Урачыстая лінейка, прысвечаная пачатку навучальнага года, сабрала ў школе не толькі вучняў і педагогаў, але і шматлікіх гасцей.

Віншаванні гучалі ад дырэктара школы А. М. Ярмашэвіч, старшыні Шаняўскога выканаўчага камітэта С. І. Лапукі. Каштоўны падарунак школе ўручыла спецыяліст аддзела па кадрах Касьян Н. У.

Але больш за ўсё гэтаму дню радуюцца тыя, хто ўпершыню ідзе ў школу. Штогод у Дзень ведаў першакласнікі атрымліваюць падарунак ад Прэзідэнта Рэспублікі Беларусь А. Р. Лукашэнкі кнігу “Беларусь – наша Радзіма”.

Таксама падчас лінейкі старшыня Шаняўскога сельвыканкама С.І. Лапука ўручыў вучням 8 класа падарунак ад Прэзідзента Рэспублікі Беларусь А.Р. Лукашэнкі кнігу “Я – грамадзянін Рэспублікі Беларусь”.

Пад такой назвай у школе прайшоў першы ўрок, які спрыяў выхаванню ў падрастаючага пакалення пачуцця гордасці за сваю краіну і яе герояў, павагі да свайго народа, да дасягненняў сваёй радзімы, развіццю сацыяльнай і творчай актыўнасці, фарміраванню актыўнай грамадзянскай пазіцыі, а таксама ўсведамленню (разуменню) таго, што Беларусь — суверэнная краіна, якая глядзіць у будучыню, але захоўвае памяць пра мінулае…

У 2020/2021 навучальным годзе арганізацыя адукацыйнага працэсу будзе ажыццяўляцца па чвэрцях у наступныя тэрміны:

першая чвэрць — з 1 верасня 2020 г. па 31 кастрычніка 2020 г .;

другая — з 9 лістапада 2020 г. па 24 снежня 2020 г .;

трэцяя — з 11 студзеня 2021 г. па 27 сакавіка 2021 г .;

чацвёртая — з 5 красавіка 2021 г. па 31 мая 2021 г.

На працягу навучальнага года ўстанаўліваюцца канікулы:

восеньскія — 8 дзён з 1 лістапада 2020 г. па 8 лістапада 2020 г. уключна;

зімовыя — 17 дзён з 25 снежня 2020 г. па 10 студзеня 2021 г. уключна;

вясновыя — 8 дзён з 28 сакавіка 2021 г. па 4 красавіка 2021 г. уключна;

летнія — 92 дні з 1 чэрвеня 2021 г. па 31 жніўня 2021 г., для вучняў, якія завяршылі навучанне на II ступені агульнай сярэдняй адукацыі, — 82 дня з 11 чэрвеня 2021 г. па 31 жніўня 2021 г. уключна.

Для вучняў I-II класаў (ІІІ класаў — для навучэнцаў з асаблівасцямі псіха-фізічнага развіцця з пяцігадовым тэрмінам навучання на I ступені агульнай сярэдняй адукацыі) у ІІІ чвэрці праводзяцца дадатковыя зімовыя канікулы з 15 лютага 2021 г. па 21 лютага 2021 г. працягласцю 7 дзён.

Представляем вашему вниманию новую дидактическую онлайн-игру «Шаги спасения», разработанную Республиканским центром пропаганды МЧС. Она направлена на изучение алгоритмов действий в случае возникновения различных чрезвычайных ситуаций и доступна как с мобильного устройства, так и с персонального компьютера при наличии подключения к сети Интернет.