У час адкрытай размовы «Здзяйсненне крадзяжоў, у тым ліку шляхам выкарыстання камп’ютарнай тэхнікі, — гэта адміністратыўная адказнасць» вучні пазнаёміліся з мерамі адказнасці за здзяйсненне крадзяжоў. Дзеці яшчэ раз былі папярэджаны аб мерах бяспекі ў сетцы Інтэрнэт.
23 лютага ў гонар Дня абаронцы Айчыны і 77-годдзя Вялікай Перамогі ў школе прайшоў конкурс строя і песні.
22 лютага ў школе прайшлі інфармацыйныя гадзіны, прысвечаныя Дню абаронцаў Айчыны, падчас якіх вучні ўспомнілі подзвігі герояў Вялікай Айчыннай вайны, нагадалі пра асаблівыя якасці, якімі павінен валодаць сапраўдны грамадзянін нашай краіны.
З нагоды Міжнароднага дня роднай мовы 21 лютага ў школе прайшоў лінгвістычны квэст «Адкрываю нанова беларускае роднае слова». Вучні пазнаёміліся з гісторыяй узнікнення свята, даведаліся пра станаўленне беларускай мовы, яе асаблівасці, чыталі вершы на беларускай мове.
Навучэнцы з цікавасцю ўдзельнічалі ў гульні, паказваючы свае веды па мове, літаратуры і культуры беларусаў.
Віншуем вучня 7 класа Літвіновіча Андрэя з паспяховым выступленнем у XVIII адкрытым турніры Брэсцкага абласнога ЦАР па лёгкай атлетыцы:
І месца — 600 метраў;
ІІ месца — 1000 метраў;
ІІІ месца — эстафета 4 на 200 метраў.
Жадаем поспехаў!
У суботні дзень пачаткоўцы спаборнічалі ў турніры знаўцаў беларускай мовы. Інтэлектуальны клуб “Знаўцы роднай мовы” запрасіў вучняў сярэдняга звяна. Гульня-віктарына “Каб мова родная гучала” вызначыла лепшых сярод вучняў 8, 9 класаў.
18 лютага 2022 года спаўняецца 100 год з дня нараджэння беларускага мастака М. А. Савіцкага.
У гонар гэтай падзеі для вучняў 5 — 8 класаў была праведзена гадзіна памяці «Народны мастак ХХ стагоддзя». На мерапрыемстве дзеці пазнаёміліся з біяграфіяй Міхаіла Андрэевіча і яго самымі знакамітымі творамі, а таксама адказалі на пытанне: «Чаму творы Савіцкага папулярны ў наш час?»
Згодна з планам вучэбна-метадычнага аб’яднання классных кіраўнікоў у школе прайшоў семінар-практыкум па тэме «Методыка вывучэння асобы навучэнца з мэтай заахвочвання яе да самавыхавання». Вопытам работы падзялілася класны кіраўнік 8 класа Жырыкава Н. І., якая запрасіла калег наведаць класную гадзіну па тэме «Выбар заўсёды за табой».
15 лютага — дзень памяці воінаў-інтэрнацыяналістаў. У рамках рэспубліканскай дэкады грамадзянска-патрыятычных спраў у гэты дзень у школе прайшлі інфармацыйныя гадзіны, прысвечаныя 33-й гадавіне вываду савецкіх войск з Афганістана. Падчас мерапрыемстваў школьнікі ўспомнілі воінаў-землякоў, якія прымалі ўдзел у баях, тых, хто так і не вярнуўся з вайны, ушанавалі іх памяць хвілінай маўчання.
Як гэта было “Не для славы – для жыцця” сабрала пачаткоўцаў у дзень памяці воінаў-інтэрнацыяналістаў, каб узгадаць тыя падзеі, якія адбываліся шмат гадоў таму назад. У гістарычнае падарожжа “Яны змагаліся за Радзіму” адправіліся вучня сярэдняга звяна. Гадзіну мужнасці “Я памятаю і ганаруся!” наведалі вучні 8, 9 класаў.
Таксама ў гэты дзень прайшлі спаборніцтвы па шашках і шахматах.
