Падведзены вынікі
Работа вучаніцы 10 класа Радзіончык Настассі «Афганістан у лёсе маіх землякоў» адзначана дыпломам ІІ ступені на раённым этапе конкурса «Боль моей души — Афганистан».
Вечна ў памяці
Збор піянерскай дружыны «Гаўрошы Вялікай Айчыннай вайны», прысвечаны Дню юнага героя-антыфашыста, адбыўся 8 лютага. Актыўнымі яго ўдзельнікамі сталі вучні 5-8 класаў. Перагортваючы старонкі відэальбома вучні знаёміліся з жыццём і подзвігамі сваіх аднагодкаў: Марата Казея, Мікалая Гойшыка, Валі Коціка, Зіны Партновай і іншых. Лейтматывам збору сталі словы, што гучаць як рэквіем «Помнім! Шануем! Ганарымся!».
Квіз з пазітывам
Днямі ў школе для акцябрат і піянераў была праведзена інтэлектуальная гульня “Піянерскі квіз”. У квізе ўдзельнічалі вучні 4 — 7 класаў. Члены атрадаў «Ветразі юнацтва» і “Адважныя рабяты” падчас правядзення мерапрыемства з задавальненнем уключаліся ў работу, адказвалі на цікавыя і каверзныя пытанні. Усе ўдзельнікі гульні атрымалі шмат пазітыўных эмоцый.
Бавім час цікава
6 лютага пачаткоўцы прынялі ўдзел у гадзіне мужнасці “Агеньчык памяці”. Вучні 5, 6 класаў узгадалі імёны землякоў, якія загінулі падчас Вялікай Айчыннай вайны, наведаўшы гадзіну памяці “Я вам жить завещаю”. Урок мужнасці “Подзвігу народа жыць у вяках” сабраў вучняў 7 – 9 класаў.
Матэматыка — гэта цікава і карысна
5 лютага настаўнік матэматыкі Менжынская Г.А. запрасіла педагогаў школы на адкрыты ўрок па тэме «Законы складання рацыянальных лікаў» у 6 класе, дзе падзялілася з калегамі вопытам выкарыстання дыферэнцыраванага падыходу пры вывучэнні матэматыкі.
Мы памятаем, мы ганарымся
Традыцыйным у школе з’яўляецца Месячнік патрыятычнага выхавання, які заўсёды праходзіць у лютым. На зборы піянерскага атрада імя Зіны Партновай “Вялікая Айчынная вайна ў лічбах” у 7 класе вучні яшчэ раз нагадалі асноўныя факты, падзеі, людскія страты, помнікі-сведкі Вялікай Айчыннай вайны. Вучні 9 класа падчас правядзення класнай гадзіны «Вайна ў памяці народа» і вучні 6 класа пры наведванні ўрока мужнасці «Мы помнім» прадставілі інфармацыю аб трагічных старонках гісторыі беларускага народа, узгадалі імёны нашых землякоў-ветэранаў Вялікай Айчыннай вайны і абмеркавалі прэзентацыю «Незабыўныя подзвігі нашых землякоў».
Умела працуюць «Умелыя ручкі»
Вучні пачатковых класаў з задавальненнем наведваюць гурток дэкаратыўна-прыкладной творчасці, кіраўніком якога з’яўляецца Тарасава М.Б. Работы дзяцей не аднаразова былі адзначаны дыпломамі і граматамі на раённых этапах рэспубліканскіх і абласных конкурсаў дзіцячай творчасці.
