28 жніўня група педагогаў школы прыняла ўдзел ў раённай пленарнай нарадзе. Дырэктар школы Алена Мікалаеўна Ярмашэвіч выступіла перад прысутнымі па тэме «Задавальненне адукацыйных запытаў навучэнцаў і іх бацькоў і забеспячэнне якасці адукацыі — прыярытэты дзейнасці кіраўніка». 

      Педагог-арганізатар Каляда Ала Георгіеўна атрымала з рук начальніка аддзела адукацыі, спорту і турызму Ганаровую грамату аддзела. Гурток «Гаспадынька», якім кіруе Валянціна Сямёнаўна  Ханіла, удзельнічаў у выставе «Школа пасля ўрокаў». Цудоўна прадставіла работы вучаніца 11 класа Бармута Вераніка.

      31 жніўня 2013 года адбудзецца ўрачыстая лінейка,

прысвечаная Дню ведаў.

 Пачатак у 09.00

Міністэрства адукацыі Рэспублікі Беларусь інфарміруе. Вучэбныя заняткі ў 2013/2014 навучальным  годзе для навучэнцаў устаноў адукацыі, якія рэалізуюць адукацыйныя праграмы агульнай сярэдняй адукацыі, адукацыйную праграму спецыяльнай  адукацыі на ўзроўні агульнай сярэдняй адукацыі, адукацыйную праграму спецыяльнай адукацыі на ўзроўні агульнай сярэдняй адукацыі для асоб з інтэлектуальнай недастатковасцю, ажыццяўляюцца з 2 верасня 2013 г. па 30 мая 2014 г.

 Арганізацыя адукацыйнага працэсу ажыццяўляецца па чвэрцях у наступныя тэрміны:

 першая чвэрць – з 02.09.2013 па 25.10.2013;

 другая – з 04.11.2013 па 24.12.2013;

 трэцяя – з 09.01.2014 па 21.03.2014;

 чацвёртая – з 31.03.2014 па 30.05.2014.

 На працягу вучэбнага года ўстанаўліваюцца  канікулы:

 восеньскія – 8 дзён з 26.10 2013 па 02.11.2013 уключна;

 зімовыя – 15 дзён з 25.12.2013 па 08.01.2014 уключна;

 вясновыя – 8 дзён з 22.03.2014 па 29.03.2014 уключна;

 летнія – 93 дня з 31.05.2014 па 31.08.2014,  для навучэнцаў,  якія завяршылі навучанне на II  ступені  агульнай  сярэдняй адукацыі, – 79 дзён з 14.06.2014 па 31.08.2014 уключна.

 Для навучэнцаў I – II (ІІІ*) класаў у ІІІ чвэрці (трэці тыдзень лютага месяца (17.02.2014 – 22.02.2014)) праводзяцца канікулы  працягласцю адзін тыдзень.

*для навучэнцаў з АФПР  з пяцігадовым тэрмінам навучання на I ступені агульнай сярэдняй адукацыі

Ва ўстановах агульнай сярэдняй адукацыі ў 2013/2014 вучэбным годзе будуць выкарыстоўвацца дзённікі навучэнцаў, зацверджаныя Міністэрствам адукацыі Рэспублікі Беларусь, 2012 і 2013 гадоў выпуску.

Дадзеныя, якія размяшчаюцца на 4 старонцы вокладкі дзённіка навучэнца павінны змяшчаць:

шрых-код,

© Нацыянальны інстытут адукацыі, 2013 (2012), HIA. ЛИ

№ 02330/0494469 ад. 08.04.2009 Фармат 70×84/16 – дадзеныя паліграфічнага прадпрыемства.

      7 выпускнікоў сёлета  развіталіся са сваёй роднай школай 11чэрвеня, атрымаўшы ва ўрачыстай абстаноўцы з рук дырэктара атэстаты аб сярэдняй адукацыі. Адна з выпускніц, Радзіончык Наталля, скончыла школу з залатым медалём. Сур’ёзныя юнакі і вясёлыя дзяўчаты дзякавалі школе за веды, атрыманыя тут, за дапамогу і падтрымку сваіх настаўнікаў. 

      У добры шлях, паважаныя выпускнікі!

      31 мая ў школе прайшла ўрачыстая лінейка, прысвечаная заканчэнню навучальнага года. Для выпускнікоў прагучаў апошні званок. Наперадзе іх чакаюць дзяржаўныя экзамены.

Віншуем усіх з заканчэннем навучальнага года і пачаткам летніх канікул!

УВАГА!

30.05.2013 года

з 10.00 да 12.00

адбудзецца прамая тэлефонная лінія

з начальнікам аддзела адукацыі

Пружанскага райвыканкама Казарэз І. А. 

па пытаннях арганізацыі выніковай атэстацыі

тэлефон: 2 — 13 — 45

       26 красавіка настаўніца нямецкай мовы Жырыкава Наталля Ільінічна правяла майстар-клас па тэме «Гульня як эфектыўны прыём навучання нямецкай мове ў пачатковых класах.

      У ходзе месячніка па добраўпарадкаванні членамі школьнай пярвічкі БРСМ праведзена аперацыя «Абеліскі». 

      Наведзены парадак ля памятнага знака на радзіме Р.Р. Шырмы ў в. Шакуны, помніка на месцы гібелі генерала Бахарава, помніка на месцы дыслакацыі партызанскага атрада імя Чкалава (в. Козі Брод).

      У правядзенне традыцыйнага месячніка па добраўпарадкаванні  актыўна ўключыліся вучні, настаўнікі і тэхперсанал школы.

      Прыбрана тэрыторыя плошчай больш за 4 га.

      Устаноўлены тэрміны і месцы правядзення цэнтралізаванага тэсціравання ў 2013 годзе.

      Усю неабходную інфармацыю аб правядзенні ЦТ у Брэсце вы зможаце знайсці, адкрыўшы дакументы Рэгістрацыя,  Графік і пункты правядзення ЦТ.