Акцыя «Вітамінны кошык» прайшла ў аг.Шані
Валанцёрскі атрад «ДОМ» працягвае работу на канікулах. Вучань 11 класа Казлоўскі Уладзіслаў правёў акцыю «Вітамінны кошык» і падарыў жыхарам аг.Шані вітамінную прадукцыю. У зімовы перыяд, калі арганізм мае патрэбу ў вітамінах, гэта акцыя з’яўляецца вельмі патрэбнай і карыснай.
Сустрэча з урачом акушэрам-гінеколагам УАЗ «Пружанская ЦРБ»
Для навучэнцаў 6-9 класаў была арганізавана сустрэча з урачом акушэрам-гінеколагам УАЗ «Пружанская ЦРБ» Жыгалка М.В. на тэму «Раннія палавыя сувязі і іх наступствы. Прафілактыка сэксуальнага насілля». Падчас сустрэчы юнакі і дзяўчаты пераканаліся ў актуальнасці абмяркоўваемай праблемы, пазнаёміліся з рознымі відамі насілля і сумесна выпрацавалі магчымыя шляхі выхаду з цяжкіх жыццёвых сітуацый, атрымалі рэкамендацыі, як абараніць сябе ад сексуальнага насілля.
Члены валанцёрскага атрала «ДОМ» правялі для навучэнцаў 1-9 класаў прафілактычнае мерапрыемства «Праўда аб СНІДзе»
1 снежня члены валанцёрскага атрада «ДОМ» правялі для навучэнцаў 1-9 класаў прафілактычнае мерапрыемства «Праўда аб СНІДзе». Мерапрыемства было арганізавана з мэтай атрымання ведаў аб спосабах перадачы ВІЧ-інфекцыі і мерах прафілактыкі ВІЧ-інфекцыі/СНІД, для фарміравання навыкаў адказных і бяспечных паводзін у адносінах да свайго здароўя і талерантнага стаўлення да людзей, якія жывуць з ВІЧ/СНІДам. Рабяты паўдзельнічалі ў актыўнасцях для замацавання інфармацыі: з задавальненнем адказвалі на пытанні віктарыны «А ці ўсё ты ведаеш пра СНІД?», з сур’ёзнасцю паставіліся да дзелавой гульні «Рызыка заражэння».
Тыдзень прапаганды здаровага ладу жыцця
З 27 лістапада па 2 снежня ў школе прайшоў тыдзень прапаганды здаровага ладу жыцця. З мэтай фарміравання культуры здаровага ладу жыцця, захавання і ўмацавання фізічнага і псіхічнага здароўя навучэнцаў, выхаванне культурна-гігіенічных навыкаў і правілаў здаровага харчавання ва ўсіх класах прайшлі класныя гадзіны.
У гасцях у доктара Здаровае Харчаванне
У рамках рэалізацыі Комплекснай сістэмы мер ДУА «Шаняўская СШ імя Міколы Засіма», накіраванай на прапаганду карыснага харчавання і фарміравання правільных харчовых паводзін навучэнцы 1-4 класаў прынялі ўдзел у квэст-гульні «У гасцях у доктара Здаровае Харчаванне». Рабятам неабходна было выконваць заданні на кожнай станцыі, вырашаць лагічныя задачкі. Пасля праходжання ўсіх станцый кожны навучэнец атрымліваў памятку з парадамі па здаровым харчаванні, якое з’яўляецца неабходнай умовай ЗЛЖ.
Члены валанцёрскага атрада «ДОМ» правялі для жыхароў аграгарадка Шані акцыю «Абмяняй цыгарэту на цукерку»
Штогод кожны трэці чацвер лістапада ва ўсім свеце праводзіцца Адзіны дзень здароўя «Сусветны дзень некурэння. Прафілактыка анкалагічных захворванняў». Члены валанцёрскага атрада «ДОМ» Краўчук Вікторыя і Казлоўскі Уладзіслаў для жыхароў аграгарадка Шані правялі акцыю «Абмяняй цыгарэту на цукерку». Мэта акцыі — прыцягнуць увагу грамадскасці да праблемы тытунёвай залежнасці і папулярызацыі здаровага ладу жыцця. Падчас акцыі хлопцы не толькі частавалі мінакоў цукеркамі, але і знаёмілі з прафілактычнай інфармацыяй аб шкодзе курэння.
