У цяперашні час вядзенне здаровага ладу жыцця (ЗЛЖ) стала не толькі карысным, але і модным захапленнем. Усё больш людзей выбіраюць для сябе актыўны занятак спортам. У перапынках паміж падрыхтоўкай да іспытаў дзевяцікласнікі ДУА «Шаняўская сярэдняя школа імя Міколы Засіма» з карысцю праводзяць час на варкаўт-пляцоўцы.
У рамках рэалізацыі прафілактычнага праекта «Школа — тэрыторыя здароўя» ў 4 класе прайшла гадзіна карысных парад «Здаровая кухня». Мэтай мерапрыемства было паглыбленне ўяўлення дзяцей аб правільным харчаванні, працяг фарміравання пазітыўнай ацэнкі здаровага ладу жыцця. Хлопцы і дзяўчаты зрабілі выснову аб тым, што ў сучасным свеце модна быць здаровым і весці актыўны лад жыцця.
Для вучняў 5-9 класаў быў арганізаваны відэасалон «Беражы сябе для жыцця!» з удзелам членаў валанцёрскага атрада «ДОМ».
Вучням нашай школы вельмі падабаецца, калі на мерапрыемствы прыходзяць члены валанцёрскага атрада. Яны з цікавасцю адказваюць на пытанні і задаюць свае. У гэты раз, вучні сумесна ўспомнілі і абмеркавалі як захаваць сваё здароўе, чаго прытрымлівацца, каб не захварэць. Дзеці праглядзелі і абмеркавалі відэаурокі, з задавальненнем адгадвалі загадкі, складалі прыказкі і разгадвалі рэбусы. Мерапрыемства прайшло цікава, весела і задорна.
Дзень прапаганды здаровага ладу жыцця. Навучэнцы 1-9 класаў прынялі ўдзел у спартыўных спаборніцтвах па лёгкай атлетыцы «Зрабі крок да здароўя». Школьнікі вельмі чакаюць гэты дзень, каб паўдзельнічаць у спартыўных спаборніцтвах, павесяліцца і падыхаць свежым паветрам. Гэты дзень падарыў усім зарад бадзёрасці, добры настрой і пакінуў яркія ўражанні! Мусіць, кожны з нас жадае быць моцным, бадзёрым, энергічным, каб не хварэць і выконваць любую працу. Таму важнай рысай у нашай школе з’яўляецца правядзенне Дня здароўя для таго, каб дзеці разумелі, здароўе — гэта галоўнае багацце нашага жыцця. Калі чалавек здаровы, значыць ён самы шчаслівы чалавек на ўсёй зямлі.
6 красавіка ў Міжнародны дзень спорту, на карысць развіцця і міру для навучэнцаў 1-4 класаў прайшоў рэспубліканскі алімпійскі ўрок. Ва ўроку прынялі ўдзел 21 навучэнец. Дзеці пазнаёміліся з алімпійскімі адкрыццямі, яркай прэзентацыяй, займальнымі заданнямі. Урок правяла настаўнік пачатковых класаў — Ханіла Ірына Васільеўна.
У рамках рэалізацыі прафілактычнага праекта «Школа — тэрыторыя здароўя» для вучняў 4 класа быў праведзены ўрок здароўя «Вітамінка і яе сакрэты». Разам з Втіамінкай дзеці здзеснілі падарожжа ў Краіну здароўя. Для іх былі прапанаваны шматлікія конкурсы: адгадаць загадкі пра прадметы асабістай гігіены, адабраць карысныя і некарысныя прадукты, скласці «Азбуку здароўя» і г.д. Які ж урок здароўя без зарадкі? Яна таксама прысутнічала для школьнікаў. Усе адзінагалосна прыйшлі да высновы, што неабходна весці здаровы лад жыцця, есці больш свдавіны і гародніны, займацца спортам.
У суботу 10 лютага члены валанцёрскага атрада “ДОМ” правялі для малодшых школьнікаў квіз “Вместе, дружно, с оптимизмом за здоровый образ жизни”. Яны расказалі і паказалі, якія правілы ЗЛЖ ёсць, як іх прытрымлівацца, што рабіць, каб быць здаровым. Інтэрактыўны дыялог “Аб самым галоўным” для 5 – 7 класаў правяла педагог-арганізатар. Канешне, размова ішла пра здароўе, асноўныя прынцыпы яго захавання. Гадзіна перасцярогі “Рэпрадуктыўнае здароўе падлеткаў. Як яго зберагчы?” была карыснай для вучняў 8,9 класаў. У простай і зразумелай форме педагог правяла гутарку аб фізіялагічныхі асаблівасцях падлеткаў, пра хваробы, якія перадаюцца палавым шляхам. Берагчы здароўе неабходна заўсёды!
13 студзеня для вучняў школы быў арганізаваны дзень прапаганды здаровага ладу жыцця. Вучні 1-4 класаў гулялі ў спартыўна-інтэлектуальную гульню «Пяць кольцаў», члены валанцёрскага атрада «ДОМ» правялі для вучняў 5-7 класаў гульню Сакрэты здароўя і даўгалецця». У рамках работы занальнага цэнтра старшакласнікі прынялі ўдзел у спаборніцтвах па валейболе «Мы — здаровае пакаленне Брэстчыны» і наведалі выставу «Генацыд беларускага народа» у ДУА «Ліноўская СШ».
