Пад такой назвай для старшакласнікаў прайшла дыскусія, у ходзе якой вучні разглядалі прычыны ўзнікнення канфліктаў, малявалі канфлікты ў выглядзе прадметаў або з’яў, называлі асабістыя якасці, якія патрэбны чалавеку для канструктыўнага спосабу рашэння канфліктнай сітуацыі. Напрыканцы мерапрыемства школьнікі зрабілі выснову, што рашаць усе спрэчныя пытанні можна толькі мірным шляхам.
У дзень юных інтэлектуалаў пачаткоўцы прынялі ўдзел у інтэлектуальнай гульні “Што?Дзе? Калі?” Вучні сярэдняга звяна спаборнічалі ў брэйн-рынгу “Хачу ўсё ведаць”. Вучні 8, 9 класаў паказалі свае матэматычныя здольнасці ў інтэлектуальным рынгу “У свеце матэматыкі”.
Прафарыентацыйную сустрэчу з вучнямі 11 класа правялі прадстаўнікі УА «Беларускі дзяржаўны аграрны тэхнічны ўніверсітэт». Падчас сустрэчы школьнікі даведаліся аб умовах прыёму абітурыентаў у 2022 годзе, у якой форме і якія спецыяльнасці можна атрымаць ва ўніверсітэце, якія дакументы неабходныя для паступлення і ці можна паступіць па мэтавым накіраванні.
З нагоды 130-годдзя з дня нараджэння беларускага фалькларыста, дырыжора, грамадскага і музычнага дзеяча, славутага земляка Р.Р. Шырмы ў школе прайшлі святочныя мерапрыемствы, падчас якіх музычныя творы ў выкананні навучэнцаў і педагогаў былі «сплецены» ў вянок песень.
Вучні школы здзейснілі завочнае падарожжа па малой радзіме «Мой родны кут, як ты мне мілы». На працягу ўсяго падарожжа школьнікі прымалі актыўны ўдзел у разнастайных мерапрыемствах і паказалі пры гэтым добрыя веды аб родным крае.
15 студзеня вучні школы прынялі ўдзел у спартыўных спаборніцтвах «Легкаатлетычны снайпер». Таксама пачаткоўцаў запрасілі паказаць свае веды ў інтэрактыўнай гульні “Я ведаю свае правы”. Вучні сярэдняга звяна спаборнічалі ў турніры прававых ведаў “Я і мае правы”. Прававая гульня “Мой погляд“ вызначыла пераможцаў сярод вучняў 8, 9 класаў. Члены БРСМ аказвалі дапамогу састарэлым, прыняўшы ўдзел у аперацыі “Клопат”.
6 студзеня вучні 5-7 класаў наведалі візітную картку горада Пружаны — музей-сядзібу «Пружанскі палацык». Там яны пазнаёміліся з гістарычнымі знаходкамі раёна. Падчас экскурсіі школьнікі мелі магчымасць пазнаёміцца з мінулым сядзібы, даведацца, як ствараўся музей і чым ён зараз жыве, заглянуць у экспазіцыйныя залы і музейныя фонды, атрымаць звесткі аб паслугах музея.
Падчас зімніх канікулаў вучні школы наведалі музейны пакой воінаў-інтэрнацыяналістаў у Палацы культуры г. Пружаны. Шмат экспанатаў і цікавай інфармацыі расказаў і паказаў Гарахавіцкі В. М. Дзеці ўбачылі асабістыя рэчы воінаў, якія прымалі ўдзел у жудасных падзеях Афганскай вайны, мелі магчымасць даведацца аб лёсах воінаў-інтэрнацыяналістаў Пружаншчыны ў пасляваенны час.
Завяршылася падарожжа сеансам масавага катання ў Лядовым палацы. Экскурсія прайшла цікава і пазнавальна, весела і здорава!
