Да Дня сям’і, які праходзіў 15 мая, вучні 5 класа арганізавалі фотавыставу «Знаёмцеся: гэта мая сям’я». Кожны з іх расказаў пра сваіх бацькоў, сясцёр, братоў, іх захапленні. Усе вучні з задавальненнем слухалі аповеды сваіх аднакласнікаў, якія з любоўю, пяшчотай, ласкай і добрынёй гаварылі аб сваіх родных і блізкіх людзях.
Пад такой назвай для вучняў 5 — 7 класаў прайшла гасцёўня, прысвечаная Міжнароднаму дню сям’і. На мерапрыемства былі запрошаны шматдзетныя сем’і. Матулі і бабулі прынялі ўдзел у хвілінках паэзіі, разнастайных конкурсах і гульнях, падзяліліся вопытам выхавання сваіх дзетак.
Традыцыйна святкаванне Дня Перамогі пачалося ў 09.30 гадзін каля помніка загінуўшым у гады Вялікай Айчыннай вайны ў цэнтры аграгарадка.
На мітынг прыйшлі школьнікі, моладзь, жыхары аграгарадка. З прывітальным словам выступіў старшыня сельвыканкама Лапука Сяргей Іванавіч. Айцец Сергій, настаяцель Свята-Мікалаеўскай царквы, звярнуўся да прысутных са шчырымі словамі падзякі за мужнасць і гераізм савецкіх салдат, аддаўшых сваё жыццё за мірнае неба. Ён адзначыў, што Дзень Перамогі – гэта самае дарагое свята для кожнага чалавека.
Вучні школы прачыталі імёны тых, хто не вярнуўся з поля бою. Члены драматычнага гуртка выступілі перад сабраўшыміся з літаратурнай кампазіцыяй. Вучні 10 класа прадставілі музычную кампазіцыю «Ад герояў былых часоў…». Да помніка былі ўскладзены кветкі і вянкі.
Вучні школы здзейснілі падарожжа на Пружанскі хлебазавод, дзе майстры сваёй справы падзяліліся сакрэтам прыгатавання хлебабулачных вырабаў. Смак свежага пшанічнага хлеба, якім пачаставалі вучняў, стварыў цудоўны настрой.
24 красавіка загадчык Шаняўскога ФАПа Рыбачок Я. Р. правяла гутарку аб прафілактыцы энтэрабіёза з вучнямі 1 — 5 класаў.
24 красавіка адбылася сустрэча вучняў 10 класа з палкоўнікам інжынерных войск у адстаўцы Мелешам Валерыем Мікалаевічам на тэму «Прафесія ваеннага — гэта ганарова».
Сустрэча з малой радзімай і роднай школай была для Валерыя Мікалаевіча асабліва радаснай і шчымлівай. Мелеш В. М. закончыў школу ў 1971 годзе, зараз пражывае ва Украіне.
