7 вучняў прадстаўлялі школу на раённых алімпіядах, якія прайшлі ў лістападзе — снежні. Двое з іх, Талакнянік В. і Жук Д., прыехалі з іх з дыпломамі ІІ і ІІІ ступені (настаўнікі Якімавец С. А., Семак М. М.).

    Парадавала выступленне каманды школы на раённай краязнаўчай алімпіядзе. Нашы вучні сталі пераможцамі і прадстаўлялі раён на абласной алімпіядзе.

    Выдатныя веды па гісторыі роднага краю на абласным узроўні паказала вучаніца 11 класа Талакнянік В., якая была ўзнагароджана дыпломам ІІІ ступені. Рыхтавалі каманду педагогі Якімавец С. А. і Дзенісюк В. М. 

Мы ганарымся вамі, нашы лепшыя вучні і настаўнікі.

      ІІ этап рэпетыцыйнага тэсціравання (тэсціраванне абітурыентаў па вучэбных прадметах за курс агульнай сярэдняй адукацыі) у Пружанскім раёне па матэрыялах Рэспубліканскага інстытута кантролю ведаў будзе праводзіцца на базе СШ № 3 ў адпаведнасці з наступнымі датамі:

26 студзеня – фізіка, хімія, гісторыя Беларусі, сусветная гісторыя навейшага часу, замежныя мовы;

02 лютага – руская мова, беларуская мова;

09 лютага – матэматыка, біялогія, грамадазнаўства, геаграфія.

    Аплата за ўдзел у тэсціраванні ажыццяўляецца грамадзянамі шляхам  пералічэння грашовых сродкаў на разліковы рахунак РІКВ (УА Рэспубліканскі інстытут кантролю ведаў) (№ р/р 3632934510021 у філіяле № 529 ААБ “Беларусбанк”, г. Мінск, код 720 УНН 190194148). Пры аплаце неабходна пры сабе мець пашпарт.

     Кошт тэсціравання па адным прадмеце  складае 41800 (сорак адна тысяча восемсот) беларускіх рублёў.

      Аплату за тэсціраванне можна ўнесці ў любым аддзяленні ААБ “Беларусбанк” пры дапамозе  сістэмы “Разлік” АРІП (без зняцця  камісійнага збору), у аддзяленнях “Белпошта” або ў любым іншым банку (са зняццем камісійнага збору).

       Пачатак  тэсціравання ў 10.00 гадзін.

      З 9 па 14 снежня ў школе праходзіць тыдзень прававых ведаў. 

    На пачатку тыдня для навучэнцаў арганізавана выстава літаратуры на тэму «Кожны з вас мае права на …». 

       15 снежня ў горадзе Пружаны пройдзе парад Дзедаў Марозаў.

     У праграму 15 снежня 2013 г. будуць уваходзіць мерапрыемствы: адкрыццё парада каля Лядовага палаца г. Пружаны ў 13.30, далей — шэсце да Палацыка і сустрэча з галоўным Дзедам Марозам у 14.00, далей — шэсце да галоўнай ёлкі і святочнае прадстаўленне каля гарадской ёлкі на гарадской плошчы каля ГДК з 14.30 да 16.00, завяршае праграму ў 16.00 у гарадскім Палацы культуры г. Пружаны ўзнагароджанне пераможцаў конкурсу і прадстаўленне  навагодняга мюзікла (уваход бясплатны для ўсіх жадаючых).

      З нагоды 65-годдзя паэтэсы Я. Янішчыц у школе прайшла літаратурная гасцёўня «Палеская ластаўка».

     Гучалі цікавыя факты з біяграфіі Я. Янішчыц, цудоўныя вершы, песні на яе словы.

     Вучні змаглі яшчэ раз далучыцца да цудоўных старонак беларускай паэзіі.

У суботу, 30 лістапада, свой юбілей адзначыла дырэктар школы Ярмашэвіч Алена Мікалаеўна. 

Павіншаваць Алену  Мікалаеўну  сабраўся  ўвесь педагагічны калектыў. Шмат шчырых слоў прагучала ў гонар юбіляра. Калегі  не стамляліся казаць, што Алена  Мікалаеўна  –  чалавек, які нясе дабро, радасць  і святло. Ведаючы, што Алена Мікалаеўна – незвычайна творчая асоба, настаўнікі  падрыхтавалі  для яе  музычныя віншаванні.

      У рамках Сусветнай кампаніі супраць СНІД і Сусветнага дня прафіліктыкі СНІД у школе прайшоў шэраг мерапрыемстваў, прысвечаных дадзенай праблеме.

     Для вучняў пачатковых класаў была праведзена тэматычная інфармацыйная гадзіна «СНІД. Што патрэбна ведаць?» Пачаткоўцы пазнаёміліся з жудаснай хваробай усёй планеты, а таксама атрымалі кансультацыю, як засцерагчыся ад гэтай бяды.

     Пры правядзенні мерапрыемстваў настаўнікі актыўна выкарыстоўваюць інфармацыйныя тэхналогіі. Вучні 5 — 8  класаў прынялі ўдзел у калектыўнай творчай справе па выпуску калажа на тэму  «Опасность — СПИД!», які быў прадстаўлены на раённы конкурс.

      Для вучняў старэйшых класаў была арганізавана гадзіна інфармавання «СНІД у пытаннях і адказах». Вучні пазнаёміліся са статыстыкай захворванняў СНІД у Рэспубліцы Беларусь за апошнія гады.

      Смех і радасць панавалі 29 лістапада ў глядацкай зале Палаца культуры горада Пружаны. Вучні школы мелі магчымасць не толькі наведаць цыркавое прадстаўленне, але і паўдзельнічаць у розных конкурсах. 

      З мэтай выканання  рашэння  педагагічнага савета ў школе быў праведзены адкрыты ўрок па тэме «Аб ролі настаўніка ў аптымізацыі адукацыйнага працэсу». Настаўнік рускай мовы і літаратуры Вашчук А. В. выкарыстала ўсе магчымыя метадычныя прыёмы і формы для аптымізацыі працэсу навучання на ўроку рускай мовы ў 7 класе.

      28 лістапада для вучняў старэйшых класаў была арганізавана гадзіна разважання «Экалогія і здароўе».

      Вучні мелі магчымасць праглядзець прэзентацыю, абмеркаваць, прааналізаваць і зрабіць вывады па дадзенай тэматыцы.

      Сваю ролю ў ходзе мерапрыемства адыграў прагляд дакументальнай стужкі «Экалогія і жыццё». Падчас прагляду фільма вучняў уразіў маштаб экалагічных праблем і іх уплыў на здароўе чалавека. 

      Кожны зрабіў для сябе адпаведны вывад, як засцерагчы планету ад экалагічных катастроф.