Аперацыя «Абеліскі»
У ходзе аперацыі былі прыведзены ў належны стан помнікі ў в. Козі Брод, в. Шакуны.
Лепшы адпачынак — актыўны адпачынак
Па вечарах на школьным стадыёне пад кіраўніцтвам Хільковіча І. М. праходзяць розныя спартыўныя гульні і спаборніцтвы.
Турыстычны злёт на Паперні
Шмат гадоў запар маляўнічы бераг возера Паперня становіцца цэнтрам турызму і краязнаўства вобласці, дзе праводзяцца турыстычныя злёты. Прыняла ўдзел у злёце і каманда Пружанскага раёна, у склад якой увайшлі вучні нашай школы Ніпарка Ганна і Гац Канстанцін. Яны наведваюць аб’яднанне па інтарэсах «Турызм і арыентаванне» пад кіраўніцтвам С.В. Зелянеева.
У лагеры «Дружба» жывём цікава і дружна. Дзень васямнаццаты
Завяршыў сваю работу аздараўленчы лагер “Дружба”. У гэты дзень выхаванцы прынялі ўдзел у розных творчых і забаўляльных мерапрыемствах. Напрыканцы дня ўсе былі запрошаны на святочную дыскатэку. Наведванне прышкольнага лагера пакінула шмат прыемных уражанняў і стварыла добры настрой. Да сустрэчы, лагер «Дружба»!
Мы памятаем, мы ганарымся!
Пад такой назвай 22 чэрвеня ў Беларусі адзначаецца Дзень усенароднай памяці ахвяр Вялікай Айчыннай вайны. У гэты дзень выхаванцы аздараўленчага лагера «Дружба» ўспомнілі тых, хто цаною свайго жыцця выканаў абавязак па абароне Радзімы, усіх загінуўшых, закатаваных у фашысцкай няволі, памерлых у тыле ад голаду і нягод.
У 12.00 яны далучыліся да Усебеларускай хвіліны маўчання ў памяць аб ахвярах Вялікай Айчыннай Вайны.
У лагеры «Дружба» жывём цікава і дружна. Дзень сямнаццаты
Дзякуючы цікавым і захапляльным мерапрыемствам, арганізаваным педагагічным калектывам школы, кожны дзень жыцця ў летніку прыносіць выхаванцам станоўчыя эмоцыі і цудоўны настрой.
Дзень здароўя і спорту «ЗдОрово! ЗдорОво!»
21 чэрвеня ў 13.00 выхаванцы аздараўленчага лагера «Дружба» прынялі ўдзел у адзіначасовым старце легкаатлетычнага маладзёжнага забегу «На старт, моладзь!», які праходзіць у рамках Тыдня моладзі «Час выбраў нас!» і рэспубліканскага маладзёжнага фестывалю «Моладзь і спорт».
Маладзёжны інтэрнэт-чэлендж «Народная зарадка»
Усе разам у паход
Вучні 8 класа разам са сваім класным кіраўніком здзейснілі велапаход па маршруце аг. Шані — аг. Лінова. Падчас паходу яны наведалі сядзібу Дзяконскіх у в. Каштанаўка, пазнаёміліся з цікавымі звесткамі з жыцця гаспадароў сядзібы.
Шмат прыемных уражанняў засталося ў школьнікаў ад адпачынку на беразе вадаёма аг. Лінова.
У лагеры «Дружба» жывём цікава і дружна. Дзень шаснаццаты
Пазнавальная гадзіна «Знаўцы дарожнай азбукі», відэалекторый «Насустрач алімпійскім гульням», гульнявая праграма «У працы і спорце за рэкорды не спрачайцеся» сабралі выхаванцаў аздараўленчага лагера, каб яшчэ раз яны праявілі свае добрыя фізічныя здольнасці, пазнаёміліся з прозвішчамі і імёнамі спартсменаў, якія будуць удзельнічаць у летніх Алімпійскіх гульнях, і проста добра адпачылі.
