Кожную суботу разам
Па вуліцах правільнага харчавання падарожнічалі пачаткоўцы ў суботні дзень. Вызначалі лепшых сярод лепшых у турніры “Стань першым” вучні 5 – 7 класаў. Шмат цікавай і карыснай інфармацыі на тэму “Шкодныя звычкі і іх прафілактыка” атрымалі старшакласнікі пры сустрэчы з загадчыкам Чахецкага ФАПа Жук С.В. Члены атрада “Міласэрнасць” прынялі ўдзел у акцыі “Падзяліся цяплом душы сваёй”.
Бяспека ў інфармацыйнай прасторы
Сучасны чалавек не мае магчымасці адмовіцца ад інфармацыі, якую атрымлівае праз сродкі масавай інфармацыі і камунікацыі. Але любую інфармацыю чалавек павінен крытычна асэнсоўваць і вызначаць, што для яго карысна, а што не, якім прыкладам карыстацца, а на што не звяртаць увагу. Гэта і ёсць асэнсаваны выбар чалавека.
З гэтай нагоды 10 сакавіка ў школе прайшла адзіная інфармацйная гадзіна для вучняў 7 — 10 класаў па тэме «Мы ў Інтэрнэт-прасторы: як абараніцца ад маніпуляцый», падчас якой вучні абмеркавалі пытанні маніпулявання, як адной з галоўных пагроз інфармацыйна-псіхалагічнай бяспекі, асцярожнасці ў віртуальных зносінах, негатыўнага ўздзеяння на пачуцці і шмат іншага.
.
Нам мір завешчана берагчы
Падведзены вынікі раённага этапу конкурсу, дзе ва ўзроставай катэгорыі ад 7 да 9 гадоў з работай «Свята Перамогі вачыма дзяцей» пераможцам стаў вучань 3 класа Ханіла Яўгеній.
У сімвалах дзяржавы — гісторыя маёй Радзімы
9 сакавіка ў рамках раённага конкурсу на лепшы куток дзяржаўнай сімволікі ў школе прайшоў квэст-круіз, удзельнікамі якога сталі вучні 5 — 7 класаў. Мерапрыемства ацэньвала паважанае журы на чале з начальнікам аддзела па адукацыі Казарэз І.А. Кожная каманда павінна была прайсці 6 станцый квэста: «Цікаўная», «Інтэлектуальная», «Беларуская», «Дзяржаўная», «Музычная», «Святочная». На станцыях дзяцей сустракалі члены ГА «БРСМ». З прапанаванымі заданнямі ўсе каманды справіліся паспяхова, але пераможцам стала каманда «Зубраня». Гульня атрымалася цікавая і займальная. Асабліва прыемна было атрымліваць узнагароды з рук Ірыны Анатольеўны Казарэз.🇧🇾🥇🥈🥉
Самай мілай і любай прысвячаем…
Святочны настрой панаваў у школе 7 сакавіка. Для сваіх настаўнікаў, сястрычак, сябровак вучні падрыхтавалі віншавальную паштоўку. У выкананні ўдзельнікаў драматычнага гуртка і гуртка «Звонкія галасы» гучалі песні, вершы, цудоўныя мелодыі.
Птушыныя гісторыі
У раённым этапе абласнога конкурсу «Синицы-озорницы и другие птицы» ў намінацыі «Комиксы «Птичьи истории» работа Міранюк Анастасіі адзначана дыпломам 3 ступені. Віншуем!👍
Кожную суботу разам
Успомніць пачаткоўцам подзвігі жанчын у гады Вялікай Айчыннай вайны дапамагла гадзіна памяці “Жаночы твар вайны”. Пазнаваўчая гадзіна «У сімвалах дзяржавы — гісторыя майго народу» зацікавіла вучняў 5 — 7 класаў. Члены ГА «БРСМ» удзельнічалі ў зборы актыву і рыхтаваліся да квэста «У сімвалах дзяржавы — гісторыя майго народу». Вучні 7, 8, 10 класаў удзельнічалі ў раённых спаборніцтвах па стральбе з пнеўматычнай вінтоўкі.
«Увага ўсім!»
У рамках адзінага дня грамадзянскай абароны ў нашай установе адукацыі прайшла вучэбная эвакуацыя. Каб пакінуць будынак школы, вучням і работнікам спатрэбілася крыху больш 2 мінут.
