Вучні 5 — 7 класаў разам са сваімі класнымі кіраўнікам наведалі вёску Каштанаўка. Школьнікі адправіліся ў сядзібу Дзяконскіх, дзе пазнаёміліся з гісторыка-культурнай спадчынай свайго краю і проста весела правялі час.

5 лістапада выхаванцы прышкольнага лагера «Дружба» наведалі Палац Пуслоўскіх — помнік архітэктуры XIX стагоддзя. Размешчаны на ўзвышшы ў гарадку пад назвай Косава, ён прывабіў наведвальнікаў не толькі сваёй прыгажосцю, але і чароўнай навакольнай панарамай. Падчас экскурсіі дзеці даведаліся аб гісторыі будаўніцтва Палаца, архітэктуры яго галоўнай пабудовы, стылі і агульнай структуры ансамбля. Цікавым для школьнікаў стала і тое, што гэты Палац, як і многія іншыя, мае свае легенды.

Выхаванцы прышкольнага лагера наведалі Палацавы комплекс у Ружанах, які з’яўляецца адным з унікальных куткоў Беларусі. На працягу стагоддзяў найпрыгажэйшы архітэктурны ансамбль, які называюць беларускім Версалем, належаў магутнай дынастыі Сапегаў. Падчас экскурсіі пачаткоўцы пазнаёміліся з мінулым рэзідэнцыі, экспазіцыяй фрагментаў інтэр’ераў Палаца Сапегаў тых часоў і аўтэнтычнымі прадметамі. Таксама вучні пабывалі ў адной з залаў дынастыі Сапегаў, дзе праходзяць выставы беларускіх мастакоў.

На канікулах вучні школы прымаюць актыўны ўдзел у разнастайных мерапрыемствах. Падчас правядзення калектыўна творчай справы «Шкодныя звычкі нам не сябры» яны выпусцілі лістоўкі, якія заклікаюць усіх пазбавіцца ад шкодных звычак, калі такія ёсць, і весці здаровы лад жыцця.

4 лістапада вучні 5 — 7 класаў наведалі горад над Бугам. Рабяты адправіліся ў Брэсцкую крэпасць, пазнаёміліся з экспазіцыяй музея, здзейснілі экскурсію па тэрыторыі. Пасля адправіліся ў Музей чыгуначнай тэхнікі. Там дзеці ўбачылі рарытэтныя экзэмпляры беларускай чыгуначнай тэхнікі і нават мелі магчымасць адчуць сябе сапраўднымі машыністамі. Завяршылася падарожжа па горадзе Брэсце паходам у абласны краязнаўчы музей, дзе рабяты даведаліся шмат цікавых фактаў аб гісторыі роднай вобласці.

Прагляды відэафільмаў, прысвечаных юбілею Белавежскай пушчы, спартыўныя спаборніцтвы і інтэлектуальныя гульні, прагулкі і гульні на свежым паветры прывабліваюць выхаванцаў прышкольнага лагера.

Шмат мерапрыемстваў ў лагеры прысвечана спартыўнай тэматыцы і здароваму ладу жыцця. Выхаванцы з задавальненнем прымаюць удзел у спартыўных гульнях «Спартыўны круіз», «Вялікі мяч», «Я здаровым быць хачу», «Забі гол!», удзельнічаюць у разнастайных акцыях, конкурсах малюнкаў, бібліятэчных акцыях і проста адпачываюць.

Вучні 11 класа разам са сваім класным кіраўніком Семянчук В.М. здзейснілі экскурсію ў лес каля аграгарадка Шані, дзе добра адпачылі. А што можа быць лепш адпачынку ў лесе?

Пад такой назвай для школьнікаў прайшла інтэрактыўная гульня, якая дапамагла вучням паказаць добрыя веды, раскрыць свае творчыя здольнасці, уменне працаваць разам  і проста атрымаць добры настрой.