа перарасці ў вялікую праблему. Каб пазбегнуць гэтага, неабходна фарміраваць адну галоўную звычку — быць здаровым.

З мэтай папулярызацыі  спартыўнага руху «Варкаўт», прапаганды здаровага ладу жыцця сярод падрастаючага пакалення члены валанцёрскага атрада «ДОМ» пад кіраўніцтвам настаўніка фізічнай культуры і спорту Сахарэвіча М.М. арганізавалі для навучэнцаў спартыўны майстар-клас. Займаючыся фізкультурай на вулічных трэнажорах, хлопцы развіваюць не толькі сілавыя характарыстыкі, але і асабістыя якасці, такія, як упэўненасць у сабе і цягавітасць. Акрамя таго, трэніроўкі даюць падлеткам добры шанец праявіць сябе і дамагчыся высокіх вынікаў.

Добра арганізаваны рухомы перапынак — важны фактар паляпшэння рухальнага рэжыму дзяцей у барацьбе з гіпадынаміяй. Значную дапамогу ў арганізацыі пераменаў аказваюць члены валанцёрскага атрада»ДОМ». Сёння падлеткі танцавалі флэшмоб «Мы — здаровае пакаленне» ў рамках Тыдня спорту і здароўя.