Інспектар ІСН Пружанскага РАУС Кавалёў У.М.правёў прафілактычную гутарку з вучнямі 7-10 класаў на тэму недапушчэння ўдзелу ў несанкцыянаваных масавых мерапрыемствах, прычыненне шкоды здароўю аднагодкам, а таксама нагадаў аб прафілактыцы злачынстваў у сферы палавой недатыкальнасці.
Дзень патрыятычнага, духоўна-маральнага выхавання быў 1 сакавіка ва ўстанове адукацыі. Арт-студыя “Маёй Радзімы дзіўны свет” запрасіла вучняў 1-4 класаў пазнаёміцца бліжэй з чароўным светам беларускай прыроды. Беларускія краявіды вачыма дзяцей атрымаліся крэатыўнымі і арыгінальнымі. Вучням 5-7 класаў была прапанавана нтэрактыўная гульня “Святыя сімвалы Радзімы”, у ходзе якой яны ўспомнілі асаблівасці герба, сцяга Беларусі, пелі гімн, выконвалі разнастайныя заданні. Экскурсію ў музей ДУА «СШ №1 г.Пружаны» здзейснілі вучні 8-9 класаў, дзе мелі магчымасць пазнаёміцца з экспанатамі часоў Вялікай Айчыннай вайны, праслухаць аповед настаўніка гісторыі пра гераічны подзвіг беларускага народа у час вайны.
З мэтай выяўлення ўдзельнікаў беларуска-расійскага праекта “Цягнік Памяці”, а таксама выяўлення і распаўсюджвання вопыту паспяховага лідара, фарміравання ў грамадскай і асабістай свядомасці пазітыўнага вобразу юнага лідара ў ДУА “СШ №4 г. Пружаны” прайшоў раённы этап Рэспубліканскага конкурсу “Я патрыёт сваёй краіны” у рамках беларуска-расійскага праекта “Цягнік Памяці”. Вучаніца 10 класа Шаламіцкая Паліна прымала ў ім удзел і атрымала дыплом ІІІ ступені. Віншуем Паліну і педагога-арганізатара Жырыкаву Наталлю Ільінічну з высокім дасягненнем на конкурсе!
28 лютага ў рамках Адзінага дня бяспекі ў мэтах фарміравання культуры бяспекі жыццядзейнасці ва ўстанове адукацыі прайшла вучэбная эвакуацыя і адпрацоўка плана эвакуацыі з будынка школы. Вучням яшчэ раз нагадаў пра правілы бяспечных паводзін, дзеянні падчас пажару прадстаўнік Пружанскага раённага аддзела МНС Мацкевіч В.П.
27 лютага для вучняў 5-7 класаў адбылося пасяджэнне ШАГ з удзелам настаяцеля Свята-Мікалаеўскай царквы в.Засімавічы айцом Сергіем. Мэта занятка – фарміраванне культуры і арганізацыі побыту, навыкаў і звычак маральных паводзін у грамадстве. Дзеці абмеркавалі разам правілы паводзін у грамадстве, якія веды неабходныя выхаванаму і культурнаму чалавеку, як паводзіць сябе ў спрэчных сітуацыях.
27 лютага вучні 8-10 класаў былі запрошаны на чарговую Школу Актыўнага Грамадзяніна і абмеркавалі пытанні вядзення ЗЛЖ. Здаровы лад жыцця з’яўляецца перадумовай для развіцця розных бакоў жыццядзейнасці чалавека, дасягненні ім актыўнага даўгалецця і паўнавартаснага выканання сацыяльных і працоўных функцый.На першым этапе праекта з дапамогай віктарыны “Мы даведаемся” актуалізаваліся веды аб здаровым ладзе жыцця, магчымасцях для аздараўлення і заняткаў спортам у Рэспубліцы Беларусь і горадзе Пружаны. У фокусе абмеркавання — пытанні здаровага ладу жыцця; аздараўленне; спорт; прафілактыка наркаспажывання і іншых шкодных звычак. “Здаровы лад жыцця дапамагае нам выконваць нашы мэты і задачы, паспяхова рэалізоўваць свае планы, спраўляцца з цяжкасцямі, а калі прыйдзецца, то і з каласальнымі перагрузкамі”, — да такога вываду прыйшлі прысутныя.
Днём узаемадзеяння з сям’ёй стала субота 22 лютага. Забаўляльная праграма “Рамонак на шчасце” чакала вучняў 1-4 класаў. Разнастайныя конкурсы, цікавыя загадкі, запіс прыемных слоў пра сваю сям’ю — усё гэта спрыяла фарміраванню пазітыўных адносін да сям’і як да галоўнай ячэйкі грамадства. Калаж “Усё пачынаецца з сям’і” рабілі вучні 5-8 класаў. Для кожнага чалавека сям’я — самае галоўнае і важнае ў жыцці. Таму кожны імкнуўся стварыць яе лобрай, гарманічнай, чулай.
22 лютага на базе ДУА «СШ №4» г.Пружаны Пружанскі раённы Савет ГА БРПА сумесна з ЦДАМ «Цэнтр творчасці дзяцей і моладзі г.Пружаны» правёў раённы турнір настольных і дваровых гульняў «Мы гуляем» у рамках піянерскага патрыятычнага фестываля «Аганёк запрашае сяброў». Акцябрат, піянераў і актывістаў БРСМ чакалі конкурсы «Джэнга», «Рызіначка», «Хадзілка». Каманда акцябрат пад кіраўніцтвам педагога-арганізатара Жырыкавай Н.І. паказала добрую падрыхтоўку і ў выніку заваявала 1 месца. Віншуем нашу каманду з перамогай!
22 лютага УА «Пружанскі дзяржаўны аграрна-тэхнічны каледж» запрасіў усіх выпуснікоў школ раёна на «Кірмаш мэтавай падрыхтоўкі». Навучэнцы 8-9 класаў наведалі прафарыентацыйнае мерапрыемства «Кірмаш мэтавай падрыхтоўкі», дзе пазнаёміліся з асноўнымі напрамкамі, па якіх можна атрымаць адукацыю ў дадзенай установе, наведалі майстар-клас па глебазнаўстве. Таксама даведаліся, што ўпершыню ў 2025 годзе будзе ажыццяўляцца набор па спецыяльнасці «Папярэджанне і ліквідацыя надзвычайных сітуацый». Кірмаш дазволіў будучым абітурыентам атрымаць поўнае ўяўленне аб будучых прафесіях і зрабіць усвядомлены выбар. Навучэнцы каледжа ў гонар гасцей падрыхтавалі святочны канцэрт, паказаўшы, што навучальная ўстанова дае не толькі прафесійную падрыхтоўку.
